Eimreiðin - 01.04.1946, Side 35

EIilREIÐIN
99
Vorljóð.
I dag er gleðirödd í fossins falli,
nú finn ég það.
Og lífkvik ólga leysir burtu snjóinn
við ljóssins bað.
Og ljósið birgir bætiefna forða
hvern brumsins væng,
sem draumlaust svaf í kuldans krepptu örmum
á klakasæng.
Og hug minn nýja krafta finn ég fylla,
sem fjör mitt kýs.
Og blóðið þreytir þolblaup sitt um æðar,
og þrek mitt rís.
Og allir draumar vakna í vitund minni
við vorsins kall.
Ég stilli alla strengi sálar minnar
á stuðlafall.
Og töfraklæðið breiðir vorið bjarta
á brekku og hól
og lætur fagra glæsi-glitið skarta,
er geislar sól.
Og bafrænán ber ferskan gust til fjalla
frá fjarstu strönd
og lierðir hlaupin djörf til fremstu dala
um draumalönd.