Ægir - 01.09.1931, Blaðsíða 10

178
ÆGIR
Atvinnunefnd.
Samkvæmt ályktunum síðasta Alþingis
hefur nú verið skipuð atvinnunefnd. í
henni eiga sæti: Sigurður Sigurðsson bún-
aðarmálastjóri, formaður, skipaður af at-
vinnumálaráðuneytinu, Sigurjón Á. ól-
afsson afgreiðslumaður, skipaður eftir
tillögum Alþýðusambands íslands, og
Maggi Júl. Magnús læknir, kosinn af
bæjarstjórn Reykjavíkur.
Verkefni atvinnunefndar sést i 22. gr.
XV. fjárlaga 1932, en hún liljóðar svo:
Stjórninni er heimilt:
XV. Að verja 300000 kr, til þess að veita
aðstoð sveitar- og bæjarfélögum um
atvinnubætur, gegn tvöföldu framlagi
hlutaðeigandi sveitar- og bæjarfélags,
eftir nánari fyrirmælum reglugerðar.
Er stjórninni heimilt að taka fé að
láni til þessa.
Að öðru leyti er ráðstöfun þessa fjár
háð eftirfarandi skilyrðum :
1. Til aðstoðar við framkvæmd þessa
skal vera atvinnunefnd, skipuð þrem-
ur mönnum. Atvinnumálaráðuneytið
skipar formann nefndarinnar ogann-
an nefndarmann samkvæmt tillög-
um Alþýðusambands Islands. Rriðja
nefndarmanninn tilnefnir bæjarstjórn
Reykjavíkur. Hann skai þó víkja sæti
úr nefndinni á meðan hún hefur til
meðferðar mál annars sveitar- eða
bæjarfélags, ef hlutaðeigandi sveitar-
eða bæjarstjórn hefur tilnefnt mann
til að taka þar sæti til þess að fjalla
um það mál.
Kostnaður við nefndarstörfin, ann-
ar en ferðakostnaður, greiðist úrrik-
issjóði.
2. Sveitar- og bæjarstjórnir, sem óska
framlags til atvinnubóta samkvæmt
heimild þessari, senda umsók um
það til formanns atvinnunefndar.
Umsókninni fylgi skilríki fyrir þvi,
að sérstakra ráðstafana sé þörf vegna
atvinnuleysis. Ennfremur nauðsyn-
legar upplýsingar um þau verk, sem
framkvæma á.
3. Eftir að atvinnunefnd hefur athugað
umsóknir, atvinnubætur og gögn þau,
er þeim fylgja, gerir hún tillögur
um þær til atvinnumálaráðuneytis-
ins, er úrskurðar umsóknirnar.
4. Þeir einir geta fengið atvinnubóta-
vinnu samkvæmt heimild þessari,
sem ekki geta fengið vinnu annars-
staðar. Séu fleiri menn atvinnulausir,
en unnt er að veita vinnu í einu,
skal vinnunni skipt sem jafnast milli
þeirra, þó þannig að fjölskyldumenn
gangi fyrir.
5. Nánari ákvæði um verksvið nefnd-
arinnar, skilyrði fyrir framlögum til
sveitar- og bæjarfélaga og annað, er
þurfa þykir vegna heimildar þessar-
ar, setur atvinnumálaráðuneytið með
reglugerð.
Húsbrunar. Hinn 3. sept. brann íbúð-
arhús Stefáns Sigurðssonar bakara á
Akureyri.
Hinn 18. sept. brunnu öll kaupfélags-
húsin á Hólmavík nema eitt. Um kvöld-
ið kl. 11 varð kaupfélagsstjórinn var við
eldínn, sem vegna ofsaroks af suðvestri
magnaðist svo á svipstundu, að við ekk-
ert varð ráðið. Innbú og vörur, sem i
búðinni voru brunnu til kaldra kola —
auk þess mikið af íiski og ull. Ætlun
manna er, að kviknað hafi út frá raf-
magni.