Ægir - 01.09.1931, Síða 12

180
ÆGIR
Dýra- og fiskveiðar
á Grænlandi.
Framkvæmdarstjóri Lyngbæk við grænlenzku
verzlunina, var meðal peirra, sem tóku þátt í
Grænlandsför hinna dönsku þingmanna í sum-
ar og veitti öllu eftirtekt, sem bar fyrir augu á
hinum mörgu verzlunar- og útgerðarstöðum,
sem um var farið á þeirri ferð, og einkum
öllu því, er snerti dýra- og fiskveiðar. Eftir að
hann var kominn til Danmerkur, með græn-
landsfarinu »Disko«, skýrði hann blaðinu »Bör-
sen« frá athugunum sinum á þessa leið.
Porslweiðar byrja seint.
Undanfarin ár, hafa þorskveiðar við
Grænland byrjað fyr og fyr á árinu og
komið hefur fyrir að þær hafa byrjað
í maímánuði. í sumar var mikill is þar
við land, svo veiðar byrjuðu ekki fyren
i júlí og þegar »Disko« fór frá Græn-
landi, var afli miklu minni en um sama
leyti í fyrra og eigi unnt að segja, hvort
aflinn verði 6000 smálestir þetta ár eins
og í fyrra. Af aflanum 1930, voru 3000
smálestir af saltfiski sendar til Kaup-
mannahafnar.
Lúðuveiðar byrjuðu síðast í júlí og
engu verður spáð hvernig útkoma verði
þar. Hin mikla veiði Norðmanna og Eng-
lendinga undanfarin ár, gefa ekki góðar
vonir um veiðar þetta ár, en þó vænta
menn þess, að niðursuðuverksmiðjan í
Holsteinsborg hafi nóg að starfa.
1 fyrra tók verksmiðjan við V* miljón
kilo af lúðu og sendi niðursoðið til Dan-
merkur, l/a milljón pundsdósir.
Lúður vega að meðaltali 25—30 kilo
og þær stærstu, sem veiðast, eru allt að
150 kilo að þyngd.
Grálúða veiðist einnig; er hún vart
eins stór og lúða eða flyðra, en feitari
og vel fallin til reykingar. Hafði þegar
veiðst nokkuð, þegar þingmennirnir voru
á ferðinni. Er hún söltuð, send til Dan-
merkur og þar kaupa reykhúsin hana.
Laxveiðin.
Við Sykurtoppinn og Holsteinsborg er
veiði stunduð í ám. Laxinn sem veiðist
er um alin á lengd, hann er saltaður og
þannig sendur til Danmerkur og Sví-
þjóðar.
Þegar þingmennirnir voru þarna á
ferð, voru veiðar ekki byrjaðar. Orsök
til þess, að engin niðursuðuverksmiðja
er í landinu fyrir þessa vörutegund er
sú, að menn hafa komist að því, að lax-
inn leitar ávalt til þeirrar elfu, þar sem
hann er fæddur. Þegar hann er veiddur
í nót og oft dregið á fyrir hann, tæmist
áin á nokkrum árum og aðrir laxar
ganga ekki í hana. Þannig fór, þegar
etatsráð Mads heitinn Rasmussen gerði
tilraunir að sjóða niður lax i Grædefjord
við Godthaab, fyrir nokkrum árum.
Hann dró á með nót í ánni og á þrem
árum tæmdi hann hana, svo ekki fékkst
branda.
Síðan var verksmiðja hans flutt til Hol-
steinsborg, endurbætt, og verður rekin
þar.
Hákarlaskrápur.
Tilraunir hafa verið gerðar til þess að
gera hákarlaskráp að verzlunarvöru; ný-
lega hafa menn fundið upp sútunarað-
ferð sem gerir skrápinn svo mjúkan, að
hægt er að gera úr honum skó, töskur
og margt fleira. Hákarl sá sem veiddur
er, er sama tegund og Norðmenn nefna
Haakœrring, og er ekki hættulegur mönn-
um. — Skrápurinn er um U/s meter á
lengd, svo frekar má telja hákarlinn
stóran. Til þess að færa sér þessa veiði
í nyt er nú veríð að kenna Grænlend-
ingum nýtýzku veiðiaðferðir og verkun
á skrápnum, þ. e. vöruvöndun.