Ægir - 15.12.1964, Page 60

446
ÆGIR
í Hollandi og hefur árangur verið athygl-
isverður.
Tilraun með sjókælingu í tankskipi get-
ur verið tiltölulega einföld. Hægt er að
setja nokkurt magn af sjó í einn tank
skipsins, fylla síðan með ís, sem þá mynd-
ar krapa. Sjónum má síðan hringrása um
annan tanka, þar sem síldin verður
geymd. Er þá notazt við bræðsluvarma
íssins (um 80 kal. á kg.), sem kuldagjafa.
Með þessu móti ætti að vera hægt að
lækka hitastig síldarinnar um 5 til 7 stig
á skömmum tíma og má ætla, að við það
megi framlengja stórlega geymsluþol sild-
arinnar og margfalda möguleika á frek-
ari vinnslu. Það væri alls ekki fráleitt að
hugsa sér 3ja til 4ra sólahringa geymslu,
sem myndi þá leyfa tveggja sólahringa
siglingu til löndunarhafnar. Vísast er þó,
að ýmsir annmarkar komi í ljós, og því
eru rannsóknir hrein forsenda fyrir því,
að aðferðin geti komið að gagni.
Reynslan í sumar sýndi, að þau tæki,
sem valin voru, fara mjög vel með síld-
ina meðan hún er ný. Hins vegar virðist
hreistrið losna á henni mjög fljótt eftir að
hún fer úr dauðastífni (rigor mortis), en
samkvæmt gildandi matsákvæðum er síld
talin óhæf til söltunar, ef hún hefur tap-
að verulega hreistri.
Á þessu stigi má skjóta því inn, að það
er að verða algengt, að ýmiskonar iðnað-
ur leggi 1 til 5% af framleiðsluverðmæti
í rannsóknir, en í rannsóknunum er fólg-
in auðlind, sem íslenzkur fiskiðnaður hef-
ur að mestu farið á mis við.
VIII. Niðurlagso fð.
Tilraunir þær, sem hér hefur verið
rætt um, urðu að vonum allkostnaðarsam-
ar. Það er vissulega tofvaxið nýrri, lítiili
verksmiðj u að standa undir kostnaði,
sem þeim var samfara, enda hefir Einar
Guðfinnsson h.f. þegar notið myndarlegs
stuðnings ríkisstjórnar og Fiskimálasjóðs.
Við, sem frumkvæðið áttum, og höfum
fylgt tilraununum þetta áleiðis, teljumþó
að allur kostnaður, sem til hefur verið
stofnað í þessu skyni, fáist margfaldlega
greiddur í bættri afkomu síldariðnaðar-
ins í landinu. Þetta getur þó aðeins orðið
í ríkum mæli, ef tilrauninni verður fylgt
eftir með enn frekari rannsóknum.
5. mynd.
Löndun í Bolungarvík.