Ægir - 15.04.1970, Blaðsíða 15

ÆGIR
113
FRÁ FISKIÞINGI 1970
FRÆÐSLUMÁL.
30. Fiskiþing vill benda á þá miklu nauð-
syn, að auka fræðslu um allt er að útgerð
°S fiskiðnaði lýtur, og felur fiskimála-
stjóra og stjórn Fiskifélagsins að vinna að
þessu á eftirfarandi hátt:
1. Að hafin verði kennsla í verknáms-
deildum unglingaskólanna í allskonar
sjóvinnu og veiðarfæragerð, svo að
kynnt verði grundvallaratriði í með-
ferð og verkun hverskonar sjávarafla.
2- Að hafinn verði sérstakur þáttur í
Ríkisútvarpinu um útgerð, fiskiðnað og
sjómennsku. Verði sá þáttur fluttur
daglega og þá helzt á þeim tíma dags
er auðveldast er að ná til vinnandi fólks
í þessum atvinnugreinum.
2- Fiskiþingið treystir því að stýrimanna-
námskeið verði haldin úti um landið,
eins og lög Stýrimannaskólans gera ráð
fyrir, og minnir á að auglýsa þarf nám-
skeiðin með nægum fyrirvara.
Þá mælir þingið með því, að athugaðir
verði möguleikar á því, að halda vél-
stjóranámskeið á Isafirði á komandi
hausti.
Fiskiþingið minnir á tillögur frá fyrri
þingum, um stofnun fiskiðnaðarskóla,
°g telur að ekki megi öllu lengur drag-
ast að koma slíkri stofnun upp. Vill
þingið benda á, að komin er nokkur
hreyfing um stofnun fiskvinnsluskóla í
Vestmannaeyjum og geti verið til at-
hugunar, að ríkisvaldið styddi Vest-
niannaeyinga í því að koma þar upp
slíkri menntastofnun.
h- Þá telur þingið, að stofna beri fiski-
fræði- og fiskiðnfræðideild við Háskóla
íslands.
FISKIRÆKT.
Fiskiþingið telur, að eigi megi dragast
engur að hefja hér við land tilraunir með
iskirækt í sjó og sjávarlónum og ítrekar
yrri samþykktir í því efni.
Einnig telur Fiskiþingið, að fiskirækt í
ám og vötnum sé alltof skammt á veg
komin, einkum þegar haft er í huga, að
skilyrði til fiskiræktar hér á landi eru hag-
kvæmari en víðast hvar annars staðar,
vegna gæða og gnægðar ferskvatns í ám
og vötnum, mikils jarðhita, sem unnt er að
nota til að halda kjörhita við eldi vatna-
fiska, svo og vegna ódýrs fóðurs til fisk-
eldis.
Fiskiþingið lýsir stuðningi sínum við
stofnun Fiskiræktarsjóðs til stuðnings
fiskirækt og fiskeldi í landinu, sbr. stjórn-
arfrumv. til breytinga á 1. um lax- og
silungsveiði, sem nú liggur fyrir Alþingi,
en telur að gjald það, sem sjóðnum er ætlað
af veiðitekjum sé of lágt og eigi nægilega
skýrt tilgreint af hverjum það skuli greitt,
t.d. virðist sjálfsagt að gjald af veiðileyf-
um stangaveiðimanna renni í sjóðinn og sé
eigi lægra en 5% af verði veiðileyfis.
Fiskiþing telur varhugavert að heimila,
að uppræta megi fiskstofna í einstökum
vötnum eða ám með kemiskum efnum, svo
sem gert er ráð fyrir í 10. gr. frumvarps-
ins.
Þá felur Fiskiþingið stjórn Fiskifélags-
ins að fara þess á leit við Alþingi, að í um-
ræddu frumvarpi yrði tryggt, að fulltrúar
frá Fiskifélagi Islands og Hafrannsókna-
stofnuninni fái sæti í veiðimálanefnd, skv.
tilnefningu þessara stofnana.
Þá skorar Fiskiþingið á stjórn félagsins
að beita sér fyrir því, að sérstök fjárveit-
ing fáist til þess á fjárlögum að rannsaka
aðstöðu og kostnað við að koma á stofn
fiskirækt á sjávarfiski hér við land, hlið-
stætt því sem gert hefur verið erlendis.
Fiskifélaginu verði falin framkvæmd þess-
ara rannsókna. Jafnframt sé aukin styrk-
veiting úr ríkissjóði til fiskiræktar í ám og
vötnum og þess vandlega gætt að það fé
komi að sem beztum notum.