Ægir - 01.01.1979, Page 36

móttakendur bréfanna ekki brugðist þessum trúnaði á
þeim tveim áratugum, sem bréfin hafa komið út.
Ég hefi oft á undanförnum árum velt því fyrir mér hvort
ekki væri æskilegt að senda fleiri aðilum, t.d. öllum
skipstjórum síldveiðiskipanna, eintök af bréfunum, en af
því hefir þó ennþá ekki orðið.
í öðru lagi fylgir sú hætta uppiýsinga og frétta-
miðluninni, að hún verði túlkuð sem áróður fyrir ágæti
viðkomandi samtaka eða stofnunar og að aðeins sé birt
það sem útgefendum telst hagstætt en hitt látið kyrrt
liggja sem óhagstætt virðist. Hér ber því að reyna að
fara hinn gullna meðalveg sem á öðrum sviðum.
f þriðja lagi eru því takmörk sett hvað hyggilegt
er að birta með tilliti til markaðs- og samkeppnisstöð-
unnar hverju sinni. Við höfum það t.d. yfirleitt sem
fasta reglu að birta aldrei í upplýsingabréfum söluverð
það, sem næst hverju sinni í hinum einstöku markaðs-
löndum fyrir hinar ýmsu tegundir til þess að reyna í lengstu
lög að koma í veg fyrir að kaupendur og/eða keppinaut-
arnir geti notað þær upplýsingar til að veikja samnings-
stöðu okkar.
Aftur á móti eiga fulltrúar allra viðkomandi aðila í
Verðlagsráði sjávarútvegsins aðgang að þessum verð-
upplýsingum þegar þeir óska.
Varðandi miðlun upplýsinga til framleiðenda og ann-
arra viðkomandi aðila með fundahöldum er reynsla mín
sú, að nauðsynlegt sé að halda slíka fundi, en umfram
allt ekki of marga, því flestir framleiðendur eru með-
limir í það mörgum samtökum, stjórnum, nefndum og
ráðum, að fundahöldin eru orðin þeim hrein plága.
Ég tel því að aukin kynninga og upplýsingastarfsemi
sé að öðru jöfnu heppilegri með bréfum en miklum funda-
höldum
Að lokum vil ég leyfa mér að víkja nokkrum orðum
að útgáfu Ægis, tímarits Fiskifélags íslands. Ég hefi í
áratugi verið þeirrar skoðunar, að efla beri áhrif og út-
breiðslu þess rits og aðlaga það breyttum tímum. Nokkur
bót hefir nýlega verið gerð á ritinu. en að mínum dómi
ekki fullnægjandi.
f rauninni hefi ég lengi talið, að Ægir sé tilvalinn
vettvangur til að miðla a.m.k. hluta af þeim upplýsingum,
sem hér er um að ræða. Ég vil því beina þeim tilmælum
til fiskimálastjóra og stjórnar Fiskifélagsins, að þetta
mál verði skoðað nánar og það sem fyrst, svo og að
stefnt verði að því að gera Ægi að öflugu málgagni
allra þeirra. sem starfa að hagsmunamálum sjávarút-
vegsins.
Um leið og ég lýk máli mínu vil ég færa fram þá ósk
og von, að þeim ólíku samtökum og einstaklingum, sem
að sjávarútvegi starfa, megi auðnast að snúa bökum
saman í því varnarstríði, sem sjávarútvegurinn á nú, í
stað þess að skaða málstaðinn með sífelldum innbyrðis
erjum og ósamlyndi. Ég bið þingfulltrúa þess sérstak-
lega að skoða þessi orð mín ekki sem venjulegan fundar-
frasa, heldur sem brýna aðvörun að marggefnum tilefnum.
Ingólfur Stefánsson:
• •
Oryggismál
Enn einu sinni ræðum við
við um öryggismál hér á
fiskiþingi. öryggismálin verða
vonandi einn þeirra mála-
flokka, sem alltaf eiga sér
dygga málsvara innan Fiski-
félags Islands, margt er enn
ógert í þeim málum sem við í
daglega talinu nefnum ör-
yggismál.
Mér þykir rétt að minnast
á nokkur þau málefni, sem
Rannsóknarnefnd sjóslysa
hefur unnið að síðustu misserin.
Rek gúmbáta
Nefndinni var falið að láta fara fram könnun á reki
gúmbáta. Ekki var þetta frumraun í þessum efnum, þar
sem rekathuganir höfðu farið fram annarsstaðar, en
mönnum þótti þó ástæða til að kanna þetta hér við land,
sökum þess að menn álitu að þærtilraunirsem fram hefðu
farið, hefðu ekki verið gerðar við þann veðurofsa, sem
hér er algengur við landið. Rannsóknir þessar fóru fram
undir umsjón til þess kjörinna manna, sem að mínu áliti
eru allir valinkunnir og þekktir fyrir störf sín. hver á
sínum vettvangi.
Erfiðleikar voru allmiklir á framkvæmd þessa verk-
elnis. meðal annars þurfti að sækja undir annan aðila
um skipakost, en eins og oft er þá samþykkjum við að
gera eitt og annað án þess að leggja fram nægilegt
fjármagn til þess sem gera skal. Landhelgisgæslan hefur
í mörg horn að líta og getur ekki alltaf helgað sig öðrum
verkefnum en þeim, sem henni eru ætluð.
Fljótlega kom í ljós þegar farið var að athuga rek
bátanna að kannski voru aðrir þættir í notkun bátanna
eins athyglisverðir og rek þeirra og beindist athygli
manna meira að því hvernig duga þessir bátar í mjög
slæmum veðrum?
Vegna þess, eins og áður hefur verið sagt, að nefndin
hafði ekki algjör umráð yfir skipi því sem í það og það
skiptið fékkst til tilraunanna dróst þessi athugun úr hófi.
24 — ÆGIR