Tímarit lögfræðinga - 01.12.2004, Blaðsíða 3

löqfræðinqa
4. hefti • 54. árgangur
desember 2004
EIN GREIN í FRUMVARPI TIL SAMKEPPNISLAGA
Nýverið var lagt fram á Alþingi frumvarp til samkeppnislaga og er nýjum
lögum ætlað að taka gildi 1. júlí á þessu ári. Fyrsta umræða um frumvarpið
hefur farið fram á þingi og ekki er ólíklegt að það verði orðið að lögum þegar
þessi skrif birtast á prenti. Hér verður einvörðungu 27. gr. frumvarpsins gerð að
umtalsefni í stuttu máli. Þessi grein er örugglega fordæmalaus í íslenskri
löggjöf, en dómstólum er þar fyrirskipað beint að fara eftir fenginni niðurstöðu
alþjóðlegs stjómvalds. Liggi sú niðurstaða ekki fyrir virðist dómstólum gert,
beri að skýra greinina eftir orðanna hljóðan, að reyna að geta sér til um hver
niðurstaða þess stjómvalds kunni að verða, eða fresta málinu ella. Greinin er
svohljóðandi:
Þegar dómstóll fjallar um samninga, ákvarðanir eða aðgerðir skv. 53. og 54. gr. EES-
samningsins í máli sem Eftirlitsstofnun EFTA hefur þegar tekið ákvörðun í má
úrlausn hans ekki brjóta í bága við þá ákvörðun. Enn fremur skal hann forðast að
leysa úr máli á annan veg en þann sem Eftirlitsstofnun EFTA kann að gera í máli sem
hún hefur til meðferðar. Dómstóllinn getur í þessu skyni frestað málsmeðferðinni.
Ákvæði 1. mgr. hefur ekki áhrif á heimild dómstóls til að leita eftir ráðgefandi áliti
EFTA-dómstólsins skv. 34. gr. samnings milli EFTA-ríkjanna um stofnun eftirlits-
stofnunar og dómstóls.
Of langt mál yrði að gera grein fyrir efni þeirra greina EES-samningsins sem
vitnað er til, en í þeim er kveðið á um bann við samráði fyrirtækja og misnotkun
á markaðsráðandi stöðu. Reglugerð EB, nr. 1/2003 frá 16. desember 2002, um
framkvæmd samkeppnisreglna hefur verið innleidd, sem svo er kallað, og hefur
þær breytingar helstar í för með sér:
461