Árbók Háskóla Íslands - 01.02.1940, Síða 19

17
Síðan voru styrkir þessir auglýstir til umsóknar af hálfu
aðalræðismannsskrifstofunnar, en fulltrúar liáskólans í
nefndinni voru þar ekki til kvaddir.
Happdrætti Háskóla íslands. Með því að fyrirsjáanlegt var,
að tekjur af 10 ára starfsemi happdrættisins mundu hvergi
nærri hrökkva til þess að greiða allan kostnað til byggingu
liins nýja háskóla, var farið fram á það við Alþingi og ríkis-
stjórn, að einkaleyfi háskólans til reksturs hapiidrættisins
yrði framlengdur um 3 ár. Var flutt frumvarp þess efnis á
Alþingi 1940. Fjárhagsnefnd neðri deildar bauðst til þess að
mæla með frumvarpinu, að því tilskildu, að háskólaráðið
skuldbindi sig til þess, að láta kennaraskólanum í té ókevpis
húsnæði í háskólanum. Háskólaráðið féllst á þetta og sam-
þykkti yfirlýsingu á þessa leið:
Háskólaráðið skuldbindur sig' til að láta fullgera eins fljótt
og unnt er húsnæði það á efstu hæð, sem ætlað er væntan-
legri kennaradeild, og er fúst á að lána kennaraskólanum
húsnæði þegar á næsta hausti, þangað til áðurnefnt húsnæði
er fullgert, í því trausti, að lög um kennaradeild verði sam-
þykkt bráðlega.
Var frumvarpið um framlenging happdrættisins síðan af-
greitt sem lög, og eru lögin prentuð á hls. 118.
I stjórn happdrættisins 1940 voru endurkosnir prófessor-
arnir dr. Alexander Jóhannesson, dr. Magnús Jónsson og
Bjarni Benediktsson.
Fjárhagur háskólabyggingarinnar. Með þvi að rétt þótti
að hraða byggingu háskólans og fullgera hann á þessu ári,
löngu áður en tekjur af happdrættinu voru orðnar nógu
miklar til þess að greiða byggingarkostnaðinn, var nauðsyn-
legt að taka lán til byggingarinnar. 1. september 1940 skuld-
aði liáskólinn í föstum lánum 700 000 krónur, og verða lánin
greidd með tekjum af happdrættinu, jafnóðum sem þær
falla til.
2