Árbók Háskóla Íslands - 01.02.1940, Page 111

109
þar sem hann vottaði finnsku þjóðinni samúð og virðingu íslenzkra
stúdenta. Ennfremur sýndi stúdentaráðið samúð sína í garð finnsku
þjóðarinnar, með því að gefa kr. 1000.00 til Rauða krossins í Finnlandi.
Handbók stúdenta. Síðan handbók stúdenta kom út árið 1936 hafa
allverulegar breytingar orðið á tilhögun náms í öllum deildum skól-
ans, og er því margt orðið úrelt af því, sem þar stendur. Þótti stú-
dentaráðinu því nú þörf nýrra upplýsinga, einkum þar sem aðsókn
hefir aukizt mjög að sumum deildum skólans á síðustu árum. Kaus
stúdentaráðið nefnd til að semja yfirlit um námstilhögun og stúdenta-
fjölda í hverri deild og annað það, er verða mœtti til leiðbeiningar
ungum stúdentum. Var skýrsla þessi send öllum þeim, sem stúdents-
próf tóku á árinu, og jafnframt birtur útdráttur úr henni i dagblöð-
um bæjarins.
Bókakaup. Allmikil brögð voru að því á síðastliðnum vetri, að
ýmsar útlendar námsbækur væru ófáanlegar í bókaverzlunum, og var
gjaldeyrisörðugleikum um kennt. Til þess að ráða bót á þessum vand-
ræðum, reyndi stúdcntaráðið að fá þvi til leiðar komið við gjald-
eyrisyfirvöld landsins, að ákveðin yrði viss upphæð erlends gjald-
eyris, sem verja skyldi til kaupa á námsbókum. Fól ráðið nefnd manna
úr öllum deildum skólans að gera yfirlit um verð námsbóka við
háskólann og semja samkvæmt þvi áætlun um þörf erlends gjald-
eyris. Jafnframt skyldi nefndin athuga möguleika á því, að stúdentar
sjálfir eða háskólinn tækju bókakaupin í sínar hendur. Samdi nefndin
ítarlega skýrslu um bókaverð við hverja deild háskólans i íslenzkri
og útlendri mynt. Starfi þessu er ekki að fullu lokið, og þvi enn
ekki liægt að sjá fyrir um árangurinn, en með þessu er þó fenginn
grundvöllur að frekara starfi.
Stijrkjamál. Árið 1939 fór ráðið þess á leit við Alþingi, að náms- og
húsaleigustyrkur til stúdenta yrði hækkaður um kr. 9000.00, úr kr.
24000.00 í kr. 33000.00. Árangur varð sá, að Alþingi samþykkti að
hækka styrkinn um kr. 5000.00, í kr. 29000.00 á fjárlögum fyrir 1941.
Þegnskaparvinna. Eftir beiðni rektors gekkst ráðið fyrir þvi, að
stúdentar ynnu þegnskaparvinnu við lagfæringu háskólalóðarinnar.
Unnið var ca. Yz mánuð, um mánaðamótin apríl og maí; tóku 77
stúdentar þátt í vinnunni og voru unnar rúmlega 2000 vinnustundir.
Sumarvinna. Þá beitti stúdentaráðið sér og fyrir því, að útvega
stúdentum sumaralvinnu. Leitazt var fyrir um það hjá háskólaráði,
hvort ekki væru tök á því, að nokkrir stúdentar l'engju atvinnu við
framkvæmdir þær, sem háskólaráð hefði með höndum í sam'bandi
við nýju háskólabygginguna. Var þessum tilmælum vel tekið, og
unnu 28 stúdentar um nokkurt skeið við vegagerð og lagfærinu á
umhverfi háskólans. Reynt var að semja við bæjarráð Reykjavíkur