Dýraverndarinn - 01.11.1959, Blaðsíða 16
Dýrunum eru víða
hættur búnar
NÁTTÚRAN býr víða dýrunum hættur. Fæstar
þessar hættur er unnt að afgirða, svo að þær valdi
ekki slysum á dýrum eða búi þeim bana.
Við mennirnir höfum, til viðbótar hinum lítt
viðráðanlegu hættum náttúrunnar, fært inn á
vettvang dýranna ýmsar hættur. — Verður hér
minnzt á þrjár.
I síðari heimsstyrjöldinni lögðu setulið síma
milli varðstöðva og aðsetursstaða. Sími þessi var
lagður á jörðu og liggur viða enn. Víradræsur
þessar eru bæði í byggð og á afrétt. Fyrirmæli
voru gefin um að fjarlægja allar svona dræsur
næstu árin eftir lok stríðsins, en eins og áður
getur, er langt frá, að svo hafi verið gert. Eftir
því sem sími þessi liggur lengur úti, grotnar ein-
angrun hans meir og meir, og getur því vírinn
gert hestum, kúm og kindum ærið mein, ef hann
nær að flækjast um fætur þeirra.
Sams konar hætta og enn verri stafar af varnar-
girðingum þeim úr gaddavír, sem setuliðin lögðu
víða um búðir sínar og hafa fengið allt of víða
að liggja ósnertar sem „eilífðar veiðinet" út um
hagana.
Þeir, sem keyptu braggahverfi af setuliðinu,
tóku að sér að fjarlægja þessar varnargirðingar
— eins og símann — en allt of viða hefur sú
skylda verið vanrækt.
um ýmis þau þakksamlega þegnu tilskrif, sem
honum berast:
„Komdu nú sæll, herra ritstjóri!
Ég bið þig afsökunar að hafa ekki skrifað þér
fyrr og borgað þér árgjaldið. Ég sendi því hér með
30 krónur. Ég þakka svo fyrir góðar og reglulega
skemmtilegar sögur — og líka fyrir myndirnar.
Vertu svo blessaður og sæll.
Þinn
Hafsteinn Sig.“
Girðingar hólfa haglendi, þjóna sauðfjárveiki-
vörnum eða afmarka lóðir og lendur. Of víða í
byggð og á afrétt finnast vírspottar eða gamlir
girðingaþættir. Þessir göddóttu vírar festast auð-
veldlega í ull kinda, flækjast um fætur búsmala
eða jafnvel festast í munni. Munu mörg dýr hér á
landi hafa liðið mikið, bæði innvortis og útvortis
vegna gaddavírs og annars girðingarefnis úr vír,
síðan landsmenn hófu notkun þess. Yfir gadda-
vírnum er oft ófagurt lesið, en mennirnir, sem í
gleymsku, hirðuleysi og hugsunarleysi skilja eftir
með fram girðingum lengri eða styttri vírspotta
eða heila uppvafninga af gömlu, ónýtu girðingar-
efni, sleppa við allan yfirlestur.
Eftir því sem árin líða og meir verður um girð-
ingar og gamalt girðingarefni, vaxa hætturnar,
sem af þessu stafa fyrir dýrin, ef ekki verður höfð
á því vökul aðgæzla að grafa niður eða urða
ónýtt girðingarefni og hafa gát á öllum afgangs-
vírspottum.
I bæjarlandi Reykjavíkur lét Skúli Sveinsson
lögregluþjónn á síðastliðnu sumri safna saman
og fjarlægja af víðavangi setuliðssíma, setuliðs-
girðingar og gamalt girðingarefni. Þó að starfað
væri að þessu nokkra daga, var langt frá því, að
lokið væri við að hreinsa bæjarlandið.
Þorsteinn Einarsson.
Áheit á Dýraverndarann:
Frá Guðrúnu Gísladóttur, Linnetsstíg 15, Hafnarfirði,
kr. 50. — Ritstjóri og ráðamenn þakka.
DÝRAVERNDARINN
Útgefandi: Samband dýraverndunarfélaga íslands. Ritstj.:
Guðmundur Gíslason Hagalín, Silfurtúni, Garðahreppi
(Sími 50166. Pósthólf 1342). Afgreiðslu annast Þorgils
Guðmundsson, Hraunteigi 21 (Sími 34344. Pósthólf 993).
Þorgils er að hitta á Fræðslumálaskrifstofunni alla virka
daga frá kl. 9 til 5. Verð blaðsins er kr. 30.00. Gjalddagi
er 1. júlí. Vinnið kappsamlega að útbreiðslu Dýraverndar-
ans. — Prentsmiðja Jóns Helgasonar.
80
DÝRAVERNDARINN