Dýraverndarinn - 01.12.1977, Page 2

Frá ritnefnd
Með þessu blaði sem er 5.—6. tbl. lýkur 63. árgangi Dýraverndarans.
Útgáfa blaðsins þetta ár hefur gengið stórslysalaust og vill ritnefnd þakka
sérstaklega þeim er hafa aflað blaðinu auglýsinga svo og afgreiðslu- og inn-
heimtumanni blaðsins. Án þeirra væri útkoma blaðsins ekki möguleg. Einnig
þakkar ritnefndin öllum þeim sem hafa útvegað blaðinu nýja áskrifendur og
þar eru trúnaðarmenn S.D.Í. um land allt fremstir í flokki.
Það er mikið gleðiefni að trúnaðarmennirnir skuli hafa svo mikinn áhuga á
blaðinu, því þeir hafa stóraukið áskrifendatöluna á þessu tæpa ári sem Jiðið
er síðan trúnaðarmannakerfið komst á.
Eins og við höfum áður bent á viijum við skora lesendur blaðsins að senda
okkur efni eða láta í ljós óskir sínar og ábendingar um efni blaðsins.
Þannig mun Dýraverndarinn þjóna betur tilgangi sínum, ef við hvert og
eitt gerum hann að okkar blaði.
J. s.
Innheimta árgjalds DÝRAVERNDARANS hefur gengið allvel. — Þó eru
nokkrir sem skulda árganginn 1977 ennþá. Og hjá afgreiðslumanni blaðsins
fengum við þær upplýsingar að nokkrir skulduðu árið 1976. Þeir munu ekki
fá blaðið frá næstu áramótum að telja.
Við skorum á þá er enn hafa ekki greitt árgjaldið að gera það nú þegar.
Það eru ekki nema 1000 krónur.