Melkorka - 01.06.1961, Blaðsíða 18
minnisvarðar um gullöld Portúgala. Þar
sem Jeronymus-klaustrið stendur nú, var
eitt sinn lítil kapella, þaðan voru munkam-
ir vanir að skyggnast til hafs eftir skipum
liinna fornu sægarpa. Þegar Vasco da Gama
kom heim úr einni af sínum löngu ferðum,
færði hann heilagri móður frá Belém krydd,
gull og eðalsteina í þakklætisskyni fyrir
vernd hennar, og fyrir þær gjafir var síðan
reist þetta klaustur, og þar hvíla bein þessa
frægasta sonar Portúgals.
Þar er líka önnur steinkista, sem ber
nafn og mynd hins mikla skálds, Luis de
Camoens, en hún er tóm. Hann dó í ör-
birgð, er drepsótt herjaði Lissabon, og eng-
inn veit livar bein lians hvíla.
Jeronymus-klaustrið er byggt í þeim
portúgalska ofhlæðisstíl, sem kenndur er
við Manuel konung, bróður Hinriks sæfara,
er segja má að hafi lagt grundvöllinn að
hinurn miklu siglingum og landafundum
Portúgala.
Belémsturninn er byggður út í Tejofljót-
ið og um margar aldir var hann verndari og
vörður fljótsins. í dag er hann aðeins minn-
ing um forna frægð. Ráðagerðir munu vera
uppi um að koma þar fyrir safni, er segi
hans liðnu sögu.
Fáeinir dagar eru skjótt liðnir hjá í þess-
ari fögru og sögufrægu borg, en gaman var
að fá tækifæri til að kynnast örlítið þessari
elskulegu þjóð. Það var gott eftir erfiða ferð
um sólsviðna hásléttu Spánar að koma til
sjávar, finna ferskan vind Atlanzhafsins á
ný. Það var gott að setjast inn á ódýran, en
þó hreinlegan veitingastað og geta fengið
hálfan skammt af soðnum fiski með kart-
öflum og smjöri, rétt eins og heima. Það
var gott að sitja á litlu kaffihúsi á kvöldin,
eftir erfiðan dag og sólheitan, og hlusta á
fado-söngvana, þessa einkennilegu tónlist,
fulía af trega og söknuði.
Þegar lestin brunaði með mig út í nótt-
ina, hljómuðu enn fyrir eyrum mér köll
fisksölukvennanna og fado-söngvarnir.
Það var kveðja Lissabon.
^allegt her<$asjal
Herðasjalið á þessari mynd er 210 cm langt og 50
cm breitt. Það er prjónað úr fínu ullargarni og falleg-
ast að prjóna það laust á grófa prjóna.
Fitjaðar eru upp 24 lykkjur (laust) 1. prjónn: prjón-
aður rangur, 2.prjónn: prjónaðar 3 lykkjur réttar, síðan
er fyrsta lykkjan af þessum 3 dregin yfir hinar 2, band-
inu brugðið upp á prjóninn, síðan prjónaðar 3 lykkj-
ur réttar og þeirri fyrstu brugðið yfir hinar tvær,
bandinu brugðið upp á prjóninn og endurtekið út
prjóninn. 3. prjónn: prjónaður rangur. 4. prjónn:
prjónuð ein lykkja rétt, bandinu brugðið upp á prjón-
inn og síðan prjónaðar 3 lykkjur réttar og sú fyrsta
dregin yfir hinar tvær, bandinu brugðið upp á prjón-
inn. Endurtekið út prjóninn. Síðan byrjað eins og á
fyrsta prjóni. Mynstrið er tnyndað af þessum 4 prjón-
um. Sjalið er kögrað með löngu kögri í sama lil.
54
MELKORKA