Fréttabréf Siglfirðingafélagsins í Reykjavík og nágrenni - okt. 2001, Blaðsíða 18
Fimmtug
og fjörug
Björgunarsveitinni d Siglufirði afhent
peningagjöf frá hópnum.
Kirkjugarðurinn heimsóttur og látinna
skólafélaga minnst.
Árgangur 1951 frá Sigló heldur í
hefðina og efndi til velheppnaðs ár-
gangsmóts helgina 20-22 júlí sl.
Gömul skólasystkyni úr árgangi
1951, ásamt mökum, endurnýjuðu
kynni sín í sumar er þau hittust eina
helgi og rifjuðu upp gamla daga. Mjög
góð þátttaka var í árgangsmótinu og
góð stemming í hópnum. Árgangur
1951 er nokkuð fjölmennur en alls var
fjöldi fermingarbarna í árgangnum 67.
Alls er áætlað að heildarþátttaka ásamt
mökum hafi verið um 80 manns.
Fyrsta kvöldið var hist á Bíó barnum
þar sem hópurinn hristi sig saman.
Mestur tími fór í spjall manna á milli
enda margir ekki sést lengi. Undirbún-
ingsnefnd mótsins kynnti dagskrána
næstu tvo daga. Allur undirbúningur og
skipulagning var með besta móti og
ekki kastað til höndunum þar. Að undir-
búningi vann hópur bæði á Siglufirði
og í Reykjavík.
Laugardagurinn var aðal mótsdagur-
inn. Hist var í kirkjunni til myndatöku
en að henni lokinni var látinna bekkja-
systkyna minnst með því að leggja
blóm á leiði þeirra í kirkjugarðinum á
Siglufirði.
Björgunar-
s veitinni
Strákum
var færð
gjöf frá
hópnum í félagsheimili þeirra
þar sem boðið var upp á veitingar.
Því næst lá leiðin í hið frábæra síldar-
minjasafn, þar sem fylgst var með síld-
arsöltun, dans stiginn á bryggjunni og
safnið skoðað. Um kvöldið var borðað á
Hótel Læk, sem margir reyndar kalla
enn Hótel Höfn. A milli góðra og vel
framlreiddra rétta voru annálar og
skemmtiatriði flutt. Fjörugu kvöldi lauk
síðan með dansleik í íþróttahúsinu þar
sem gamla skólahljómsveitin úr gaggó,
Stormar, hélt uppi fjörinu með lögum
frá gömlu skóladögunum.
Dagskránni lauk daginn eftir með
heimsókn í barnaskólann. Skemmtileg
heimsókn sem lét hugann reika til baka
til gamalla kennara og aðstæðna sem
tíðkuðust fyrir hálfri öld.
Víst er að allir fóru sáttir heim eftir
vel heppnað árgangsmót.
Theodór Ottósson
Skráningarstofan
óskar
Siglfirðingafélaginu
til hamingju
með afmælið
Skráningarstofan hf
■I
Stelpurnar í heimsókn í handavinnustofu
barnaskólans...
... og strákarnir í heimsókn á smíðaverkstœði
skólans