Heilbrigðismál - 01.10.1969, Blaðsíða 12

Reykingar mega ekki eiga sér stað meðal þung-
aðra kvenna. Ef þær reykja 5-10 eða 20 sígarettur
á dag, er ekki einungis hætta á, að barnið fæðist
of létt og vanþroska, heldur þegar verst gegnir, að
það fái banvæna eitrun fyrir fæðinguna. Af hverj-
um 10 konum, sem reykja og hafa misst fóstur eða
fætt andvana börn, er talið, að hverjar tvær hefðu
getað átt heilbrigð, fullburða börn, ef þær hefðu
ekki reykt. Þessar skuggalegu tölur eru nýlega til-
færðar í vísindaþætti brezku blaðanna eftir prófess-
or Scott Russel við háskólann í Sheffield. Hann
og samstarfsmenn hans við fæðingardeildir á spítöl-
um borgarinnar sýndu fram á, að reykingar ófrískra
kvenna orsaka væga eitrun, sem dregur úr vexti
fóstursins. Og þessari fyrstu áskorun til kvenna að
reykja ekki á meðgöngutímanum, fylgir nú önnur
enn þyngri á metunum. Sé barnið, sem ófrísk kona
gengur með, pasturslítið frá upphafi, geta sígarett
urnar valdið dauða þess.
Einni mörk of létt
Brezku vísindamennirnir hafa með aðstoð spurn-
ingalista komizt að fjöldamörgu sem varðar hundr-
uð ófrískra kvenna og um afdrif barnanna, sem
þessar konur ólu. Aðalniðurstaða rannsóknanna er
sú, að börn kvenna, sem reykja reglulega 5-10-20
sígarettur á dag, eru einni mörk of létt við fæðing-
una án tillits til þess, hvort þau fæðast fyrir tímann
eða ekki, eða hvort um dreng eða stúlku er að
ræða. Til þess að meta afleiðingar hinnar lækkuðu
Tóbakið getur
orðið ófœddum
börnum að bana
Ný, alvarleg áminning til barnshafandi kvenna
vigtar, hafa þeir unnið áfram úr eigin efni og leitað
heimilda í öllum bókmenntum læknisfræðinnar, til
þess að safna rökum. Þeir segja, að börn kvenna,
sem reykja að staðaldri, vinni smátt og smátt upp
þyngdarskortinn eftir fæðinguna. Það getur þó liðið
eitt ár, áður en hann er jafnaður að fullu. En sum
ófædd börn eru svo mótstöðulítil, að þau lifa ekki
áhrif tóbaksins í leginu af. Samkvæmt þeim upplýs-
ingum, sem prófessor Scott Russel hefur nú í hönd-
um, telur hann, að sígarettureykingarnar valdi
þannig dauða í 8 af hverjum 1000 tilfellum. Áður
hefur verið sýnt fram á, að 40 af hverjum 1000
þungunum fara forgörðum vegna reykinga. Annað
hvort missa konurnar fóstrin seint á meðgöngutím-
anum, eða börnin fæðast andvana. Með öðrum orð-
um, konurnar, sem reykja að staðaldri, eiga á sam-
vizkunni fimmta hluta, 2 af hverjum 10, þessara
harmleikja. Þetta er í samræmi við það, sem áður
hefur verið sýnt fram á, að konum, sem vinna í
tóbaksiðnaðinum, hættir mjög til þess, að missa
fóstur eða ala andvana börn. Vísindamennirnir
þora ekkert að fullyrða um það ennþá, hvernig tó-
bakseitrun fóstursins er varið. Hvort hún skeður
vegna hækkaðs blóðþrýstings, aukins kolsýrings í
blóðinu eða sem bein nikotíneitrun, er enn hulið,
en þeir telja, að tími sé kominn til að segja konun-
um, sem eiga börn í vændum, umbúðalaust, að
með reykingum um meðgöngutímann setji þær
ekki einungis sitt eigið líf í óþarfa hættu, heldur
einnig líf barnsins í ennþá stærri stíl.
(Tekið upp úr Berlingske Tidende 14.1. 1969.)
Bj. Bj.þýddi
12
FRÉTTABRÉF UM HEILBRIGÐISmAl