Heilbrigðismál - 01.01.1970, Blaðsíða 10
Myndin er af nýju sýningartæki, sem líkist sjón-
varpi, en er sýningarvél fyrir 8 mm. tilluktar film-
ur. Krabbameinsfélagið aflaði sér þess tækis fyrir
nokkru og lánar það, ásamt fræðslumynd um skað-
semi tóbaks, til allra skóla, sem óska þess og hafa
allmargir skólar, bæði úti á landi og í Reykjavík,
notið þess. Tækið er ætlað til notkunar í kennslu-
stofum og er unnt að sýna á það í björtu. Auk þess
lánar Krabbameinsfélagið skólum og þeim félögum
sem þess óska, þrenns konar 16 mm. fræðslumyndir
um skaðsemi sígarettureykinga, allar með íslenzku
tali. Þeim 10 eintökum sem til eru hjá félaginu hafa
félög og skólar notið góðs af á undanförnum 6 ár-
um, auk þess sem þær eru notaðar á fræðslufund-
um Krabbameinsfélagsins fyrir almenning.
Erlendur læknir og heilbrigðismálafulltrúi, sem
nýlega var á ferð hér á landi, lét hafa þetta eftir
sér í blaðaviðtali:
„Almenningsfræðsla er víðasthvar fyrir neðan
allar hellur. Tökum reykingar sem dæmi. Það eru
helzt lungnasérfræðingar sem nú eru að reyna að
hætta að reykja, aðrir segjast heldur vilja lifa nokkr-
um árum skemur, en láta þetta á móti sér. Þetta
eru orðin tóm, því almenningur gerir sér raunveru-
lega ekki grein fyrir hættunni. Eg held því fram að
of seint sé að kenna gömlum hundi að sitja og því
verðum við að einbeita okkur að því að fræða börn-
in, áður en þau byrja að erykja. Hinir fullorðnu eru
vonlausir."
8
FRÉTTABRÉF UM HEILBRIGÐISMÁL