Fréttablaðið - 20.01.2010, Blaðsíða 10

10 20. janúar 2010 MIÐVIKUDAGUR
VIÐSKIPTI „Við höfum vitað af þessu
í nokkurn tíma og höfum fengið þau
skilaboð frá skilanefnd Landsbank-
ans að yfirtakan muni ekki hafa
nein áhrif á reksturinn,“ segir Jón
Ingi Jónsson, framkvæmdastjóri
einkaþotuleigunnar Icejet.
Líkt og fram kom í Fréttablaðinu
í gær hefur skilanefnd Landsbank-
ans gengið að veðum í eignarhalds-
félaginu Nordic Partners og mun
á næstu vikum taka lyklavöldin á
hótelkeðjunni NP Hotels og taka
yfir allar þotur í eigu Icejet, eins
dótturfélaga Nordic Partners.
Icejet var stofnað árið 2006 og
rekur fimm sérstaklega innréttað-
ar Dornier-328 einkaþotur. Tvær
þotnanna hafa verið á söluskrá í ár
en þokast lítið í kreppunni. Félag-
ið gerði áður að miklu leyti út frá
Reykjavíkurflugvelli en flutti rekst-
urinn alfarið til Bretlands í október
2008. Þær eru leigðar til efnaðra
einstaklinga og fljúga víða um
Evrópu.
Nokkur hótel eru innan NP Hot-
els. Þar á meðal er glæsihótel-
ið D‘Angleterre auk veitingastað-
anna Copenhagen Corner og Front.
Rekstur Kong Frederik var seld-
ur um mitt síðasta ár og húsnæð-
ið leigt kaupandanum, dönsku
hótelkeðjunni First Hotel. Frum-
kvæðið að viðskiptunum kom
frá Landsbankanum, sem lánaði
Nordic Partners fyrir kaupunum á
hótelkeðjunni haustið 2007.
Þeir sem Fréttablaðið hefur rætt
við eru sammála um að Nordic
Partners hafi keypt dönsku hótel-
keðjuna dýru verði. Verðmiðinn er
þó nokkuð á reiki en almennt er talið
að hann hafi numið á milli eins til
1,5 milljarða danskra króna á sínum
tíma, jafnvirði um tólf til átján millj-
arða króna á þávirði, að meðtöldum
skuldum sem voru teknar yfir. Þetta
var talsvert yfir uppsettu verði, sam-
kvæmt dönskum fjölmiðlum.
Einn viðmælenda Fréttablaðs-
ins sagði viðskiptamódel Nordic
Partners tætingslegt; hótelrekstur
í Kaupmannahöfn hafi rímað illa við
einkaþotuleigu í Bretlandi og mat-
vælaframleiðslu og útleigu á iðnað-
ar- og skrifstofuhúsnæði í Eystra-
saltsríkjunum.
Ekki náðist í Jón Þór Hjaltason,
stjórnarmann NP Hotels, þegar
eftir því var leitað í gær.
jonab@frettabladid.is
950.000.000
120.000.000
+830.000.000
ÞÚ TALDIR RÉTT:
950 MILLJÓNIR
Fyrsti vinningur stefnir
í 120 milljónir og Ofurpotturinn
stefnir í 830 milljónir.
Ekki gleyma að vera með,
fáðu þér miða fyrir klukkan
fimm í dag á næsta sölustað
eða á lotto.is
ALLTAF Á MIÐVIKUDÖGUM!
MIÐINN GILDIR 20. JANÚAR 2010
A. 12 14 17 21 41 48
B. 05 16 23 36 37 38
C. 07 09 13 22 34 38
D. 03 06 19 24 25 31
E. 11 19 21 25 38 42
F. 01 25 35 36 39 46
G. 18 19 20 23 28 46
H. 22 27 29 39 40 42Fí
t
o
n
/
S
Í
A
BANDARÍKIN Vinsældir Baracks
Obama Bandaríkjaforseta hafa
dvínað töluvert frá þeim hæðum
sem þær voru í þegar hann tók við
embætti fyrir réttu ári.
Um það bil fimmtíu prósent eru
þó enn ánægð með störf hans, þótt
prósentan rokki eitthvað til eftir
skoðanakönnunum.
Þótt ár sé liðið hefur honum ekki
tekist að hrinda í framkvæmd nein-
um af þeim helstu málum sem hann
lagði áherslu á í kosningabarátt-
unni. Í þýska tímaritinu Spiegel er
fullyrt að í stað aðdáunar sé fólk
farið að vorkenna honum.
Marga er til dæmis farið að lengja
eftir því að hann loki Guantánamo-
fangabúðunum á Kúbu, sem hann
lofaði að gera innan árs eftir að
hann tók við, og ástandið í Afgan-
istan fer stöðugt versnandi.
Meira að segja ríkti í gær veru-
leg óvissa um örlög heilbrigðis-
frumvarpsins, sem tryggja átti
nánast öllum Bandaríkjamönnum
sjúkratryggingar. Örlög frumvarps-
ins réðust af úrslitum aukakosn-
inga í Massachusetts um þingsæti
Edwards Kennedy í öldungadeild
Bandaríkjaþings. Hafi repúblikan-
ar sigrað, eins og skoðanakannan-
ir bentu til, vantar demókrata eitt
atkvæði í deildinni til að tryggja
frumvarpinu endanlega samþykkt.
- gb
Eitt ár liðið frá því að Barack Obama tók við forsetaembætti í Bandaríkjunum:
Vonbrigði í stað aðdáunar
BANDARÍKJAFORSETI Obama hefur
enn ekki komið í verk neinum af helstu
baráttumálum sínum. FRÉTTABLAÐIÐ/AP
HERMENN ÆFA SIG Hópur indverskra
hermanna sýndi listir sínar við staur
í Nýju-Delí þegar haldið var upp á
afmæli hersins. NORDICPHOTOS/AFP
Tætingslegt veldi í molum
Rekstri fyrirtækja undir hatti Nordic Partners verður haldið áfram þrátt fyrir yfirtöku skilanefndar Lands-
bankans á eignum. Viðskiptaveldið að hruni komið. Viðskiptamódelið var tætingslegt, segir viðmælandi.
Nordic Partners er afkvæmi Gísla
Reynissonar fjármálahagfræðings,
sem stofnaði félagið upp úr kaupum
á plastverksmiðju í Lettlandi í
einkavæðingarferli stjórnvalda þar á
árunum 1996 til 1997.
Rekstrinum var umpólað og
verksmiðjunni breytt í iðngarða, sem
leigðir voru út. Þegar best lét voru
garðarnir átta talsins og sex hundruð
þúsund fermetrar í útleigu.
Umfang Nordic Partners óx mikið
upp úr þessu, svo sem umfangsmikil
matvælaframleiðsla í Litháen, Pól-
landi og Tékklandi auk smáreksturs
hér og í Færeyjum.
Höfuðstöðvar Nordic Partners
voru fluttar hingað árið 2004 og
voru þær til húsa við Suðurgötu í
Reykjavík ásamt skrifstofum Icejet.
Þrátt fyrir þetta skilaði félagið ekki
ársreikningi til Fyrirtækjaskrár eins
og lög gera ráð fyrir en sá síðasti
sem finna má í skrám embættisins
er reikningur fyrir uppgjörsárið 2004,
sem skilað var í nóvember 2005.
SKILUÐU EKKI ÁRSREIKNINGI Í MÖRG ÁR
STOFNANDINN Nordic Partners varð til upp úr fjárfestingum Gísla Reynissonar
hagfræðings í einkavæðingu í Lettlandi undir miðjan tíunda áratug síðustu
aldar. FRÉTTABLAÐIÐ/ANTON
HÖFUÐSTÖÐVAR NORDIC PARTNERS
JAFNRÉTTISMÁL Jafnréttisstofa
hefur, ásamt samgöngu- og sveitar-
stjórnarráðuneyti, gefið út bækl-
ing sem ætlað er að hvetja konur
til að bjóða sig fram til sveitar-
stjórnarstarfa. Í bæklingnum, sem
ber titilinn Eflum lýðræðið – konur
í sveitarstjórn, hvetja sveitar-
stjórnarkonur úr öllum flokkum
og kjördæmum konur til að gefa
kost á sér til starfa.
Hlutfall kvenna í sveitar-
stjórnum hefur aukist síðustu ára-
tugi, en enn hallar verulega á þær.
Við síðustu kosningar, árið 2006,
voru 36 prósent frambjóðenda
konur, en 64 prósent karlar. Í fimm
sveitarfélögum var engin kona í
sveitarstjórn. - kóp
Hvatningarbæklingur:
Konur hvattar
í framboð
KOSNINGAR Konur voru 36 prósent
frambjóðenda við síðustu sveitarstjórnar-
kosningar. Nú er unnið að því að jafna
kynjahlutfallið. FRÉTTABLAÐIÐ/STEFÁN
SAMGÖNGUR Helgina 12. til 14.
febrúar næstkomandi verður í
fyrsta sinn farið í beint áætlunar-
flug á milli Vestmannaeyja og
Akureyrar, tvisvar sinnum fram
og til baka, að því er fram kemur
á vef Akureyrarbæjar.
„Þetta er skemmtilegt tækifæri
fyrir Norðlendinga til að skreppa
til „suðrænna eyja“ og njóta þess
að ganga á grænu grasi í febrúar.
Sérstaklega ættu kylfingar að
kætast því Golfklúbbur Vest-
mannaeyja ætlar að standa fyrir
„Suðurhafseyja open“-golfmóti
laugardaginn 13. febrúar,“ segir
þar jafnframt. Flugfélag Íslands
annast flugið. - óká
Vestmannaeyjar - Akureyri:
Fyrsta beina
flugið í bígerð