Fréttablaðið - 15.02.2010, Síða 12

12 15. febrúar 2010 MÁNUDAGUR
Fréttaljósmyndakeppni World Press Photo
HOLLAND, AP Sigurmynd ítalska ljósmynd-
arans Pietro Masturzo af konu á húsþaki
í Teheran þykir bæði fögur og ná að grípa
vel spennuna sem lá í loftinu í höfuðborg
Írans þegar mótmælabylgjan var rétt
að hefjast í kjölfar forsetakosninganna
umdeildu.
Þessi ljósmynd var fyrst sýnd á ítölsku
sjónvarpsstöðinni RAI og síðan birt í tíma-
ritinu Loop.
„Ég trúi þessu ekki,“ sagði Masturzo
þegar hann frétti af niðurstöðunni. „Ég
hefði aldrei trúað því að lausamaður
myndi sigra,“ en Masturzo er hvergi fast-
ráðinn ljósmyndari.
Hann fær í sinn hlut tíu þúsund evrur,
eða rúmlega 1,7 milljónir króna, og for-
láta ljósmyndavél þegar verðlaunin verða
afhent í Amsterdam í byrjun maí.
Alls voru 63 ljósmyndurum frá 23 lönd-
um veitt verðlaun í þessari virtu ljós-
myndakeppni. Dómnefndin fékk það verk-
efni að velja úr rúmlega hundrað þúsund
ljósmyndum frá 128 ríkjum, en aldrei hafa
fleiri myndir verið sendar í keppnina.
Flestar verðlaunamyndirnar eru frá
átakasvæðum víðs vegar um heim. Fyrstu
verðlaun í flokki stakra fréttaljósmynda
hlaut Adam Ferguson, ljósmyndari á New
York Times, fyrir mynd af konu sem leidd
er á brott eftir sprengjuárás í Kabúl, höf-
uðborg Afganistans.
Ljósmyndarar á vegum frönsku frétta-
stofunnar AFP hrepptu öll þrjú verðlaunin
í flokki fréttaljósmyndaraða. Fyrsta sæti í
þeim flokki kom annað árið í röð í hlut arg-
entínska ljósmyndarans Walters Astrada,
sem að þessu sinni fær verðlaunin fyrir
myndaröð af harðvítugum átökum á Mad-
agaskar. gudsteinn@frettabladid.is
Átakamyndir af vettvangi frétta
Úrslitin í hinnu virtu alþjóðlegu fréttaljósmyndakeppni World Press Photo voru kynnt í gær. Flestar verðlaunamyndanna eru frá
átakasvæðum víðs vegar um heim, en besta myndin er af hrópandi konu í Teheran.
FRÉTTALJÓSMYND ÁRSINS Ítalskur ljósmyndari, Pietro Masturzo, hlýtur aðalverðlaunin fyrir mynd af hrópandi konu á húsþaki í Teheran, höfuðborg
Írans. Konan er að mótmæla úrslitum forsetakosninganna í júní á síðasta ári. FRÉTTABLAÐIÐ/AP
STRÍÐ ER PERSÓNULEGT Þessi ljósmynd, sem nefnist Stríð
er persónulegt, er eftir bandaríska ljósmyndarann Eugene
Richards. Hún úr ljósmyndaröð sem fékk fyrstu verðlaun í
flokki mynda af samtímaviðburðum. FRÉTTABLAÐIÐ/AP
INNSETNINGARATHÖFN Barack Obama er ekki beint hógværðin uppmáluð á þessari ljósmynd eftir Charles
Ommanney, sem tekin var á innsetningarathöfninni í Washington fyrir rúmu ári. Myndin er úr ljósmynda-
röð sem fékk fyrstu verðlaun í flokki ljósmynda af fólki í fréttum. FRÉTTABLAÐIÐ/AP
ÁTÖK Á MADAGASKAR Fyrstu verðlaun í flokki fréttaljósmyndaraða hlaut argentínski ljósmyndarinn Walter
Astrada fyrir myndir af átökum á Madagaskar. FRÉTTABLAÐIÐ/AP
SPRENGJUÁRÁS Í KABÚL Fyrstu verðlaun í flokki stakra frétta-
ljósmynda fékk ástralski ljósmyndarinn Adam Ferguson fyrir
þessa mynd, sem tekin var í Kabúl í Afganistan. FRÉTTABLAÐIÐ/AP