Fréttablaðið - 20.02.2010, Síða 28

28 20. febrúar 2010 LAUGARDAGUR
Þ
egar skýrsla
rannsókn-
arnefndar
Alþingis um
bankahrun-
ið kemur
út mun önnur nefnd níu
þingmanna fara yfir hana
og ákveða hvað skuli gera
við niðurstöðurnar. Meðal
annars hvort færa eigi
þá ráðherra, sem kunna
að hafa brotið lög, fyrir
landsdóm.
Nefnd sem þessi er án fordæma
á Íslandi og hafa nefndarmenn
verið að kynna sér sögu svipaðra
nefnda í nágrannalöndum. Nefndin
hittist tvisvar í viku til að undirbúa
sig fyrir útgáfu skýrslunnar. Einn
nefndarmaður orðar það svo að þau
séu að skrifa söguna jafnóðum.
Allir nema þrír nefndarmanna
eru með innan við árs reynslu af
þingstörfum. Formaðurinn, Atli
Gíslason, hefur verið á þingi síðan
2007 og annar þingmaður kom inn
sem varaþingmaður 2008. Þriðji
„öldungurinn“ er Ragnheiður Rík-
harðsdóttir, anno 2007, en hún
var sett í nefndina í stað nýliðans
Ásbjarnar Óttarssonar, eftir að upp
komst um misferli í rekstri fyrir-
tækis hans.
Formaður nefndarinnar, Atli
Gíslason, er sá nefndarmaður sem
hefur mesta reynslu af dómsmál-
um, eftir starf sem hæstaréttarlög-
maður um árabil.
Atli telur ekki að það hafi verið
samantekin ráð hjá formönnum
flokkanna að tefla fram nýliðum,
heldur hafi það verið sjálfsprottið
í hverjum flokki. Hann sjálfur var
valinn til að stýra nefndinni vegna
reynslu sinnar.
Þegar lög voru sett um nefndirn-
ar fór Þór Saari, þingmaður Hreyf-
ingarinnar, fram á að enginn yrði í
nefndinni sem hefði átt sæti á þingi
fyrir október 2008 eða hefði tengsl
við atburði eða gerendur í banka-
hruninu. Þetta virðist hafa verið
haft að leiðarljósi.
Birgir Hermannsson stjórnmála-
fræðingur segir um þetta „hrein-
lyndi“ nefndarmanna að traust
almennings á Alþingi og stjórn-
völd sé lítið og það þurfi að reyna
að endurheimta það að einhverju
leyti í gegnum uppgjör af þessu
tagi.
„Því er afar mikilvægt
að nefndin vinni þannig
að það verði sátt um það,“
segir hann. Engum detti
í hug að nefndin eigi auð-
velt starf fram undan og
eflaust eigi henni eftir að
verða á einhver mistök. Ef
til vill hefði verið æski-
legt að hafa reynslumeira
fólk með Atla í nefndinni
en eldri þingmenn hefðu
einnig boðið upp á grun-
semdir og vantraust.
Um Ragnheiði Ríkharðsdótt-
ur, sem ekki hefur viljað gefa upp
kostnað sinn vegna prófkjörs fyrir
þingkosningar 2007 eða hverjir
styrktu hana, segir Birgir: „Það er
alltaf betra að leggja spilin á borð-
ið svo menn séu ekki að spekúlera
og búa til ýkjusögur.“
Haldi fólk að leyndin sé til komin
vegna þess að Ragnheiður vilji
leyna einhverju, gæti það dregið
úr trausti á nefndina: „Það eru oft
gildar ástæður fyrir því að erfitt
sé að birta bókhald svona eftir á,
en það er langbest að lofta út.“
Birgir bendir á að nefndin komi
til með að fjalla um núverandi og
fyrrverandi félaga sína og um hugs-
anleg tengsl þessara félaga sinna
við bankakerfið, sem geri hlutverk
hennar viðkvæmara en ella og erf-
itt við að eiga. „Því er mikilvægt
að almenningur, sem stendur fyrir
utan, geti treyst því að nefndin
vinni af heilindum,“ segir hann.
Þegar skýrslan kemur út, verði
það nefndarinnar að hreinsa and-
rúmsloftið: „Maður finnur fyrir
því að enginn hefur komið fram
og tekið ábyrgð á hlutum. Eng-
inn í eftirlitsstofnununum telur
til að mynda að hann beri ábyrgð.
Þeir benda á aðra. Ef það heldur
áfram eftir að skýrslan kemur út,
þá verður með einhverjum hætti
að kveða upp úr með þá ábyrgð.
Nefndin þarf að segja hvar mis-
tökin liggja.“
Að endingu leggur Birgir áherslu
á að nefndin haldi ágreiningi innan
eigin raða. „Það verða deilur og
skiptar skoðanir um skýrsluna og
síðan um störf nefndarinnar, annað
er útilokað. En það gæti orðið mjög
skaðlegt fyrir Alþingi ef ágrein-
ingur innan nefndarinnar verð-
ur áberandi og allt fer í vitleysu,“
segir hann.
ODDNÝ GUÐBJÖRG
HARÐARDÓTTIR
Er ætlað að
skrifa söguna
Sæti sjálfstæðiskvennanna tveggja,
Unnar Brár og Ragnheiðar, kostuðu
meira en öll önnur sæti þingmanna
í nefndinni til samans.
Til að ná kjöri eyddu þær Unnur og Ragnheiður
tveimur milljónum og 829.241 krónum í prófkjör sín fyrir
síðustu kosningar.
Allir hinir sjö nefndarmennirnir eyddu 300.000 krónum eða minna.
Ef við gefum okkur að þeir hafi hver og einn eytt 300.000 krónum er það
samtals 2,1 milljón, 700.000 krónum minna en sjálfstæðiskonurnar tvær
eyddu.
SJÁLFSTÆÐISSÆTIN
KOSTA MARGFALT
Atli er þingmaður Suðurkjördæmis fyrir VG,
fæddur í Reykjavík 1947.
KOM Á ÞING: 2007
FERILL: Atli er með lögfræðipróf frá HÍ, og hefur
meðal annars stundað nám í eignar- og þjóðlendu-
rétti í Ósló. Hann hefur réttindi til að flytja
mál fyrir Hæstarétti. Atli hefur starfað
sem lögmaður, saksóknari, setudóm-
ari. Hann hefur meðal annars setið
í miðstjórn Samtaka herstöðvaand-
stæðinga og situr í Þingvallanefnd.
KOSTNAÐUR Í FORVALI: 300.000
krónur eða minna.
ATLI GÍSLASON FORMAÐUR
Lilja er þingmaður Norðvesturkjördæmis,
fædd í Súgandafirði 1957.
KOM INN Á ÞING: 2009
FERILL: Lilja er með grunnskólapróf
frá Reykjum í Hrútafirði og hefur
sótt ýmis námskeið. Hún hefur
unnið í íþróttahúsi Suðureyrar,
við tölvuskráningu og símsölu.
Hún var formaður Verkalýðs- og
sjómannafélagsins Súganda. Var
í stjórn Byggðastofnunar og er í
stjórn Íslandspósts.
KOSTNAÐUR VIÐ FORVAL:
300.000 krónur eða
minna.
LILJA RAFNEY MAGNÚSDÓTTIR
Oddný er þingmaður Suðurkjördæmis fyrir
Samfylkinguna, fædd í Reykjavík 1957.
KOM INN Á ÞING: 2009
FERILL: Oddný er með MA-próf í uppeldis-
og menntunarfræði. Hún hefur unnið
sem kennari, sviðsstjóri, skólameistari
og var bæjarstjóri í Garði. Oddný
hefur einnig setið í ýmsum stjórn-
um og nefndum, svo sem stjórn
Nýsköpunarsjóðs námsmanna
og í skipulagsnefnd Keflavíkur-
flugvallar.
KOSTNAÐUR VIÐ
PRÓFKJÖR: 300.000
krónur eða minna.
SIGURÐUR INGI JÓHANNSSON
Unnur er þingmaður Suðurkjördæmis fyrir
Sjálfstæðisflokkinn, fædd 1974 í Reykjavík.
KOM INN Á ÞING: 2009
FERILL: Unnur er með embættispróf í lögfræði frá Hí.
Hún hefur starfað sem fulltrúi sýslumanns og sem
sveitarstjóri Rangárþings.
KOSTNAÐUR VIÐ PRÓFKJÖR: Ein milljón og 988
þúsund krónur, þar af 1,2 milljónir frá lög-
aðilum. B. Pálsson, Lýsi, Samherji og
Veðramót gáfu Unni 300.000 krónur
hvert fyrirtæki. Að auki eru 300.000
krónur færðar sem „afsláttur frá
markaðsverði“, en Unnur reiddi
fram 488.735 krónur úr eigin vasa.
UNNUR BRÁ KONRÁÐSDÓTTIR
Eygló er þingmaður Suðurkjördæmis fyrir
Framsókn, fædd í Reykjavík 1972.
KOM INN Á ÞING: Sem varaþingmaður 2008, eftir að
Guðni Ágústsson sagði af sér þingmennsku.
FERILL: Eygló Þóra er með
próf í listasögu frá Stokk-
hólmsháskóla og hefur
numið viðskiptafræði að
auki. Hún hefur verið
framkvæmdastjóri, skrif-
stofustjóri og viðskipta-
stjóri. Einnig verkefna-
stjóri. Eygló hefur verið
í miðstjórn Framsóknar-
flokksins síðan 2003.
KOSTNAÐUR VIÐ
PRÓFKJÖR: 300.000
krónur eða minna.
EYGLÓ ÞÓRA HARÐARDÓTTIR
Magnús er þingmaður Suðvesturkjördæmis
fyrir Samfylkingu, fæddur í Reykjavík 1972.
KOM INN Á ÞING: 2009
FERILL: Magnús Orri er með
BA í sagnfræði frá HÍ og MBA
frá HR. Hann hefur unnið
sem íþróttafréttamaður
og sem framkvæmdastjóri
hjá KR Sport árin 1999 til
2000. Einnig sem verkefna-
stjóri hjá Símanum og verið
stundakennari í HR.
KOSTNAÐUR VIÐ PRÓFKJÖR:
300.000 krónur eða minna.
MAGNÚS ORRI SCHRAM
BIRGIR
HERMANNSSON
Sigurður er þingmaður Suðurkjördæmis fyrir
Framsókn, fæddur á Selfossi 1962.
KOM INN Á ÞING: 2009
FERILL: Sigurður Ingi er með embætt-
ispróf í dýralækningum frá Kaup-
mannahöfn. Hann hefur starfað sem
dýralæknir og setið í sveitarstjórn
Hrunamannahrepps. Einnig í
ýmsum stjórnum og nefndum, var
til að mynda varaformaður stjórnar
Sambands íslenskra sveitarfélaga.
KOSTNAÐUR VIÐ PRÓFKJÖR:
300.000 krónur eða
minna.
H
A
FA
V
ER
IÐ Á ÞINGI Í M
IN
N
A
EN ÁR
6/9
ER
ME
ÐALALDUR N
EFN
D
ARMANNA
48,1
Birgitta er þingmaður Reykjavíkur Suður fyrir
Hreyfinguna, fædd í Reykjavík 1967.
KOM INN Á ÞING: 2009
FERILL: Birgitta er með grunn-
skólapróf frá Núpi, en er
sjálfmenntuð í vefhönnun og
-þróun, grafískri hönnun og
umbroti. Hún hefur starfað
sem fjöllistakona, rithöf-
undur og fleira.
KOSTNAÐUR VIÐ PRÓF-
KJÖR: Ekkert prófkjör var í
Borgarahreyfingunni.
BIRGITTA JÓNSDÓTTIR
Ragnheiður er þingmaður Suðvesturkjördæm-
is fyrir Sjálfstæðisflokkinn, fædd á Akranesi
1949.
KOM INN Á ÞING: 2007
FERILL: Ragnheiður er með próf
í uppeldis- og kennslufræði
og BA í íslensku. Hún hefur
starfað sem skólastjóri og
bæjarstjóri Mosfellsbæjar.
KOSTNAÐUR VIÐ PRÓFKJÖR:
840.506 krónur fyrir kosn-
ingarnar 2009. Allt greitt úr
eigin vasa. Ragnheiður hefur
ekki viljað gefa upp kostnað
vegna prófkjörsins fyrir kosn-
ingarnar 2007.
RAGNHEIÐUR RÍKHARÐSDÓTTIRÞingnefndin sem á að bregðast við skýrslu rann-
sóknarnefndar Alþingis er byrjuð að undirbúa sig.
Nefndarmenn eiga allir að vera með hreinan skjöld.
Klemens Ólafur Þrastarson kynntist nefndinni.
ERU K
ON
U
R
6/9
ER
U ÚR SUÐURKJÖ
R
D
Æ
M
I
5/9