Fréttablaðið - 01.03.2010, Blaðsíða 4

4 1. mars 2010 MÁNUDAGUR
NEYTENDAMÁL Grunur leikur á að
salmonellusmit hafi komið upp í
ferskum kjúklingi frá Matfugli.
Frekari rannsókna er þörf til að
staðfesta gruninn en þangað til
þykir rétt að innkalla vöruna.
Fram kemur í tilkynningu að
um er að ræða kjúkling með rekj-
anleikanúmerinu 011-10-03-3-22.
Unnið hefur verið að innköllun
vörunnar. „Til að varast óróleika
hjá neytendum skal tekið fram að
þessi kjúklingur er hættulaus fari
neytendur eftir leiðbeiningum um
eldun kjúklinga, steiki í gegn og
passi að blóðvökvi fari ekki í aðra
vöru. Kjúklingur með öðru rekjan-
leikanúmeri en þessu er fullkom-
lega í lagi,“ segir í tilkynningu frá
Matfugli.
Matfugl innkallar kjúkling:
Grunur um
salmonellusmit
DÓMSMÁL Karlmaður á þrítugs-
aldri hefur verið ákærður fyrir að
stela ítrekað bensíni og aka rétt-
indalaus. Í eitt skiptið var hann
einnig ölvaður undir stýri og lauk
þeirri ökuferð með því að hann ók
á annan bíl. Maðurinn stundaði að
dæla bensíni á bifreið sína og aka
síðan burt án þess að greiða fyrir
það. Einum fimm sinnum lék hann
þann leik.
Fjórum sinnum hafði lögregla
afskipti af honum þar sem hann
ók réttindalaus um höfuðborgar-
svæðið, einu sinni ölvaður. - jss
Karlmaður ákærður:
Stal bensíni og
ók svo próflaus
VIÐSKIPTI Finnur Ingólfsson, fyrr-
verandi seðlabankastjóri og
viðskiptaráðherra, skuldar 3,7
milljarða króna í gegnum fjárfest-
ingarfélagið FS7. Þetta kom fram í
fréttum Stöðvar 2 í gær. Eftir því
sem fréttastofan kemst næst eru
engar eignir til upp í skuldina.
Einkahlutafélagið FS7 hélt
meðal annars utan um hlut Finns
í Icelandair. Í ársreikningi fyrir
árið 2008 kemur fram að félagið
skuldaði í lok ársins 3,9 milljarða
króna, eignirnar voru rúmar 200
milljónir. Finnur seldi hlut sinn
í Icelandair og hagnaðist um 400
milljónir og greiddi sér síðan 385
milljónir í arð. Í svari Finns til
fréttastofu Stöðvar 2 kemur fram
að arðurinn hafi verið greiddur út
með samþykki Glitnis og notaður
til að greiða niður skuld hans við
bankann.
Fyrrverandi seðlabankastjóri:
Finnur skuldar
3,7 milljarða
VEÐURSPÁ
Alicante
Basel
Berlín
Billund
Eindhoven
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
18°
14°
6°
1°
6°
6°
9°
1°
2°
20°
7°
17°
9°
21°
-5°
8°
16°
1°
Á MORGUN
Víðast 3-8 m/s.
MIÐVIKUDAGUR
Fremur stífur vindur
austast, annars hægari.
4
0
-1
-1
-2
-2
0
0
-4
-7
-5
8
6
5
5
2
3
2
3
5
13
5
-1
-3
-5
2
2 2
3
1
-2-1
GOTT VEÐUR Það
verður ljómandi
gott veður á land-
inu í dag, víðast
hægur vindur og
bjartviðri en þó
áfram smá strekk-
ingur við suðvestur-
ströndina. Næstu
daga má búast við
slyddu um sunnan-
og vestanvert land-
ið en norðaustan til
verður áfram bjart.
Elísabet
Margeirsdóttir
Veður-
fréttamaður
LÖGREGLUMÁL Lögreglan á Selfossi
hefur lýst eftir Guðbjarna Traust-
asyni sem skilaði sér ekki úr
dagsleyfi frá fangelsinu að Litla-
Hrauni á laugardaginn.
Guðbjarni, sem er 28 ára
gamall, var dæmdur í sjö ára
fangelsi fyrir þátttöku sína í
svokölluðu Pól stjörnu máli þar
sem um 100 kílóum af fíkniefnum
var smyglað til Íslands í lítilli
skútu sem Guðbjarni stýrði. Hann
er um það bil 185 sentimetrar
á hæð og um 70 kíló. Lögreglan
kveður hann ekki hættulegan.
Reiknað er með að Guðbjarni sé á
höfuðborgarsvæðinu. - gar
Skilaði sér ekki á Litla-Hraun:
Lögreglan lýsir
eftir smyglara
SMYGLSKÚTAN Varðskipið Ægir er hér
í bakgrunni smyglskútunnar sem Guð-
bjarni sigldi til Fáskrúðsfjarðar.
HEILBRIGÐISMÁL Landlæknir svipti einn
heilbrigðisstarfsmann starfsleyfi á árinu
2009 og veitti tveimur heilbrigðisstarfs-
mönnum lögformlega áminningu í fram-
haldi kvörtunarmáls.
Þetta kemur fram í nýjum talnabrunni
landlæknisembættisins.
Átján heilbrigðisstarfsmenn fengu
aðfinnslu frá landlækni en ábending var
úrskurðuð í 36 tilvikum.
Samtals bárust landlæknisembættinu
237 kvartanir á síðasta ári. Árið 2008
voru þær 282 talsins og 274 árið 2007.
Málin á árinu 2009 voru misjafnlega
umfangsmikil og alvarleg, allt frá
hnökrum í samskiptum til alvarlegra
mistaka.
Um miðjan febrúar 2009 hafði fengist
niðurstaða í 168 af þeim 237 málum,
sem borist höfðu, en 69 málum frá 2008
var þá enn ólokið. Af þeim 168 málum
sem lokið var höfðu 59 kvartanir verið
staðfestar að hluta eða öllu leyti.
Alvarlegasta aðgerðin sem embættið
beitir er að svipta heilbrigðisstarfsmann
starfsleyfi. Einnig veitir landlæknisemb-
ættið heilbrigðisstarfsmanni lögform-
lega áminningu eða aðfinnslu ef tilefni
er til, en ábending um það sem betur
mætti fara er vægasta aðgerðin. - jss
Samtals bárust 237 kvartanir til Landlæknisembættisins á síðasta ári:
Einn sviptur starfsleyfi og tveir áminntir
LANDLÆKNISEMBÆTTIÐ Samtals 237 kvartanir bárust Landlæknis-
embættinu.
LANDBÚNAÐUR „Landbúnaðurinn
leggst kannski ekki af, en hann
verður ekki jafn þróttmik-
ill,“ segir Haraldur Benedikts-
son, formaður Bændasamtaka
Íslands, um ástandið sem við
blasir ef Ísland fær aðild að
Evrópusambandinu.
Haraldur setti Búnaðarþing
Íslands í gær og kynnti þá meðal
annars niðurstöður nýlegrar skoð-
anakönnunar sem Capacent gerði
fyrir samtökin.
Þar kemur fram að 56 prósent
Íslendinga eru andvíg aðild að
Evrópusambandinu, þriðjung-
urinn er hlynntur aðild en 11
prósent óákveðin.
Nærri 96 prósent svarenda telja
það skipta miklu máli að landbún-
aður verði stundaður hér á landi
til framtíðar, en 84 prósent telja
það skipta miklu máli að Íslend-
ingar séu ekki öðrum háðir um
landbúnaðarafurðir.
„Í þessari skoðanakönnun
kemur það fram sem við höfum
fundið meðal þjóðarinnar, en
það er að hún kann mjög vel að
meta sinn landbúnað. Hún segir
þarna afdráttarlaust að hún vill
standa vörð um hann, og það er
ekki hægt ef við erum að sækja
um aðild,“ segir Haraldur í sam-
tali við Fréttablaðið og ítrek-
ar andstöðu samtakanna við
aðildarumsóknina.
„Við fengum skýr skilaboð frá
bændum á bændafundum í haust.
Félagsmenn okkar kæra sig ekki
um að samtök þeirra dragist
til ábyrgðar,“ sagði Haraldur í
ræðu sinni á Búnaðarþingi í gær.
Á þinginu, sem stendur fram á
miðvikudag, taka bændur meðal
annars afstöðu til þess hvort þeir
vilja taka þátt í samningahópum,
sem skipaðir hafa verið í aðildar-
ferlinu.
„Við höfum tilnefnt í samninga-
hópa en spyrjum okkur nú hvort
við eigum að starfa þar áfram
eða draga okkur til baka,“ sagði
Haraldur í ræðu sinni.
Í samtali við Fréttablaðið sagð-
ist hann ekki leggja það til sjálf-
ur að samtökin dragi sig úr hóp-
unum, en telur að þingið verði
að taka afstöðu til þess. „Það
var skipað í þessa hópa á milli
aðalfunda, en öll svona mál eru
í höndum aðalfundar. Ég tel því
rétt að þingið fari yfir þetta.“
Haraldur segir stöðu landbún-
aðarins sterka. „Við erum sam-
keppnishæfari eftir að krónan
féll en nokkurn tímann áður en á
sama tíma erum við að kljást við
hækkandi rekstrarkostnað eins
og heimilin í landinu.“
Um skuldastöðu bænda segir
Haraldur að líklega séu eitthvað
í kringum hundrað bú sem séu
í mjög alvarlegum málum. „Að
auki er stór hluti bænda í erfið-
leikum vegna þess að greiðslu-
byrðin hefur þyngst, en lang-
stærsti hluti landbúnaðar stendur
samt sterkur að vígi.“
gudsteinn@frettabladid.is
Aðild myndi draga
þrótt úr landbúnaði
Formaður Bændasamtakanna segir nýja skoðanakönnun staðfesta stuðning
þjóðarinnar við íslenskan landbúnað. Á Búnaðarþingi verður tekin afstaða til
þess hvort bændur dragi sig úr samningahópum um Evrópusambandsaðild.
FRÁ BÚNAÐARÞINGI Haraldur Benediktsson, formaður Bændasamtaka Íslands, og
Ólafur Ragnar Grímsson forseti ásamt fleiri gestum Búnaðarþings.
MYND/TJÖRVI BJARNASON
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 26.02.2010
GJALDMIÐLAR KAUP SALA
HEIMILD: Seðlabanki Íslands
230,3644
GENGISVÍSITALA KRÓNUNNAR
128,01 128,63
195,23 196,17
174,20 175,18
23,403 23,539
21,617 21,745
17,946 18,052
1,4338 1,4422
196,27 197,43
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
VERÐ
KR.
9.900
VERÐ
KR.
13.900 Handklæða-ofnar
Hitastýrð sturtusett
með öllu