Fréttablaðið - 13.03.2010, Blaðsíða 70

34 13. mars 2010 LAUGARDAGUR
Hvenær heillaðist þú fyrst af
þjóðlagatónlist? Ég held að ég
hafi verið heilluð af þjóðlagatón-
list frá því að ég man eftir mér.
Ég var alltaf heilluð af fiðluleik
og tregafullri tónlist í moll. Ég
söng mikið af þjóðlögum í skóla-
og kirkjukórum í Svíþjóð sem
barn og var í þjóðdönsum.
Hvers vegna sænskar vísur?
Eins og áður sagði er ég alin upp
í Svíþjóð og hef sungið þær síðan
ég var krakki. Það er einhver
hljómur í þeim sem minnir mig
á sænska náttúru, með fegurð,
mýkt, trega og söknuði og von –
allt í bland, eins og lífið sjálft.
Hvar er óvenjulegasti staður
sem þú hefur spilað á? Úti í guðs
grænni náttúrunni, við gamla
kirkjustæðið á Hesteyri í Jökul-
firði á Vestfjörðum, þegar vin-
kona mín gifti sig.
Hvað er það leiðinlegasta sem
þú hefur nokkurn tímann gert?
Að gera eitthvað sem ég er ekki
búin að undirbúa nógu vel og er
ekki nógu ánægð með, það er
hreinlega kvöl og pína. Og að
vinna með leiðinlegu fólki.
Uppáhaldsstaðurinn á jörð-
inni? Ísland.
Hvers konar tónlist hefur mest
áhrif á þig? Ég er alæta á tónlist,
en það sem þarf að einkenna hana
er melódían, að hún snerti mig á
einhvern hátt. Tónlist í moll hefur
sérstaklega mikil áhrif á mig, og
það eru ákveðin tónbil og hljóm-
ar sem hafa beinlínis líkamleg
áhrif, það smýgur inn í merg og
bein – á jákvæðan hátt.
Hvað heldur fyrir þér vöku á
nóttunni? Það er fátt sem heldur
fyrir mér vöku á nóttinni, ég sef
oftast eins og ungbarn. En það
væri þá helst ef það læddist upp
í til mín fallegur maður …
Hvert er uppáhaldsorðið þitt?
SPÚNK. Ég hef verið heilluð af
þessu orði síðan ég man eftir
mér, það er bæði skemmtilegt í
sjálfu sér og hefur svo skemmti-
lega merkingu. Orðið þýðir hug-
rekki, ákveðni, að það séu töggur
í einhverjum eða það sé eitthvað
við einhvern eða eitthvað sem
erfitt sé að útskýra.
Hvaða núlifandi manneskju
lítur þú mest upp til? Vigdísar
Finnbogadóttur. Sú kona er svo
mikill frumkvöðull, svo mikil
kona, svo mikil manneskja.
Hvaða lag á að spila í jarðar-
förinni þinni? Ég á erfitt með að
velja eitt lag, en hér eru nokk-
ur: Ég lít í anda liðna tíð, Sökn-
uður, Draumalandið og Allt eins
og blómstrið eina. Og auðvitað
sænska þjóðlagið Mér er sama
hvar ég enda er ég dey.
Hvað ætlaðir þú að verða þegar
þú yrðir stór? Söngkona, arkitekt
og læknir.
Hvað fær þig til að veltast um
af hlátri? Ég er frekar hláturmild
að eðlisfari, en eitt af því sem
fær mig til að grenja úr hlátri
er þegar ég er við míkrofón í
upptökuveri og upptökustjórinn
breytir röddinni minni þannig að
ég hljóma eins og teiknimynda-
fígúra. Ég veit ekki hvað það er,
en ég tryllist af hlátri og get ekki
hætt og þá hljóma ég enn fárán-
legri og svo bara stigmagnast
það. Við urðum að fresta upptök-
um síðast eftir svona hláturskast
þar sem ég gat engan veginn
sungið eftir það. En mikið svaka-
lega er gott að hlæja svona!
Uppáhalds íslensku hljómsveit-
irnar þínar? Ég er ekki mikið
fyrir að skilgreina eitthvað sem
uppáhalds, en ég er voða hrif-
in af hljómsveitunum Árstíðir
og Hraun, því þeir eru með svo
dásamleg lög og radda svo fal-
lega. Svo eru reyndar Hjaltalín,
Hjálmar og Sigríður Thorlacius
og Heiðurspiltar í uppáhaldi hjá
mér líka.
Hvað er næst á dagskrá hjá
þér? Að hlúa vel að nemendum
mínum í Kvikmyndaskólanum,
að gera upp baðherbergið mitt
sem er að hrynja og síðast en
ekki síst að fylgja eftir plötunni
minni, Vinaljóð, og skipuleggja
fleiri tónleika, bæði hér í bænum
og úti á landi og jafnvel á Norð-
urlöndunum og í Evrópu. Ég er
einnig að vinna í fleiri lögum til
að stækka prógrammið og skipu-
leggja önnur tónlistar- og kvik-
myndartengd verkefni. Það er
svo margt sem ég vil gera!
Heillast af tregafullri tónlist
Hera Ólafsdóttir gaf nýverið út plötuna Vinaljóð sem inniheldur sænskar vísur og þjóðlög og sækir
innblástur í þjóðlagadjass. Anna Margrét Björnsson fékk að heyra meira við þriðju gráðu yfirheyrslu.
HLÁTURMILD AÐ EÐLISFARI Hera Ólafsdóttir elskar Ísland, er hrifin af Hjaltalín og sefur eins og ungbarn. FRÉTTABLAÐIÐ/VALLI
ÞRIÐJA GRÁÐAN
FULLT NAFN: Hera Ólafsdóttir
FÆÐINGARÁR: 1969
HVAÐ GERÐIST MARKVERT
Á ÞVÍ ÁRI: John Lennon og
Yoko Ono giftu sig og lögðust
í rúmið fyrir opnum tjöldum,
maðurinn fékk sér göngutúr á
tunglinu í fyrsta sinn, hin víð-
fræga Woodstock tónlistar-
hátíð var haldin og stærstu
mótmælafundirnir gegn Viet-
namstríðinu voru haldnir víðs
vegar um Bandaríkin og um
heim allan. Sem sagt, mikið
hippa-ár með dass af sci-fi.
■ Á uppleið
Barnaland er á uppleið. Sjón-
varpsdagskráin á RÚV lætur hjal
um taubleyjur og gratínuppskriftir á
barnalandi.is hljóma skemmtilega og
svo eru þar líka frábær heimagerð
olíumálverk til sölu.
Garðverk-
in. Garðálfar
og aðrir
hobbitar eru
á uppleið með
hækkandi sól og
eru strax farnir að
plana aspasræktun
vorsins.
Yfirvaraskegg. Mottu-mars hefur
haft þau áhrif að myndarmenn um
allt land eru komnir með yfirvara-
skegg og lífið farið að minna á
franska bíómynd frá stríðsárunum.
■ Á niðurleið
Sushi og hvítvínslönsar. Þegar
skinkurnar eru farnar að neyta þessa
með einhvers konar tilvísunum í
Beðmál í borginni hlýtur þetta gamla
tískufyrirbæri að vera dautt.
Sjálfsmyndir á Facebook. Stúlkur
sem setja á sig froskalegan stút að
mála á sér varirnar eða geifla sig í
undirfötum fyrir prófílmyndir eru
virkilega ekki töff.
Smábörn á samkomum. Íslenski
siðurinn um að taka grenjandi
ungbörn með í kirkjur, á tónleika
eða jafnvel á hátíðir ætlaðar stærri
börnum gæti verið fyrir bí. Ofurtjillaðir
foreldrar eru úti.
MÆLISTIKAN
Allir velkomnir!
Á staðnum verða bílar til sýnis sem aðlagaðir hafa verið
að þörfum fatlaðra ásamt fjórhjólum og Polaris Ranger.
Einnig verður til sýnis umhverfisstjórnunarbúnaður fyrir
fatlaða.
www.oryggi.is
Opið hús, laugardaginn 13. mars
kl. 12–15 að Askalind 1, Kópavogi.
OPIÐ HÚ
S!
Komdu,
skoðað
u
– og pró
faðu. Farartæki
fyrir fatlaða
PI
PA
R
\
TB
W
A
•
S
ÍA
•
1
0
0
69
6