Fréttablaðið - 20.04.2010, Blaðsíða 28

20. APRÍL 2010 ÞRIÐJUDAGUR
Næsti kynningarfundur um MBA-námið verður
mánudaginn 3. maí kl. 11.40–12.30, í stofu 101.
Return on Strategy
Á undan námskynningunni, eða milli 10.30 og
11.30, heldur Flemming Poulfelt, prófessor við CBS
í Kaupmannahöfn (Copenhagen Business School),
fyrirlestur í stofu 104.
Fyrirlesturinn ber yfirskriftina Return on Strategy.
Þar fjallar Poulfelt um framkvæmd nýrra
viðskiptamódela sem fela í sér óvenjulega þætti,
nýja sýn eða áætlanir án fordæma. Hann skoðar
ástæður á bak við gott og slæmt gengi fyrirtækja
og hvað þau geta gert til að stefna þeirra skili sem
mestum árangri.
Fyrirlesturinn er á ensku og öllum opinn.
Aðgangur er ókeypis.
Skoraðu á þig
og taktu skrefið
MBA-nám við Háskóla Íslands
Kynningarfundur um MBA-námið
miðvikudaginn 21. apríl kl. 11.40–12.30
á Háskólatorgi, stofu 101.
www.mba.is
PIPA
R
\TB
W
A
\ SÍA
1
0
0
9
8
9
Um 300 manns hafa lokið MBA
námi við Háskóla Íslands und-
anfarin ár. Mikil ánægja er með
námið sem endurspeglast í
litlu brottfalli nemenda.
„MBA er stjórnunarnám fyrir fólk
sem er annaðhvort stjórnendur
eða stefnir á að verða stjórnendur
í fyrirtækjum eða stofnunum,“
segir Eiríkur Hilmarsson, for-
stöðumaður MBA-náms við Há-
skóla Íslands.
„Þetta er nám sem gengur þvert
á sérsvið meistaranáms í viðskipta-
fræði svo þarna er komið inn á öll
helstu sviðin eins og fjármál, reikn-
ingsskil, stjórnun, stefnu mótun,
mannauðsstjórnun og markaðs-
mál,“ segir hann og útskýrir að
námið sé skipulagt þannig að fólk
geti stundað það meðfram vinnu.
Eiríkur segir nemendahópinn
mjög öflugan og með fjölbreyttan
bakgrunn. Um þriðjungur sé við-
skiptafræðimenntaður en hinir
komi af sviðum á borð við verk-
fræði, bókmenntafræði, listir og
allt þar á milli. „Þetta er því fínt
tækifæri fyrir þá sem vilja opna
nýja möguleika til starfsframa eða
vilja skipta um starfsvettvang,“
segir Eiríkur.
Flestir nemendur eru um fer-
tugt og hafa þar af leiðandi tals-
verða reynslu af vinnumarkaðn-
um. Þá hafa margir verið stjórn-
endur í fjöldamörg ár. „Fólk horfir
til þess að geta verið í svo öflug-
um hópi,“ telur Eiríkur og bend-
ir á að mikið sé lagt upp úr hópa-
vinnu sem gagnist verðandi stjórn-
endum sem verði að vera færir á
því sviði.
Námið er mjög vinsælt enda
hafa um 300 nemendur farið í
gegnum MBA-námið í Háskóla
Íslands undanfarin ár. „Þá gerð-
um við könnun fyrir ári síðan á
ánægju nemenda. Þar kom í ljós að
nemar sem höfðu farið í gegnum
MBA-námið í HÍ voru gríðarlega
ánægðir með það og töldu að það
hefði nýst þeim mjög vel í þeirra
störfum. Aukið færni þeirra, getu
og sjálfstraust.“
Þeir sem mega sækja um MBA-
námið þurfa að vera með háskóla-
gráðu eða starfsreynslu og nám
sem er sambærilegt. Námstím-
inn er fjögur misseri og hverju
misseri er skipt niður í tvær lotur.
Í hverri lotu eru síðan kennd tvö
námskeið. „Þrjú fyrstu misserin er
farið í gegnum fyrirfram ákveðin
námskeið en á fjórða misseri eru
valnámskeið sem nemendur velja
miðað við sín áhugasvið og þá
stefnu sem þeir vilja taka.“
Og hvað kostar námið? „Hvert
misseri kostar 650 þúsund krónur,“
segir Eiríkur. Hann viðurkennir að
mörgum þyki það dýrt en bendir á
að þar sem fólk geti áfram stund-
að vinnu verði það ekki fyrir tekju-
missi eins og svo margir sem fara
í nám. Þá sé einnig hægt að fá
námslán.
Eiríkur segir námið krefjandi
og mikið reyni á nemendur í þessi
tvö ár. „Þeir verða því að skipu-
leggja tímann vel og hafa gott
samráð við sína fjölskyldu. Þetta
er þó alls ekki óyfirstíganlegt enda
hefur sýnt sig að brottfall nemenda
í náminu er nánast ekkert.“
Öflugur hópur nemenda
„Þetta er fínt tækifæri fyrir þá sem vilja opna nýja möguleika til starfsframa eða vilja
skipta um starfsvettvang,“ segir Eiríkur Hilmarsson, forstöðumaður MBA-náms við
Háskóla Íslands. FRÉTTABLAÐIÐ/VILHELM
Kristinn Óskarsson hóf MBA-nám
við Háskóla Íslands árið 2007 og
lauk náminu fyrir einu ári. „Ég
var búinn að vera kennari í Heiðar-
skóla í Keflavík í nokkuð mörg ár
og fann hjá mér töluverða þörf til
að breyta til,“ segir hann. Kristinn
hefur alltaf haft áhuga á mann-
legum samskiptum og ákvað því
að fara í diplómanám í mann-
auðsstjórnun við Endurmenntun
HÍ. Námið var þrjár annir sem
teknar voru með vinnu. „Að því
loknu fann ég að mig skorti aðeins
meiri dýpt sérstaklega hvað varð-
ar rekstur. Þá fannst mér MBA-
námið liggja beinast við.“
Þegar Kristinn er inntur eftir
því hvað standi upp úr eftir námið
er hann fljótur til svars. „Það er
vinskapurinn við bekkjarsystkini
og samstaðan í hópnum,“ svarar
hann en mikil hópavinna er unnin
í MBA-náminu.
Hefur námið nýst í starfi?
„Þegar ég var búinn með fyrra árið
sótti ég um starf og fékk stöðu hjá
Securitas í viðskipta- og vöruþró-
un. Það hefði ég aldrei fengið nema
af því ég var kominn vel á veg með
MBA-námið,“ segir Kristinn en
þegar hann útskrifaðist fyrir ári
fékk hann stöðuhækkun og gegn-
ir nú stöðu framkvæmdastjóra.
„Ég var með sérhæfða menntun
og MBA-námið var lykillinn til
að víkka mína starfsmöguleika.
Með þessu námi var ég kominn
með aðgöngumiða til að sækja um
alls konar störf,“ útskýrir Krist-
inn sáttur við ákvörðunina um að
skella sér í frekara nám.
Námið er talsvert dýrt en Krist-
inn telur það hafa borgað sig. „Ég
var í láglaunastarfi og setti upp
viðskiptaáætlun um á hversu löng-
um tíma ég ætlaði að greiða náms-
lánið til baka með því að komast
í hærra launað starf og það hefur
gengið eftir.“
MBA-námið er tímafrekt og
nemendur hafa því lítinn tíma til
að sinna fjölskyldu sinni. Krist-
inn segist eiga skilningsríka konu
og hafa fengið góðan stuðning
frá fjölskyldunni. „Auðvitað var
þetta erfitt en langoftast var þetta
skemmtilegt.“
Langoftast skemmtilegt
Kristinn Óskarsson, framkvæmdastjóri
gæslusviðs Securitas, var grunnskóla-
kennari en útskrifaðist úr MBA-námi HÍ
árið 2009.