Fréttablaðið - 16.06.2010, Blaðsíða 6

6 16. júní 2010 MIÐVIKUDAGUR
T
ilb
o
ð
in
g
ild
a
til 3
1. a
p
ril e
ð
a
á
m
e
ð
a
n
b
irg
ð
ir e
n
d
a
s
t, a
u
g
lýs
t ve
rð
e
r tilb
o
ð
s
ve
rð
.
Kostur

Mikið úrval af frábærum tilboðum - líttu við
OPIÐ
ALLA DAGA
10-20
ð ð
35.980 kr
WEBER
Nett gasgrill
Kostur
Kryddað lambalæri
ðu
998 kr/kg
48
afsláttur
%
Tilboð
Frábært
20
afsláttur
%
30
afsláttur
%
Jón Gnarr er nýr borgar-
stjóri í Reykjavík, í sam-
starfi Besta flokksins og
Samfylkingarinnar. Dagur
B. Eggertsson er staðgeng-
ill borgarstjóra. Í fyrsta
sinn var borinn fram sam-
eiginlegur listi allra flokka
við kjör í ráð og nefndir
borgarinnar.
Jón Gnarr, oddviti Besta flokks-
ins, tók við lyklunum að Ráðhúsi
Reykjavíkur úr hendi Hönnu
Birnu Kristjánsdóttur, fráfarandi
borgarstjóra, á skrifstofu borgar-
stjóra síðdegis í gær, að aflokn-
um borgarstjórnarfundi þar
sem kosið var í nefndir og ráð á
vegum borgarinnar. Á fundinum
tók Jón formlega við sem borgar-
stjóri í Reykjavík.
Sú nýbreytni var að borinn var
fram sameiginlegur listi allra
flokka í kjöri í ráð og nefndir á
vegum borgarinnar, þó svo að
Besti flokkurinn og Samfylkingin
myndi saman meirihluta og hafi á
fundi borgarstjórnar í gær kynnt
ítarlega samstarfsyfirlýsingu.
Samkomulag um þessa tilhög-
un náðist fyrir fyrsta fund borg-
arstjórnar og er þetta nýbreytni
sem ekki hefur þekkst áður við
skipan í embætti hjá borginni.
„Málin æxluðust svona og þetta
hefur svo bara haft sinn gang,“
sagði Jón Gnarr við fjölmiðlafólk
eftir að hafa tekið við lyklavöld-
um í Ráðhúsinu.
Hann sagðist ekki óttast flækj-
ur þegar að því kæmi að for-
gangsraða og stýra fundum þótt
nýju fyrirkomulagi væri komið
á. „Og um að gera að vera ekki
með áhyggjur heldur leysa bara
vandamál með jákvæðni þegar
þau koma upp, en ekki hafa af
þeim áhyggjur löngu, löngu
áður en þau koma upp, sem þau
kannski gera svo aldrei.“
Samkomulag flokkanna fól í sér
að Hanna Birna Kristjánsdóttir,
fyrrverandi borgarstjóri og odd-
viti Sjálfstæðisflokksins í borg-
inni, var kjörin forseti borgar-
stjórnar og Sóley Tómasdóttir,
oddviti Vinstri grænna, var kjör-
in fyrsti varaforseti.
Dagur B. Eggertsson, oddviti
Samfylkingarinnar, var kjörinn
formaður borgarráðs, en jafnframt
var samþykkt tillaga Samfylking-
arinnar og Besta flokksins um að
hann yrði í því embætti staðgeng-
ill borgarstjóra í forföllum.
Í sinni fyrstu ræðu í borgar-
stjórn eftir að hafa verið kjörinn
borgarstjóri kvaðst Jón Gnarr
þakka það traust sem honum og
Besta flokknum hefði verið sýnt.
Hann hefði gert margt skemmti-
legt um ævina, en ekkert af því
kæmist í hálfkvisti við Besta
flokkinn. „Hann er líklega það
merkilegasta og gagnlegasta sem
ég hef búið til, fyrir utan börnin
mín,“ sagði Jón.
Í samstarfsyfirlýsingu Besta
flokksins og Samfylkingarinnar
er með fyrstu verkum sagt að búa
eigi útigangskonum húsaskjól fyrir
fyrstu snjóa í haust og að taka eigi
upp systkinaforgang í leikskólum.
Nýta á vefinn www.betrireykja-
vik.is til stuðnings við ákvarðan-
ir og stefnumótun og gera á fag-
lega rekstrarúttekt á Orkuveitu
Reykjavíkur. Nefndum borgarinn-
ar er fækkað „til að auka skilvirkni
og spara nefndarlaun“ og langtíma-
áætlun um fjármál og framkvæmd-
ir á vegum borgarinnar á að liggja
fyrir í lok árs.
olikr@frettabladid.is
FYRSTA KOSNINGIN Jón Gnarr kýs hér Hönnu Birnu Kristjánsdóttur forseta borgar-
stjórnar í Reykjavík. Jón var svo kjörinn borgarstjóri, en í samstarfsyfirlýsingu Besta
flokksins og Samfylkingarinnar er líka gert ráð fyrir að hann verði stjórnarforaður
Fjölskyldu- og húsdýragarðsins. FRÉTTABLAÐIÐ/GVA
Um að gera að vera
ekki með áhyggjur
Borgarstjóri Jón Gnarr Kristinsson (Æ)
Formaður borgarráðs Dagur B. Eggertsson (S)
Forseti borgarstjórnar Hanna Birna Kristjánsdóttir (D)
Formaður skipulags- og samgönguráðs Páll Hjaltason (Æ)
Formaður mennta- og leikskólaráðs Oddný Sturludóttir (S)
Formaður umhverfis- og auðlindaráðs Karl Sigurðsson (Æ)
Formaður íþrótta- og tómstundaráðs Diljá Ámundadóttir (Æ)
Formaður mannréttindaráðs Margrét K. Sverrisdóttir (S)
Formaður menningar- og ferðamálaráðs Einar Örn Benediktsson (Æ)
Formaður velferðarráðs Björk Vilhelmsdóttir (S)
Formaður Strætós bs. Gunnar Lárus Hjálmarsson (Æ)
Formaður Orkuveitunnar Haraldur Flosi Tryggvason (Æ)
Formaður Sorpu Einar Örn Benediktsson (Æ)
Formaður Faxaflóahafna Hjálmar Sveinsson (S)
(Framkvæmda- og eignarráð er fært undir borgarráð. Umhverfis- og samgönguráð breytist
þannig að samgöngumálin fara í skipulagsráð, en umhverfisráð hugar nú einnig að auðlindum).
„Ég hef alltaf sagt að við ættum að
reyna nýjar leiðir í pólitík og vinna
þvert á meirihluta og minnihluta. Það
er ekkert nýtt,“
segir Hanna Birna
Kristjánsdóttir,
fyrrverandi borg-
arstjóri og nýr
forseti borgar-
stjórnar, um þær
breytingar sem
nú hafa átt sér
stað á vettvangi
borgarinnar.
„Fyrst og síðast
höfum við það
að markmiði að vinna vel fyrir
borgarbúa. Ég sagði þegar ég var
í meirihluta að ég vildi vinna með
borgarfulltrúum annarra flokka. Það
hefur ekkert breyst þó svo að ég sé
komin í minnihluta. Ég lagði hins
vegar alla áherslu á það í samræðum
mínum við fulltrúa Besta flokksins og
Samfylkingarinnar að þetta snerist
ekki um embætti mér til handa,“ segir
hún.
Hanna Birna telur jafnframt að
innan Sjálfstæðisflokksins sé góð sátt
um þessa leið. „Við höfum í gegnum
þetta fyrirkomulag tryggt að Sjálfstæð-
isflokkurinn kemur að nefndarstörfum
og stjórnun á vettvangi borgarinnar
þar sem honum ber. Það skiptir miklu
máli.
Við höfum þarna einnig sterka
aðkomu að fjármálum, atvinnumálum
og öðrum mikilvægum málum.“ - óká
HANNA BIRNA
KRISTJÁNSDÓTTIR
Dagur B. Eggertsson, nýr formaður
borgarráðs Reykjavíkur, segir sér hafa
hugnast afar vel sú leið sem farin var í
að bjóða sameig-
inlegan lista allra
flokka við kjör í
ráð og nefndir
borgarinnar.
„Annars hefðum
við ekki boðið
þetta,“ segir hann.
Dagur segist
hins vegar gera
ráð fyrir því að
einhvern tíma taki
fyrir borgarfull-
trúa að fóta sig í nýju umhverfi. „Það
eru allir að læra og þarf að gefa því
svigrúm og tíma. Þetta þarf að vera
blanda af skýrri sýn og að ljóst sé
hvert borgin stefnir um leið og að
hlustað er á önnur sjónarmið og
sannarlega ekki bara innan borgar-
stjórnarinnar.“ Dagur kveðst þeirrar
skoðunar að ný nálgun í stjórn borg-
arinnar snúist fyrst og fremst um að
opna borgarmálin og pólitíkina fyrir
íbúum og öðrum sem taka vilja þátt
í umræðunni og ákvörðunum. „Við
megum ekki loka þessa umræðu inni
í einhverju hólfi þar sem þetta snýst
bara um hvernig flokkarnir tala saman
og fólkið í borgarstjórn. Í mínum huga
er þetta miklu stærra mál en svo,“
segir hann og kveður góð skref hafa
verið stigin í borgarstjórn í gær sem
hann vonast til að reynist vel. „Þetta
hefur ekki verið gert áður.“ - óká
DAGUR B.
EGGERTSSON
Sóley Tómasdóttir, borgarfulltrúi
Vinstri grænna og fyrsti varaforseti
borgarstjórnar Reykjavíkur, segist til-
tölulega jákvæð í
garð þeirra breyt-
inga sem orðið
hafa í borginni.
„Ég hef
ákveðið að vera
bjartsýn fyrir
hönd borgarinn-
ar. Það er margt
gott í þessum
málefnasamningi,
þótt þar sé líka
ýmislegt sem ég
hef út á að setja, en á honum tökum
við enga ábyrgð,“ segir Sóley. Með því
að bjóða fram sameiginlegan lista við
kjör í ráð og nefndir hafi hins vegar
næsta skref verið stigið í óhefð-
bundnum vinnubrögðum. Hún segir
þá leið hafa skipt sig miklu máli, því
ella hefði hún staðið frammi fyrir því
vali að ákveða hvort hún myndi fara
fram með meirihluta eða minnihluta.
„Þessi hefðbundna bandalaganálgun
í pólitík var brotin. Mér finnst það
ákveðið skref fram á við og sú stað-
reynd að allir voru tilbúnir til að gera
þetta finnst mér til marks um að við
ætlum að fara inn í kjörtímabilið sem
ein heild,“ segir Sóley, en áréttar um
leið að vitanlega séu flokkarnir ekki
sammála um hvernig standa eigi að
stjórn borgarinnar. „Við, þessir fimmt-
án einstaklingar, ætlum samt að vinna
saman eins og við getum.“ - óká
SÓLEY
TÓMASDÓTTIR
Hver gerir hvað í nýrri borgarstjórn?
Vill opna borgar-
málin enn frekar
Bandalagsnálgun-
in var brotin upp
Lagði áherslu á
ný vinnubrögð
Borgarstjóraskipti í Reykjavík
Hann [Besti flokkur-
inn ]er líklega það
merkilegasta og gagnlegasta
sem ég hef búið til, fyrir utan
börnin mín
JÓN GNARR
BORGARSTJÓRI