Fréttablaðið - 23.06.2010, Blaðsíða 18

23. júní 2010 MIÐVIKUDAGUR2
JAZZHÁTÍÐ EGILSSTAÐA Á AUSTURLANDI
verður sett á Egilsstöðum í 23. sinn á morgun. Stefán Hilm-
arsson og Todmobile eru meðal þeirra sem koma fram.
„Vatnsrennsli í ám suðvestan-
lands er nú með minnsta móti en
þar kemur tvennt til; lítill snjór í
vetur og þurrt veður framan af
vori,“ segir Guðni Guðbergsson,
fiskifræðingur hjá Veiðimálastofn-
un. Hann segir óvíst hvernig veiði-
tímabilið fari í sumar því lax og
sjóbirtingur sé rétt nýbyrjaður að
ganga upp í árnar.
„Um þetta leyti eru seiði að vaxa
og hrogn að klekjast út í ánum, sem
er undirstaða næstu árganga og
ef vatn verður mjög lítið geta upp-
eldissvæði farið á þurrt og önnur
minnkað. Það hefur svo áhrif á
framleiðsluna þegar fram í sækir.
Eins geta fiskar fært sig til tíma-
bundið þegar vatnsrennsli er lítið,
sem og fæðutegundir sem þeir
lifa á,“ segir Guðni og bætir við að
lítið vatnsrennsli geti tafið göng-
ur göngufisks, ekki síst í vatnlitl-
um ám og hliðarám, sem svo hafi
áhrif á veiði.
„Tíðarfar hefur verið svipað
undanfarin þrjú ár og mikið um
austlægar, þurrar áttir. Í ár bætist
við að miklu minna var um snjó-
komu og því mun minni snjóbanki
í fjöllum sem eftir á að bráðna. Af
þeim sökum er nú sérstaklega lítið
í ánum, eins og sjá má á Ölfusá
sem er yfirleitt straumþung og
vatnsmikil en með sýnilega minna
rennsli en venjulegt er.“
Fleiri þættir hafa áhrif á fisk-
gengd en bara vatnsmagn því í
heitu veðri minnkar súrefnisinni-
hald vatns þegar rennsli lækkar.
„Súrefnisinnihaldið eykst svo
aftur þegar rignir og þá á fisk-
urinn auðveldara með að ganga.
Veiðihorfur þurfa þó ekki að verða
verri, en fiskur þarf vatn til að
geta gengið og súrefni örvar hann
á göngunni. Sem betur fer eru
nokkrir árgangar af seiðum í ánum
á hverjum tíma, en áframhaldandi
vatnsleysi getur vissulega farið að
hafa áhrif á smærri árnar.“
Að sögn Guðna hafa kuldatíma-
bil meiri áhrif á fiskgengd en hita-
tímabil og á kuldatímum kringum
1980 hafi fiskar vaxið hægt í ám
og veiðitölur verið lægri.
„Ég man ekki eftir þurrkatíma-
bilum sem þessum áður, svo erfitt
er að segja hver áhrifin verða til
lengri tíma. Þótt enn sé þurrt er
veiði farin af stað og menn frek-
ar ánægðir þar sem þeir eru byrj-
aðir. Því hefur mér
stundum fund-
ist of lítið eða
mikið vatn og sól
hafa meiri áhrif á
veiðimenn en fiska,“
segir Guðni og brosir
í kampinn.
Spurður um áhrif ösku-
falls og öskufjúks í veiðiár
segir Guðni sérfræðinga Veiði-
málastofnunar hafa gert mæling-
ar eystra eftir öskuflóðin í Mark-
arfljóti og Svaðbælisá, sem teljast
reyndar ekki með veiðiám.
„Þar fundust dauðir fiskar eftir
að fast efni blandað gosefnum
ruddist gegnum árnar og gerði
þær ólífvænlegar um tíma, en þar
var staðbundið alvarlegt ástand.
Ég var smeykur þegar rigna fór
að hættuleg efni færu út í árnar,
en slík mengun fer eftir efnainni-
haldi og mér ekki kunnugt um að
suðvestanlands hafi fundist dauðir
fiskar í öðrum ám eftir gosið. Fisk-
ar eru raunar góður mælikvarði á
mengun og viðkvæmir fyrir henni,
en það eru líkur á að þeir drepist
áður en eiturefni hleðst upp í holdi
þeirra sem óhollt er mönnum. Ár
þar sem menn finna náttúrulega
laxastofna er mælikvarði á að líf-
ríkið sé í nokkuð góðu standi því
annars gefast fiskarnir upp á end-
anum og deyja, eins og þekkt er í
Rín, sem var mesta laxveiðiá Evr-
ópu og Thames þar sem fiskar hafa
gefist upp og horfið. Þá er ekki þar
með sagt að menn viti eða þekki
alla hluti, en þetta virðist vera í
lagi vegna gossins.“
thordis@frettabladid.is
Göngufiskar í vatnsvanda
Vatn í veiðiám suðvestanlands er með minnsta móti og enn ófyrirséð hvernig veiðitímabilið fer í sumar
vegna þessa, að sögn Guðna Guðbergssonar, fiskifræðings hjá Veiðimálastofnun.
Guðni Guðbergsson fiskifræðingur við Úlfarsá eða Korpu, eins og stundum er nefnd.
Hann segir ár innan borgarinnar bera þunga mannlífs, iðnaðar og umferðar, en sífellt
sé leitað betri lausna til að sleppa þeim við hvers kyns mengun. FRÉTTABLAÐIÐ/GVA
Sýningin e
r opin:
Föstudag
inn 25. jún
í kl. 12.00
– 20.00
Laugarda
ginn 26. jú
ní kl. 12.0
0 – 18.00
Sunnudag
inn 27. jún
í kl. 12.00
– 18.00
Aðgangu
r ókeypis
alla dag
ana!
www
.blomibae
.is
Garðyrkju- og blómasýningin 2010
Hveragerði 25. – 27. júní
Keppni í sampo
ttun
Komdu með fall
egasta kerið
úr garðinum á sý
ninguna.
Skilafrestur í íþró
ttahúsið til
kl. 19:00 föstuda
ginn 25. júní.
Vegleg verðlaun
í boði
Garðheima.
Samkeppni umblómaskreytingu í skóm.Notaðu ímyndunaraflið og skreyttustígvél eða skó og komdumeð þau á sýninguna.
Skilafrestur í íþróttahúsið tilkl. 19:00 föstudaginn 25. júní.
Vegleg verðlaun í boðiGarðheima.