Fréttablaðið - 21.07.2010, Blaðsíða 2
2 21. júlí 2010 MIÐVIKUDAGUR
„Logi, er loginn slokknaður?“
„Já, en lengi lifir í gömlum glæðum.“
Logi Ólafsson lét af störfum sem þjálfari
karlaliðs KR á mánudag. Logi, sem hefur
átt langan og farsælan þjálfaraferil, segist
líklega vera hættur þjálfun.
UTANRÍKISMÁL Össur Skarphéðins-
son utanríkisráðherra er bjart-
sýnn á aðildarviðræður Íslands að
Evrópusambandinu (ESB). Össur
er nýkominn til Íslands frá Króa-
tíu og Ungverjalandi þar sem
hann lagði drög að viðræðum.
„Þetta verður skafl að fara í
gegnum. En ég tel að við komum
með samning að lokum sem verður
samþykktur,“ segir Össur. Hann
telur að reglur ESB séu með þeim
hætti að Íslendingar eigi að geta
varið auðlindir sínar á landi og sjó
með viðeigandi hætti og þurfi ekki
að gefa eftir í því sambandi. - sv
Utanríkisráðherra bjartsýnn:
Getum varið
auðlindir okkar
SUÐUR-KÓREA, AP Varnarmála- og
utanríkisráðherra Bandaríkj-
anna, Robert Gates og Hillary
Clinton, munu heimsækja
einskismannslandið milli Suður-
og Norður-Kóreu í dag. Það gera
þau til að sýna „staðfasta skuld-
bindingu“ sína við Suður-Kóreu.
Suður-Kórea og Bandaríkin
standa fyrir sameiginlegum her-
æfingum á sunnudag. Gates og
Clinton munu funda með ráðherr-
um landsins og taka þátt í athöfn
vegna þess að 60 ár eru liðin frá
upphafi Kóreustríðsins. - þeb
Clinton og Gates í S-Kóreu:
Heimsækja
landamærin
SAMKEPPNISMÁL Múrbúðin hefur
sent ESA, Eftirlitsstofnun EFTA,
kvörtun vegna yfirtöku Lands-
bankans á Húsasmiðjunni. Telja
forsvarsmenn hennar að yfirtak-
an og eignarhald bankans á Húsa-
smiðjunni feli í sér misnotkun á
markaðsráðandi stöðu í skilningi
EES-samningsins. Þá feli eignar-
haldið einnig í sér ólögmætan
ríkisstyrk.
Í kvörtun Múrbúðarinnar segir
að bankarnir gefi skít í sam-
keppnisreglur og dæli peningum í
fyrirtæki sem þau hafa tekið yfir
til að tryggja verðmæti þeirra í
endursölu. Í tilviki Landsbankans
sé um ríkisfé að ræða, enda bank-
inn í meirihlutaeigu ríkisins. - sh
Telur Landsbanka brjóta lög:
Múrbúðin
kvartar til ESA
Tekinn ölvaður á snjósleða
Karlmaður var handtekinn fyrir
ölvunar akstur á snjósleða innanbæjar
á Seyðisfirði aðfaranótt sunnudagsins
síðasta. Enginn snjór var í bænum
þótt hann væri enn að sjá á fjöllum,
að því er fram kemur á vef Austur-
gluggans. Maðurinn missir ökuréttindi
af þessum sökum.
LÖGREGLUMÁL
EVRÓPUMÁL Breski Evrópuþingmaðurinn Nigel
Farage áframsendi um miðjan júní tölvuskeyti
á aðra Evrópuþingmenn að beiðni Heimssýnar,
samtaka andstæðinga Evrópusambandsins, með
útlistun á stöðunni í Evrópumálum á Íslandi.
Farage, leiðtogi Breska sjálfstæðisflokksins, er
harðvítugur andstæðingur Evrópusambandsins
og hefur gagnrýnt það mjög opinberlega.
Í tölvupóstinum er sagt frá þingsályktunartil-
lögu sem lögð hefur verið fram á Alþingi af full-
trúum allra flokka nema Samfylkingar um að
draga skuli aðildarumsókn Íslands að Evrópusam-
bandinu til baka. Þá er útskýrt að ríkisstjórnin
sé klofin í málinu, Samfylkingin sé eini flokkur
landsins með Evrópusambandsaðild á stefnuskrá
sinni og áréttar að ráðamenn hafi ávallt sagt við-
ræðurnar vera „könnunarviðræður“, en ekki
aðildarviðræður.
Enn fremur er tekið fram að meirihluti Íslend-
inga sé andvígur aðild samkvæmt könnunum og
að eini Evrópusinnaði flokkurinn, Samfylkingin,
hafi tapað miklu fylgi í sveitarstjórnarkosningum
í vor.
Að síðustu segir að það sé ekki í anda góðra
samskipta við ESB að sitjandi ríkisstjórn Íslands
haldi til streitu aðildarumsókn sem mikill meiri-
hluti þjóðarinnar er andvígur. - sh
Heimssýn fékk Evrópuþingmanninn Nigel Farage til að uppfræða kollega sína:
Sendi póst á Evrópuþingmenn
NIGEL FARAGE Heimssýn fékk leiðtoga Breska sjálfstæðis-
flokksins til að áframsenda tölvuskeyti, með útlistun á stöðu
Evrópumála á Íslandi, á þingmenn Evrópuþingsins.
Benedikt Gröndal, fyrrverandi
forsætisráðherra, andaðist í
gærmorgun, 86 ára að aldri.
Benedikt fæddist í Hvilft í
Önundarfirði 7.
júlí árið 1924.
Hann varð
stúdent frá MR
árið 1943 og
lauk BA-prófi
með sögu sem
aðalgrein frá
Harvard í Bandaríkjunum árið
1946. Kona Benedikts var Heidi
Gröndal og eignuðust þau þrjá
syni.
Benedikt var ritstjóri
Alþýðublaðsins frá 1956 til 1966
og starfaði sem forstöðumaður
fræðsludeildar Sambands
íslenskra samvinnufélaga.
Hann sat í bæjarráði Reykja-
víkur og í útvarpsráði um ára-
bil. Benedikt var kjörinn á
Alþingi 1956 fyrir Alþýðuflokk-
inn og var formaður hans 1974
til 1980. Hann var utanríkisráð-
herra 1978 til 1980 og jafnframt
forsætisráðherra í minnihluta-
stjórn Alþýðuflokksins 1979 til
1980.
Benedikt
Gröndal fall-
inn frá
AFGANISTAN, AP Staðið verður við
það markmið að afganski herinn
taki við öryggisgæslu í Afganistan
fyrir árið 2014. Þetta sagði Hamid
Karzai, forseti landsins, á alþjóða-
ráðstefnu um málefni þess sem
fram fór í Kabúl í gær.
Anders Fogh Rasmussen, fram-
kvæmdastjóri NATO, segir að ekki
komi til greina að fara frá landinu
fyrr en víst sé að Afganar ráði við
stjórnina. Jafnvel þó að þeir taki
yfir öryggisgæslu munu hersveitir
NATO vera áfram í landinu.
Karzai óskaði einnig eftir því í
ræðu sinni að stjórnvöld fengju
meira af þeim fjármunum sem
alþjóðasamfélagið setur í upp-
byggingarstarf í landinu. Hingað
til hafa lönd verið treg til að veita
ríkisstjórn landsins fjármagn held-
ur hafa látið mestan hluta aðstoð-
arinnar í alþjóðlegar hjálparstofn-
anir.
Samþykkt var í lok ráðstefnunnar
að afgönsk stjórnvöld fengju 50 pró-
sent framlaganna á næstu tveim-
ur árum, en þau fá um fimmtung
framlaganna í dag. Karzai hafði
óskað eftir því að enn hærra hlut-
fall rynni til stjórnvalda.
Fulltrúar sjötíu ríkja komu
saman á ráðstefnunni í gær. Örygg-
isgæsla var gríðarlega mikil í
Kabúl og var borginni nánast lokað
fyrir umferð.
Þrátt fyrir miklar öryggisráð-
stafanir var eldflaugum skotið á
flugvöll borgarinnar og kom árásin
til að mynda í veg fyrir að flugvél
með Carl Bildt, utanríkisráðherra
Svíþjóðar, og Ban Ki-moon, aðal-
ritara Sameinuðu þjóðanna, gæti
lent á vellinum. Þeir flugu í þyrlu
á áfangastað, en utanríkisráðherra
Danmerkur, Lene Espersen, missti
af ráðstefnunni vegna þessa.
thorunn@frettabladid.is
Stjórnvöld munu fá
helming framlaga
Forseti Afganistans vann áfangasigur með því að fá samþykkt að stjórnvöld í
landinu fái helming allra framlaga til uppbyggingar í landinu. Segir afganskar
hersveitir verða tilbúnar til að taka við öryggisgæslu í landinu árið 2014.
ÖRYGGISSVEITIR Sérfræðingar í málefnum Afganistans létu í gær í ljós efasemdir um að afganskar her- og lögreglusveitir yrðu
reiðubúnar til að taka við af erlendu herliði fyrir árið 2014, eins og forseti Afganistans fullyrti í gær. NORDICPHOTOS/AFP
NÁTTÚRA Plöntutegundum hefur
fækkað í Surtsey þriðja árið í röð,
og telja vísindamenn líklegt að
toppnum í fjölda plöntutegunda
hafi verið náð. Skordýrategund-
um hefur þó fjölgað.
„Það er ljóst að plöntum mun
ekki fjölga endalaust í Surtsey,“
segir Borgþór Magnússon, vist-
fræðingur á Náttúrufræðistofn-
un. Hann segir þétt gras þjarma
að smávöxnum plöntum, sem sé
svipuð þróun og virðist hafa orðið
í öðrum úteyjum Vestmannaeyja.
Borgþór segir að þótt plöntum
hafi fækkað hafi leiðangursmenn
nú séð að ætihvönn virðist nú loks
vera að ná sér á strik. Ein planta
hafi blómgast og muni fræ frá henni
líklega verða upphafið að frekari
útbreiðslu í eynni. Líklegt þykir að
hvönnin verði áberandi í Surtsey í
framtíðinni, en sauðfé heldur henni
niðri í öðrum úteyjum.
Nokkrar nýjar skordýrategund-
ir fundust í Surtsey þetta árið, og
segir Borgþór líklegt að tegundun-
um muni eitthvað fjölga á næstu
árum. Skordýrin komi gjarnan
nokkru á eftir plöntutegundum,
sérstaklega þegar þétt gras- og
blómlendi hafi myndast. - bj
Þétt gras þjarmar að smávöxnum plöntum en hvönn nær sér á strik í Surtsey:
Plöntutegundum fækkar í eynni
HVÖNN Þessi ætihvönn blómstraði og
myndaði fræ í fyrsta skipti í Surtsey í ár,
og bendir allt til þess að hvönn verði
útbreidd í eynni þegar fram líða stundir.
MYND/BORGÞÓR MAGNÚSSON
EFNAHAGSMÁL Viðskiptabankarnir
greiða ekkert fyrir ótakmarkaða
ríkisábyrgð á innistæðum, en
slíkt gjald gæti skilað ríkissjóði
milljörðum króna, að því er fram
kom í fréttum Stöðvar 2 í gær.
Þegar ríkissjóður veitir ríkis-
ábyrgð á lánum greiða lántakar
þóknun fyrir ábyrgðina. Lands-
virkjun greiðir til dæmis um 900
milljónir árlega vegna þessa.
Ríkið hefur með yfirlýsingu
ábyrgst allar innstæður í bönkun-
um en hefur ekki innheimt gjald
fyrir ábyrgðina. - bj
Bankar fá ókeypis ríkisábyrgð:
Gæti skilað rík-
inu milljörðum
SPURNING DAGSINS