Fréttablaðið - 21.07.2010, Blaðsíða 6

6 21. júlí 2010 MIÐVIKUDAGUR
SÉRHÆFING Í VIÐHALDI GÓLFA
Við sérhæfum okkur í slípun og olíuburði á
sólpöllum, gerum gamla pallinn flottari en nýjan.
Fjalirnar verða rennisléttar og timbrið nær aftur
sínum náttúrulega lit.
GERUM SÓLPALLINN
EINS OG NÝJAN
info@golfthjonustan.is | golfthjonustan.is
S: 897 2225
LÖGREGLA Ríkiskaup hafa, fyrir
hönd embættis Ríkislögreglu-
stjóra, óskað eftir tilboðum í ein-
kennisfatnað lögreglumanna allra
lögreglustjóraembætta landsins.
Um er að ræða einkennishúfur,
hátíðarbúning, daglegan vinnu-
fatnað, annan fatnað, skófatnað og
einkenni. Útboðinu er skipt í sex
flokka en áætluð innkaup á fatnaði
í þau þrjú ár sem samningur gild-
ir nema 146,8 milljónum króna.
Heimilt er að framlengja samn-
inginn í sex ár mest, en miðað við
þann tíma nema heildarinnkaup
294 milljónum króna. Fram kemur
í útboðsgögnunum að áætlaður
fjöldi lögreglumanna sé 660. - óká
Útboði skipt í sex flokka:
Tilboða óskað í
fatnað lögreglu
LÖGREGLA Fatnaður lögreglu er af marg-
víslegum toga og þarf að koma að gagni
við ólíkar aðstæður. FRÉTTABLAÐIÐ/PJETUR
BANDARÍKIN Lögreglan í New York
leitar nú að bankaræningja sem
rændi banka á Manhattan í síð-
ustu viku. Hún hefur gefið út
mynd af manninum úr öryggis-
myndavél bankans, en maðurinn
var vopnaður blómvendi.
Ræninginn gekk inn í bankann
með blómvönd í hönd. Hann náði
í hótunarbréf inn í vöndinn þar
sem hann krafðist þess að fá
50 og 100 dollara seðla og sagði
gjaldkera að „vera ekki hetja“.
Ekki hefur verið gefið upp
hversu háa fjárhæð ræninginn
hafði á brott með sér úr
bankanum. - þeb
Lögregla leitar ræningja:
Rændi banka
með blómvendi
SAMFÉLAGSMÁL Útköllum Landhelgisgæslunnar
hefur fækkað um 32 prósent frá árinu 2007
til ársins 2009. Þetta kemur fram í ársskýrslu
Landhelgisgæslunnar fyrir árið 2009 sem
nýlega kom út. Árið 2007 voru útköll alls 172
en árið 2009 voru þau 117.
„Það er búið að efla allar slysavarnir til
sjós og lands og ég mundi halda að þetta væri
forvarnastarfið,“ sagði Halldór B. Nellett,
framkvæmdastjóri aðgerðasviðs Landhelgis-
gæslunnar, spurður um málið. „Forvarnir í
Slysavarnaskóla sjómanna hafa batnað. Árið
2008 var fyrsta árið sem enginn fórst á sjó,
það segir sína sögu.“ Halldór telur að aukið
samstarf við löggæslu í landi hafi skilað sér í
meira öryggi á þjóðvegum landsins. „Við erum
í góðu samstarfi við ríkislögreglustjóra um
að vera sýnilegir við eftirlit með umferð. Það
hefur sannað sig að það snarhægir á henni
þegar menn vita að vélin er að fljúga,“ segir
Halldór.
Landhelgisgæslan hefur ekki yfir sama
tækjabúnaði að ráða nú og þegar mest var.
Halldór segir það ekki hafa áhrif á fjölda
útkalla.
„Við höfum getað sinnt nánast öllum
útköllum sem við höfum fengið. Við höfum
allavega ekki hafnað einu einasta,“ sagði Hall-
dór en bætti því þó við að hann myndi vissu-
lega vilja hafa fleiri þyrlur til reiðu því teflt
væri á tæpasta vað ef upp kæmu óvæntar
bilanir eða frávik. - mþl
Útköllum Landhelgisgæslunnar hefur fækkað á síðustu árum:
Efling slysavarna hefur skilað árangri
FÆRRI ÞYRLUR EN ÁÐUR Leigusamningur þyrlunnar
TF-EIR rann út 1. júlí og var ekki endurnýjaður. Einungis
tvær þyrlur eru því til taks. FRÉTTABLAÐIÐ/VILHELM
Óttast þú afleiðingarnar fari
slökkviliðsmenn í verkfall?
JÁ 65,8%
NEI 34,2%
SPURNING DAGSINS Í DAG:
Var það rétt ákvörðun hjá
sjávarútvegsráðherra að gefa
frjálsar veiðar á úthafsrækju?
Segðu þína skoðun á visir.is
ÞÝSKALAND, AP Dómstóll í Weiden
í Þýskalandi hefur dæmt kaþólsk-
an prest í tíu mánaða skilorðs-
bundið fangelsi fyrir kynferðis-
brot.
Maðurinn var dæmdur fyrir
að „snerta fjórar ungar stúlkur á
ósiðlegan hátt fyrir neðan mitti“
í kennslustund í trúarbrögðum í
barnaskóla á síðasta ári.
Manninum var vikið frá störf-
um þegar málið kom upp í apríl.
Kaþólska kirkjan segir að hann
fái ekki að koma aftur til starfa,
hvorki sem prestur né til annarra
starfa þar sem hann gæti komist
í návígi við börn. - þeb
Tíu mánuðir fyrir kynferðisbrot:
Prestur dæmd-
ur í Þýskalandi
ORKUMÁL Ross Beaty, forstjóri
Magma Energy, bauð Björk Guð-
mundsdóttur 25 prósenta hlut í
HS orku í fyrradag. Hann setti
fram tilboð sitt á vef blaðsins
Reykjavík Grapevine. Hún
hafnaði boðinu.
Björk segir að Beaty misskilji
sjónarmið hennar í Magma-mál-
inu fyrst hann sé að bjóða henni
hlut.
„Ég er ekki þeirrar skoðunar
að það eigi að einkavæða fyrir-
tækið, heldur á að færa það aftur
í hendur fólksins,” segir Björk í
svari sínu til Beaty. - jhh
Tilboð frá Magma:
Björk afþakkar
hlut í HS orku
BJÖRK Listakonan segir forstjóra Magma
misskilja afstöðu hennar í málinu.
STJÓRNSÝSLA Steingrímur J. Sig-
fússon fjármálaráðherra segir
að batnandi staða ríkissjóðs slái
ekki algjörlega á þörfina fyrir
skattahækkanir. Greiðslutekjur
ríkissjóðs árið 2009 voru 22 millj-
örðum krónum hærri en gert var
ráð fyrir.
„Þetta lagar vissulega stöð-
una, en ríkisstjórnin er að hluta
til búin að nýta sér það svigrúm
sem fékkst,“ segir Steingrímur.
„Í ljósi málsins þá drógum við úr
umfangi þeirra aðhaldsaðgerða
sem voru í bígerð árið 2009.
Þetta er jákvæð sönnun þess að
þær aðgerðir sem gripið var til
á síðasta ári eru að ganga vel.“
segir hann.
Pétur H. Blöndal, fulltrúi Sjálf-
stæðisflokksins í efnahags- og
skattanefnd, segir að ríkisstjórn-
in sé á rangri braut í skattamál-
um. Hún hefði, í stað niðurskurð-
ar og skattahækkana, unnið að
því að stækka kökuna. Það mætti
gera með átaki í virkjanamálum
og sérstakri úthlutun veiðiheim-
ilda, svo dæmi séu nefnd. Þá
hefði Sjálfstæðisflokkurinn lagt
til skattlagningu séreignasjóða.
„Með því má sleppa öllum þess-
um skattahækkunum á almenn-
ing og fyrirtæki sem draga mik-
inn mátt úr atvinnulífinu. Það
leiðir til meira atvinnuleysis og
minni skatttekna. Annað eykur
gjöldin og hitt minnkar tekjurn-
ar. Ríkisstjórnin hefði strax átt
að fara þessa leið og það er enn
tími til þess.“
Pétur segir minna atvinnuleysi
en gert hafði verið ráð fyrir sýna
hve gott er að búa við krónu sem
styrkt hafi útflutningsvegina.
Þá búi atvinnulífið enn að því
umhverfi sem Sjálfstæðisflokk-
urinn bjó því í 18 ár. „Alþjóða-
gjaldeyrissjóðurinn tók fram að
íslenska skattkerfið væri mjög
gott þrátt fyrir þá leið sem ríkis-
stjórnin fór um síðustu áramót, að
draga úr kostum skattkerfisins.“
Steingrímur segir úttekt
Alþjóðagjaldeyrissjóðsins (AGS)
á íslenska skattakerfinu inni-
halda margar góðar tillögur að
breytingum og vera gagnlegt
plagg í vinnuferli ríkisstjórnar-
innar.
„Það er alveg ljóst að ríkið þarf
að afla aukinna tekna á komandi
árum. Eitthvað af tillögum AGS
gæti orðið að veruleika, annað
ekki,“ segir Steingrímur.
Steingrímur segir AGS gera
ráð fyrir að drjúgum hluta tekna
muni aftur vera varið til jöfnun-
araðgerða í þágu tekjulágra fjöl-
skyldna meðal annars í formi
vaxta- og barnabóta og þannig
megi auka jöfnunaráhrif skatt-
kerfisins. kolbeinn@frettabladid.is
sunna@frettabladid.is
Hærri skattar þrátt
fyrir auknar tekjur
Hækka þarf skatta á næsta ári þrátt fyrir betri stöðu ríkissjóðs, að sögn fjár-
málaráðherra. Hann segir úttekt AGS á skattkerfinu geyma margt gott. Væri
nær að örva atvinnulífið og fara í stóriðjuframkvæmdir, segir Pétur H. Blöndal.
PÉTUR H.
BLÖNDAL
STEINGRÍMUR J.
SIGFÚSSON
FULLTRÚAR AGS Franek Rozwadowzki, sendifulltrúi Alþjóðagjaldeyrissjóðsins (AGS),
hélt nýverið blaðamannafund um skattaúttekt sjóðsins. Sjóðurinn telur einungis
tvær leiðir færar: skattahækkanir eða niðurskurð ríkisútgjalda. FRÉTTABLAÐIÐ/GVA
MENNTUN Alls fengu 82 prósent
nemenda í framhaldsskólum pláss
í skóla sem þeir settu í fyrsta val
og 95 prósent pláss í skóla í fyrsta
eða öðru vali. Breytt fyrirkomu-
lag verður við úthlutun plássa í
ár, en 45 prósent þeirra fara til
nýnema sem búa í nágrenni skóla,
uppfylli þeir inntökuskilyrði.
Það fyrirkomulag hefur verið
nokkuð gagnrýnt og fullyrð-
ir Pressan að lögmaður kanni
nú hvort hverfaskiptingin verði
kærð, enda sé hvorki kveðið á um
hana í lögum né reglugerð.
Katrín Jakobsdóttir mennta-
málaráðherra segir að þegar
horft sé til þess að landið sé eitt
innritunarsvæði og fræðsluskyld-
unnar, en nú eiga allir undir 18
ára aldri rétt á skólavist í fram-
haldsskóla, hafi ekki verið hjá því
komist að byggja að einhverju
leyti á því að nemendur ættu for-
gang eftir búsetu í almennt nám.
Það sé málefnalegt og stuðli að
því að tryggja öllum skólavist.
Katrín segir að samið sé um
verklag við hvern og einn skóla
og gert sé ráð fyrir kröfu um
að 45 prósent plássa ráðist eftir
búsetu í þeim samningum. Fjár-
veitingar og aðstæður geri það
að verkum að ekki sé unnt að
verða við öllum óskum og því
verði að grípa til einhverra stýr-
andi aðgerða til að veita öllum
skólavist. - kóp
Alls fengu 82 prósent framhaldsskólanema pláss í skóla eftir fyrsta vali:
Búseta ræður 45% skólaplássa
KATRÍN JAKOBSDÓTTIR
Segir að ekki sé hægt að verða við
óskum allra umsækjenda og því verði
að grípa til stýrandi aðgerða til að
tryggja öllum skólavist.
FRÉTTABLAÐIÐ/DANÍEL
KJÖRKASSINN