Fréttablaðið - 21.07.2010, Blaðsíða 25
MIÐVIKUDAGUR 21. júlí 2010 21
sport@frettabladid.is
Under Armour Revenant II
HOLTAGÖRÐUM O GLÆSIBÆ O KRINGLUNNI O SMÁRALIND O WWW.UTILIF.IS
miðvikudag í Smáralindinni
fimmtudag í Kringlunni
milli 14:00 - 17:00
ÚTSALA
allt að 50% afsláttur
Sérfræðingur frá Under Armour
veitir aðstoð við val á hlaupaskóm.
Úrslit og markaskorarar
Breiðablik - Þór/KA 3-2
0-1 Elva Friðjónsdóttir (15.), 0-2 Mateja Zver (27.),
1-2 og 2-2 Greta Mjöll Samúelsdóttir (28. og 60), 3-2
Berglind Þorvaldsdóttir (80.).
Afturelding - KR 0-2
Margrét Þórólfsdóttir og Kristín Sverrisdóttir.
Valur - FH 9-0
Hallbera Guðný Gísladóttir 4, Kristín Ýr Bjarnadóttir 2,
Katrín Gylfadóttir, Helga Sjöfn Jóhannesdóttir og Björk
Gunnarsdóttir.
Haukar - Fylkir 0-1
Íris Dögg Snorradóttir.
Grindavík - Stjarnan 0-3
Gunnhildur Yrsa Jónsdóttir 2, Inga Birna Friðjónsdóttir.
Upplýsingar um markaskorara eru frá Fótbolta.net.
PEPSI-DEILDIN
Staðan í deildinni:
1. Valur 11 9 2 0 51-7 29
2. Breiðablik 12 7 2 3 25-16 23
3. Þór/KA 11 7 1 3 33-14 22
4. Stjarnan 11 6 2 3 23-8 20
5. Fylkir 11 6 1 4 22-15 19
6. KR 12 5 3 4 15-14 18
7. Afturelding 11 4 1 6 9-32 13
8. Grindavík 11 3 2 6 6-17 11
9. Haukar 11 1 0 10 5-30 3
10. FH 11 1 0 10 9-44 3
Skagamenn hafa löngum sýnt að þeir eru samrýndir og tveir gamlir refir
hafa rifið fram skóna og hjálpað liðinu í sumar. Stefán Þórðarson lék
með liðinu í síðustu umferð gegn HK og nú er Lárus Orri Sigurðsson
kominn með leikheimild með ÍA.
„Það kom upp í vikunni að þeir eru í vandræðum með meiðsli og
spurðu mig hvort ég gæti verið til taks ef á þyrfti að halda. Það er lítið
mál og ég hjálpa liðinu glaður ef ég get,“ sagði Lárus Orri sem
hefur aðeins spilað með ÍA og Þór á Akureyri á Íslandi.
„Þetta eru einu tvö félögin sem ég ber taugar til hérna
heima. Ég spilaði með ÍA upp þriðja flokkinn á meðan
pabbi spilaði þar og það er fínt að ljúka ferlinum og klára
þar með hringinn þar líka,“ sagði Lárus Orri en faðir hans,
Sigurður Lárusson, lék bæði með ÍA og Þór en Lárus Orri
hætti þjálfun Þórsara fyrr í sumar.
„Ég er æskuvinur Þórðar Guðjónssonar framkvæmdastjóra
og Þórðar Þórðarsonar þjálfara. Ef það rætist ekki úr meiðsl-
unum hjá miðvörðunum þeirra þá mun ég spila en ég vona
reyndar að þeir þurfi sem minnst á mér að halda,“ sagði Lárus Orri létt-
ur en hann hlakkar þó til að klæða sig í gulu treyjuna á nýjan leik.
Hann hefur þó ekki hug á að spila lengur en í sumar. „Ég er
ekkert að fara að gera þriggja ára samning. Ég hugsa ekkert
lengra en bara að næstu helgi,“ sagði Lárus Orri.
„Lárus Orri er góður styrkur fyrir okkur og hann kemur með
góða reynslu inn í liðið,“ segir Þórður þjálfari en ekki eru fleiri
gamlir Skagamenn á leiðinni að draga fram skóna að hans sögn.
„Vandamálið er bara að við höfum ekki þessa peninga sem
félögin í Reykjavík hafa. Við þurfum því að fara aðrar leiðir
en það hefur gengið illa að fá menn upp á Akranes. Það eru
klárlega peningarnir sem ráða ríkjum hjá mörgum af
þessum strákum í dag,“ sagði Þórður.
„Ég er bara ánægður ef ég get eitthvað hjálpað,
þó að það sé bara að sitja rólegur á bekknum,“
sagði Lárus Orri Skagamaður, sem gæti spilað sinn fyrsta leik á
föstudaginn gegn Fjarðabyggð.
LÁRUS ORRI SIGURÐSSON: DREGUR FRAM SKÓNA ÓVÆNT AFTUR OG SPILAR MEÐ SKAGAMÖNNUM
Ánægður að ljúka ferlinum þar sem hann hófst
> FH-ingar spila upp á stoltið í kvöld
FH tekur á móti BATE frá Hvíta-Rússlandi í kvöld í seinni
leik liðanna í undankeppni Meistaradeildarinnar. FH
tapaði fyrri leiknum, 5-1, úti. „Ég held að það sé lítið
annað í stöðunni en að spila upp á stoltið. Það
segir sig sjálft að það eru litlar líkur á því að
komast áfram. Það er gaman að spila svona
leiki og bera okkur saman við
aðrar þjóðir og markmiðið
hlýtur að vera að sýna að
munurinn á liðunum er ekki
svona mikill,“ segir Matthías
Vilhjálmsson, fyrirliði FH.
FÓTBOLTI Rúnar Kristinsson stýrði
sinni fyrstu æfingu hjá KR síð-
degis í gær. Hann tók við liðinu
af Loga Ólafssyni daginn eftir 3-3
jafnteflið við Hauka en fyrsti leik-
ur hans með liðið er seinni leikur-
inn gegn Karpaty frá Úkraínu á
morgun. Liðið flaug út í nótt en
fyrri leiknum lauk með 3-0 sigri
Karpaty.
Samningur Loga við KR gilti út
tímabilið. „Það þurfti ekki að kom-
ast að neinu sérstöku samkomulagi
um peningamál við Loga, við borg-
um honum bara út samninginn
sem gildir til 30. september eins
og venjan er,“ segir framkvæmda-
stjóri KR, Jónas Kristinsson, en
Logi var á sínu síðasta samnings-
ári í Vesturbænum.
Leit að nýjum þjálfara KR er
þó ekki hafin. „Við höfum nægan
tíma. Við erum bara að klára þessi
mál núna og Rúnar stýrir liðinu út
þetta tímabil. Eftir það tekur við
frí áður en undirbúningstímabilið
byrjar svo tíminn er nægur,“ sagði
Jónas.
Hann sagði jafnframt að enginn
óskalisti hefði verið teiknaður upp
en orðrómur um að Guðjón Þórð-
arson væri að bíða eftir að starfið
losnaði hefur verið lengi í gangi.
Samkvæmt heimildum Frétta-
blaðsins kemur hann þó ekki til
greina sem næsti þjálfari KR.
Samkvæmt sömu heimildum
vilja KR-ingar ráða sannan Vest-
urbæing og þá helst mann sem
hefur spilað með félaginu. Þeir
sem þykja einna helst til greina
eru Heimir Guðjónsson sem nú
þjálfar FH, Gunnlaugur Jónsson
sem er hjá Val, Guðmundur Bene-
diktsson sem er hjá Selfoss, Sigur-
steinn Gíslason sem er hjá Leikni,
og Óskar Hrafn Þorvaldsson sem
áður lék með KR og þjálfaði meðal
annars yngri flokka hjá félaginu til
marga ára.
Þá er Gunnar Kristjánsson
ekki á leiðinni frá KR í FH strax,
hann fór liðinu til Úkraínu í nótt.
„Stjórnir FH og KR þurfa lengri
tíma til að ræða saman. Ég mun
ræða betur við FH-inga þegar við
komum heim en þangað til gef ég
mig allan í verkefnin framundan
hjá KR,“ sagði Gunnar við Frétta-
blaðið í gær. - hþh
KR borgaði upp samning Loga Ólafssonar út tímabilið:
Óskalisti KR ekki teiknaður strax
FYRSTA ÆFINGIN Rúnar stýrir hér KR-ingum á sinni fyrstu æfingu sem þjálfari aðal-
liðsins. Bjarni Guðjónsson og Óskar Örn Hauksson hlusta á. FRÉTTABLAÐIÐ/RÓSA
FÓTBOLTI Mikið var í húfi fyrir stór-
leik Breiðabliks og Þórs/KA í gær-
kvöldi. Eftir frábæran leik unnu
Blikastúlkur 3-2 en Valsstúlkur eru
í bílstjórasætinu og þurfa að tapa
stigum í þremur leikjum til að verða
ekki Íslandsmeistarar.
Fyrri hálfleikurinn í Kópavogin-
um var fjörugur. Eftir slaka byrj-
un kom Elva Friðjónsdóttir norðan-
stúlkum yfir með fínu marki áður
en umdeilt atvik átti sér stað. Send-
ing kom inn fyrir vörn Blikastúlkna
og Mateja Zver var sloppin ein í
gegn en Anna Birna Þorvarðardótt-
ir braut á henni. Því hafði dómari
leiksins, Hákon Þorsteinsson, ekki
um annað að ræða en að senda Önnu
Birnu af velli en Blikar voru æfir
og vildu meina að Zver hefði verið
rangstæð.
Akureyrarliðið virtist vera komið
í góða stöðu þegar Zver kom liðinu
í 0-2 og liðið manni fleiri, en aðeins
mínútu eftir markið frá Zver hófst
endurkoma Blika.
Greta Mjöll Samúelsdóttir skoraði
og minnkaði muninn og Sara Björk
Gunnarsdóttir fékk dauðafæri til
að jafna undir lok fyrri hálfleiks en
missti marks.
Greta Mjöll jafnaði svo leikinn
áður en Berglind Björg Þorvalds-
dóttir skoraði tíu mínútum fyrir
leikslok. Endurkoma Blika var þar
með fullkomnuð en karakter þeirra
var einstakur. Með sigrinum er liðið
komið í annað sæti deildarinnar en á
þó nokkuð í land til að ná Val.
„Ég er mjög ánægður, þetta er
vinnusigur og sigur liðsheildarinn-
ar. Það er ótrúlegt að afreka það að
klára leik manni færri 2-0 undir
gegn jafn sterku liði og Þór/KA. Við
fáum á okkur mark strax eftir rauða
spjaldið en náðum að endurskipu-
leggja vörnina og koma til baka sem
sýnir gríðarlegan karakter í liðinu,“
sagði Jóhannes Karl Sigursteinsson
þjálfari Breiðabliks.
„Mér fannst það ekki sjást að við
vorum manni færri, oft á tíðum
hengja lið hausinn þegar þau missa
mann útaf hvað þá þegar þau eru 2-
0 undir en við náum að skora rétt
KARAKTER BLIKA
Breiðablik vann Þór/KA í stórleik gærkvöldsins í
Pepsi-deild kvenna. Blikar voru 2-0 undir og leik-
manni færri í klukkutíma en börðust til 3-2 sigurs.
BOLTINN Í ANDLITIÐ? Boltinn virtist fara í andlitið á Zver sem lagðist í jörðina greini-
lega sárþjáð. Blikar voru æfir þar sem Anna Birna fékk rautt spjald en Zver var að
sleppa ein í gegn þegar atvikið gerðist. FRÉTTABLAÐIÐ/DANÍEL
fyrir hálfleik. Það gaf okkur góðan
möguleika og með því marki sýndi
Greta Mjöll hvað hún er góð knatt-
spyrnukona. Hún er að koma úr erf-
iðum meiðslum en á frábæran dag
og er vinnusemi hennar og elja að
borga sig,“ sagði Jóhannes.
„Það er lítið hægt að segja eftir
þennan leik, þetta var hrikalega
dapurt hjá okkur. Stelpurnar mínar
hafa spilað mjög vel í sumar en þetta
var lélegt,“ sagði Dragan Stojanovic,
þjálfari Þór/KA, svekktur. „Við viss-
um að mark númer þrjú yrði mikil-
vægt og ætluðum okkur að ná því.
Við fáum hins vegar á okkur mark
rétt fyrir hálfleik en við ætluðum
að halda áfram okkar spilamennsku
og ná að klára leikinn. Valur er auð-
vitað með frábært lið með fullt af
landsliðskonum og það verður erfitt
að ná þeim,“ sagði Dragan í leikslok.
- kpt