Fréttablaðið - 25.08.2010, Page 34
26 25. ágúst 2010 MIÐVIKUDAGUR
sport@frettabladid.is
FÓTBOLTI KR er heitasta liðið í
Pepsi-deildinni um þessar mund-
ir. Liðið hefur unnið alla leiki sína
í deildinni síðan Rúnar Kristinsson
tók við þjálfarastöðunni af Loga
Ólafssyni. Úrslit síðustu vikna
hafa gert það að verkum að vinni
KR þá leiki sem það á eftir verður
liðið meistari.
Óskar Örn Hauksson fór fyrir
liði KR þegar það skoraði fjögur
mörk gegn Val á aðeins tíu mín-
útna kafla í gær. Óskar skoraði tvö
mörk og lagði upp tvö önnur.
„Það er alltaf gaman þegar vel
gengur. Ég veit samt ekki hvort
þetta var minn besti leikur í
sumar. Ég hef átt betri leiki heilt
yfir,“ sagði Óskar Örn hógvær en
mörkin hans tvö voru lagleg þó svo
að Kjartan Sturluson hefði hugsan-
lega mátt gera betur í fyrra mark-
inu.
„Honum til varnar var þetta
gríðarlega fast skot hjá mér. Ég
vil ekki alfarið kenna honum um
þetta. Þetta var hörkuskot hjá mér.
Seinna markið var draumamark
þar sem boltinn fór sem betur fer
inn en ekki út. Ég skora reglulega
með föstum skotum. Við vinstri
fótarmenn erum oftar fastari en
þessir hægri fótarmenn.“
Óskar Örn segir að eðlilega sé
betri stemning í hópnum hjá KR
eftir að það fór að ganga betur hjá
liðinu og það fór að eygja aftur von
um að gera eitthvað í sumar.
„Bikarleikurinn var svolítið
högg í andlitið en við létum það
ekki slá okkur út af laginu. Það
helst alltaf í hendur góð stemning
og gott gengi,“ sagði Óskar Örn en
hvað gerðist eiginlega hjá liðinu
eftir að Logi fór?
„Ég veit það ekki alveg. Þetta
snerist að mínu mati ekkert bara
um Loga. Það var auðveldara að
reka þjálfarann en liðið. Ég hef
lent oft í þjálfaraskiptum og í öll
skiptin virðist koma einhver kraft-
ur í liðin í kjölfarið. Ég get ekki
útskýrt almennilega af hverju það
gerist.
Það vita allir að við erum betri
en við sýndum í fyrri umferðinni.
Fyrstu tveir leikirnir í mótinu
slógu okkur út af laginu og menn
urðu eitthvað hræddir. Fóru inn í
sig og voru eitthvað litlir. Menn
þoldu ekki mótlætið,“ sagði Óskar
en hann vill alls ekki meina að
leikmenn hafi verið orðnir þreytt-
ir á Loga. Þvert á móti ber Óskar
honum vel söguna.
„Hann er einn skemmtilegasti
maður sem ég hef kynnst og það
sakna hans allir úr klefanum. Ég
held ég tali fyrir hönd okkar allra
þegar ég segi að okkur fannst
leiðinlegt að sjá á bak Loga.“
Engu að síður hefur komið ein-
hver kraftur með Rúnari sem var
einn af aðstoðarmönnum Loga og
sat á bekknum með liðinu áður en
hann tók við.
„Hann hefur breytt því að við
erum farnir að vinna leiki. Þegar
hann tekur við byrja menn á núll-
punkti og nýtt mót byrjar hjá
okkur. Við vinnum fyrsta leikinn
og þá fer boltinn að rúlla.
Sjálfstraustið eykst og stemn-
ingin verður betri. Þetta var orðið
sálfræðilegt hjá okkur en sjálfs-
traustið er í topplagi núna. Það eru
miklir úrslitaleikir eftir af mótinu
og við ætlum að vinna þá,“ sagði
kokhraustur Óskar Örn Hauksson.
henry@frettabladid.is
Við söknum allir Loga
Óskar Örn Hauksson átti magnaðan leik með KR gegn Val. Hann skoraði tvö
góð mörk og lagði upp tvö önnur í 4-1 sigri KR á Hlíðarendaliðinu.
Á FLEYGIFERÐ Óskar Örn Hauksson sést hér í baráttu við Stjörnumanninn Steinþór
Frey Þorsteinsson fyrr í sumar. FRÉTTABLAÐIÐ/ANTON
Lið umferðarinnar:
3-5-2:
Daði Lárusson Haukar
Jordao Diogo KR
Daníel Einarsson Haukar
Jón Guðni Fjóluson Fram
Almarr Ormarsson Fram
Arnar Gunnlaugsson Haukar
Óskar Örn Hauksson KR
Ásgeir Ingólfsson Haukar
Hafþór Ægir Vilhjálmsson Grindavík
Hörður Sveinsson Keflavík
Atli Viðar Björnsson FH
Það var mikið rætt á kaffistofum landsins í gær um rauða
spjaldið sem Þóroddur Hjaltalín yngri gaf Blikanum Elfari Frey
Helgasyni. Spjaldið klárlega rangur dómur og það sem meira
er þá er þetta í þriðja skiptið á þessu tímabili sem Þóroddur
rekur Elfar af velli.
Fréttablaðið freistaði þess að ræða málið við Þórodd
í gær en hann sagði það vera tilmæli dómaranefndar að
dómarar tjáðu sig ekki um atvik í leikjum né almennt.
Hann tók þó fram að í þessu tilviki hefði hann viljað tjá
sig.
Fréttablaðið sló því á þráðinn til Gylfa Þórs Orrasonar,
formanns dómaranefndar, og spurði hann að því hvort
íslenskir dómarar væru múlbundnir?
„Við höfum óskað eftir því að dómarar séu ekki að
gefa einhverjar yfirlýsingar því það lagar sjaldnast eitt-
hvað. Það að dómarar séu í einhverjum játningatímum
strax eftir leiki er ekki talið vera til góðs. Ef hann viðurkennir mistök
þá skuldar hann því liði.
Það er það sem liggur að baki. Það er verið að koma í veg
fyrir slíkar uppákomur. Ef dómarar viðurkenna mistök gegn
ákveðnu liði þá eru þeir undir meiri pressu er þeir dæma
hjá því liði næst að okkar mati,“ sagði Gylfi Þór en hann
hefur ekkert á móti því að dómarar tjái sig almennt.
Hvað ef dómarar hunsa samt þessi fyrirmæli nefnd-
arinnar og tjá sig? Lenda þeir þá í slæmum málum hjá
dómaranefndinni?
„Nei, hópurinn vill heilt yfir hafa þetta svona. Það er
mjög óæskilegt að menn tjái sig. Við leggjum það til að
ef menn vilja gera það þá ráðfæri þeir sig við okkur og
tjái sig um af hverju þeir vilja fara í fjölmiðla. Auðvitað er
það samt erfitt fyrir dómara að liggja undir ásökunum
sem þeir eru ósáttir við.“
ÞÓRODDUR HJALTALÍN YNGRI Í ELDLÍNUNNI: LANGAÐI AÐ TJÁ SIG EN TELUR SIG EKKI MEGA ÞAÐ
Mjög óæskilegt að dómarar séu að tjá sig
BURSTAR í vél-
sópa á lager
Vesturhrauni 3 · 210 Garðabæ.
Sími 480-0000 · www.aflvelar.is
- flestar
stærðir
> Ísland mætir Eistlandi í dag
Íslenska landsliðið leikur í dag sinn lokaleik í und-
ankeppni HM 2011 í knattspyrnu. Liðið á ekki
möguleika á að komast í úrslitakeppnina sem
fer fram í Þýskalandi. Sigurður Ragnar Eyjólfsson
landsliðsþjálfari tilkynnti í gær byrjunarlið sitt
og gerði þrjár breytingar frá 1-0 tapleiknum
gegn Frökkum á laugardaginn. Sandra
Sigurðardóttir stendur í marki Íslands en
Guðbjörg Gunnarsdóttir er veik og Þóra B.
Helgadóttir veik. Þá koma þær Guðný Björk
Óðinsdóttir og Hallbera Guðný Gísladóttir
inn í liðið í stað Hólmfríðar Magnúsdóttur og
Dagnýjar Brynjarsdóttur.
Meistaradeild Evrópu
UMSPIL, SÍÐARI LEIKIR:
Hapoel Tel Aviv - Red Bull Salzburg 1-1
Hapoel Tel Aviv vann samanlegt, 4-3.
Sheriff Tiraspol - FC Basel 0-3
FC Basel vann samanlagt, 4-0.
Anderlecht - Partizan Belgrad 2-2
Samanlagt 4-4. Partizan vann í vítaspyrnukeppni.
Sevilla - Sporting Braga 3-4
Sporting Braga vann samanlagt, 5-3.
Sampdoria - Werder Bremen 3-2
Werder Bremen vann samanlagt, 5-4.
ÚRSLIT
HANDBOLTI Aron Pálmarsson skor-
aði þrjú mörk er Kiel tapaði fyrir
Hamburg, 27-26, í hinum árlega
Supercup-leik í gær. Þar mætast
deildar- og bikarmeistarar síð-
asta árs.
Staðan í hálfleik var 13-11,
Hamburg í vil, sem náði þar
með að hefna fyrir ófarir síðasta
árs þegar Kiel fór langt með að
tryggja sér þýska meistaratitil-
inn með sigri á Hamburg undir
lok tímabilsins.
Hamburg komst í 4-0 og hélt
forystunni allt til enda. Kiel náði
að minnka muninn í eitt mark á
lokamínútu leiksins en nær kom-
ust lærisveinar Alfreðs Gíslason-
ar ekki. - esá
Hamburg vann Kiel í gær:
Aron með þrjú
Í BARÁTTUNNI Aron Pálmarsson horfir
hér á eftir Michael Kraus, leikmanni
Hamburg. FRÉTTABLAÐIÐ/BONGARTS
FÓTBOLTI Alex Ferguson, stjóri
Manchester United, styður boð
enska knattspyrnusambandsins
um að halda HM í knattspyrnu
árið 2018. Umsóknarferlið stend-
ur nú yfir og hefur sendinefnd
frá FIFA skoðað aðstæður í Eng-
landi undanfarna daga.
„Allar aðstæður fyrir leikmenn
og áhorfendur eru eins og best
verður á kosið,“ sagði Ferguson.
„Þetta yrði afar eftirminnilegur
atburður fyrir alla heimsbúa.“
HM hefur einu sinni áður farið
fram í Englandi, árið 1966. Alls
fimm boð hafa borist um að halda
HM árið 2018. - esá
Alex Ferguson:
Vill fá HM til
Englands
Á WEMBLEY Fabio Capello, landsliðs-
þjálfari Englands, hitti sendinefnd FIFA á
þjóðarleikvangi Englendinga í gær.
NORDIC PHOTOS/GETTY
FÓTBOLTI Tíu leikmenn úr Pepsi-
deild karla voru úrskurðaðir í
eins leiks bann á fundi aganefnd-
ar KSÍ í gær. Þeirra á meðal
eru Björn Daníel Sverrisson og
Ólafur Páll Snorrason úr FH og
Bjarni Guðjónsson og Kjartan
Henry Finnbogason úr KR og
missa þeir því af toppslag liðanna
í deildinni á mánudaginn kemur.
- esá
Pepsi-deild karla:
Tíu í leikbann