Fréttablaðið - 04.10.2010, Blaðsíða 2

2 4. október 2010 MÁNUDAGUR
„Birkir, heldurðu með Skotun-
um?“
„Nei. Ég held með strákunum okkar
sem munu afgreiða Skotana með
nokkrum góðum skotum.“
Birkir Sveinsson er mótastjóri KSÍ. Vinni
U-21 landslið Íslendinga Skota í umspil-
sleikjum um sæti á EM þarf að gera langt
hlé á Pepsi-deildinni næsta sumar. Mun
Birkir þá þurfa að raða mótinu upp á nýtt
sem gæti reynst þrautin þyngri.
MÓTMÆLI Boðað hefur verið til mótmæla á Austur-
velli klukkan 19.30 í kvöld. Jóhanna Sigurðardótt-
ir forsætisráðherra flytur stefnuræðu sína á sama
tíma og er fólk hvatt til þess að mæta með stóra
hljómgjafa til þess að „skapa réttan undirleik og
umgjörð“ eins og segir á Facebook-síðu fyrir mót-
mælin sem ganga undir nafninu Tunnumótmælin.
„Gleymum því ekki að stofnunin sem steypti fjár-
málakerfinu í glötun fyrir tveimur árum, með van-
hæfni sinni og spillingu, steypti lýðræðinu sömu
leið í atkvæðagreiðslunni um landsdóm síðastlið-
inn þriðjudag,“ segir á síðunni, þar sem um þúsund
manns hafa skráð sig.
Myndband um mótmælin var sett inn á Youtube
í kjölfarið og er því einnig ætlað að hvetja fólk til
þess að mæta á Austurvöll í kvöld. Myndbandið ber
heitið Power to the People og er samansafn af mynd-
brotum úr búsáhaldabyltingunni og texta.
„Bankarnir afskrifa fyrir auðmenn og fyrrver-
andi stjórnmálamenn en setja fjölskyldur þús-
unda Íslendinga á vonarvöl,“ segir í myndbandinu.
„STOPP – hvar sem við stöndum er borgaraleg
skylda okkar allra að mótmæla.“
Lögreglan hefur ekki ákveðið hvort sérstakur við-
búnaður verði við Alþingishúsið um kvöldið.
- sv
Boðað til háværra mótmæla í kvöld þegar forsætisráðherra flytur stefnuræðu:
Eiga að mæta með hávaðatól
MÓTMÆLI Á AUSTURVELLI Mótmælin síðastliðinn föstudag
fóru að mestu friðsamlega fram og mikill fjöldi mætti þegar
Alþingi var sett. FRÉTTABLAÐIÐ/PJETUR
BRASILÍA, AP Allar líkur eru taldar
á því að Dilma Rousseff standi uppi
sem sigurvegari í forsetakosning-
unum í Brasilíu, sem fram fóru í
gær. Rousseff yrði með því fyrsta
konan til að gegna embætti forseta
í landinu. Hún var valin eftirmaður
fráfarandi forseta sem hefur notið
gífurlegra vinsælda í landinu.
Skoðanakannanir bentu til þess
að Rousseff hefði tuttugu prósenta
forskot á helsta keppinautinn, Jose
Serra. Rousseff þarf hins vegar
að ná að minnsta kosti helmingi
atkvæða til þess að ná kjöri, annars
verður önnur umferð kosninganna
haldin í lok mánaðarins. - þeb
Kosningar í Brasilíu í gær:
Kona líklega í
forsetaembætti
TRAUSTIÐ DVÍNAR Um 38 prósent segj-
ast bera traust til þjóðkirkjunnar nú.
FRÉTTABLAÐIÐ/DANÍEL
KÖNNUN Ríflega 73 prósent þeirra
sem afstöðu tóku í skoðanakönn-
un Capacent Gallup vilja aðskiln-
að ríkis og kirkju. Tæplega 27
prósent eru því andvíg. Þetta
kom fram í kvöldfréttum Ríkis-
sjónvarpsins í gær.
Mikill munur er á afstöðu fólks
eftir aldri, og eru þeir sem yngri
eru líklegri til að vera hlynntir
aðskilnaði ríkis og kirkju. Í gegn-
um tíðina hafa um það bil sex af
tíu verið fylgjandi aðskilnaði, en
hlutfallið hefur hækkað undan-
farið.
Í fyrra studdu 74 prósent
aðskilnað ríkis og kirkju, sem er
svipað hlutfall og nú. - bj
Könnun um ríki og kirkju:
Þrír af fjórum
vilja aðskilnað
MEXÍKÓ 22 mexíkóskum ferða-
mönnum hefur verið rænt í
ferðamannaborginni Acapulco í
Mexíkó.
Ferðamennirnir voru að leita
að hóteli þegar þeir voru numd-
ir á brott af vopnuðum mönnum
á fimmtudag. Lögreglan segist
hvorki vita hvers vegna mönn-
unum var rænt né hverjir standa
á bak við ránið. Maður sem til-
heyrði hópnum tilkynnti lögreglu
um málið. Hann sagði mennina
vera starfsmenn á bifvélaverk-
stæði sem hefðu ætlað í helgar-
frí til borgarinnar. Hann hafði
farið frá hópnum í stutta stund
og þegar hann sneri aftur voru
mennirnir á bak og burt. - þeb
Mannræningjar í Mexíkó:
Rændu 22
ferðamönnum
DANMÖRK Septembermánuður í ár
hefur ekki mælst kaldari í Dan-
mörku síðan 2001. Kemur þetta
fram á fréttavef Danmarks Radio.
Meðalhitastig síðasta mánaðar
í Danmörku var 12,6 gráður og er
það þó nokkuð undir meðallagi.
Kaldasti septembermánuður frá
upphafi var í landinu árið 1877 og
mældist þá meðalhiti 10 gráður.
Veðurspáin fyrir Danmörku
segir til um að meðalhiti í októb-
er í ár verði í kringum 9 gráður.
Þó er spáð miklum hita á næst-
unni og mega Danir búast við því
að hitastigið verði í kring um 20
gráður fyrri hluta vikunnar. - sv
Óvenju svalt í Danmörku:
September sá
kaldasti í níu ár
DILMA ROUSSEFF Allar líkur eru taldar á
að hún verði næsti forseti Brasilíu.
FRÉTTABLAÐIÐ/AP
STJÓRNSÝSLA Umsækjendur um
starf skrifstofustjóra auðlinda-
skrifstofu í sjávarútvegs- og land-
búnaðarráðuneytinu eru ósáttir við
niðurstöðu Ögmundar Jónassonar,
dóms- og samgöngumálaráðherra,
um að ráða Jóhann Guðmundsson,
aðstoðarmann Jóns Bjarnasonar,
sjávarútvegs- og landbúnaðarráð-
herra, í starfið.
Jóhann hefur starfað sem aðstoð-
armaður Jóns, og þar áður Stein-
gríms J. Sigfússonar fjármálaráð-
herra, undanfarið eitt og hálft ár.
Vegna tengsla sinn við Jóhann lýsti
Jón sig vanhæfan og féll það því í
hlut Ögmundar að ráða í starfið.
„Að vera pólitískt skipaður
aðstoðarmaður og vera svo ráðinn
í þetta starf finnst mér auðvitað
ekkert eðlilegt en það er svo sem
ekki mitt að meta hvaða umsækj-
andi var hæfastur,“ segir Gísli
Rúnar Gíslason, yfirlögfræðing-
ur hjá Fiskistofu, sem var meðal
umsækjenda en hann hyggst sækj-
ast eftir rökstuðningi fyrir ráðn-
ingunni frá ráðuneytinu. Hann
telur orka tvímælis að Ögmund-
ur hafi verið fenginn til að ráða
í starfið þar sem hann sé í sama
flokki og Jón. Undir þessi sjón-
armið taka fleiri umsækjendur
sem furða sig jafnframt á því hve
langan tíma ráðningarferlið tók en
umsóknarfrestur rann út þann 18.
júlí síðastliðinn.
Ögmundur Jónasson sagði í
samtali við Fréttablaðið á laug-
ardag að hann hefði óskað eftir
því að starfsmenn ráðuneytisins
færu yfir umsækjendur á fagleg-
um nótum og að Jóhann hefði orðið
hlutskarpastur í því mati. Það væri
ómaklegt að setja málið fram með
þeim hætti að annarleg sjónarmið
hefðu ráðið för, ráðningin hefði
verið fagleg. - mþl
Umsækjendur um starf skrifstofustjóra óánægðir með ráðningu aðstoðarmanns:
Ósætti vegna ráðningar skrifstofustjóra
SJÁVARÚTVEGS- OG LANDBÚNAÐAR-
RÁÐUNEYTIÐ Umsækjendur um starfið
eru óánægðir með tafir sem urðu á
ráðningarferlinu. FRÉTTABLAÐIÐ/EINAR
FÉLAGSMÁL Gangi áætlun fyrirtæk-
isins Sérfræðingarnir eftir munu
allt að átján einhverfir einstakl-
ingar hljóta þjálfun strax á næsta
ári sem gerir þeim kleift að takast
á við verkefni á almennum vinnu-
markaði.
Fyrirmyndin er Specialisterne í
Danmörku sem hefur vakið heims-
athygli fyrir aðferðir sínar við að
meta og þjálfa einstaklinga á ein-
hverfurófi og útvega þeim síðan
verkefni við hugbúnaðarprófanir
og aðra nákvæmnisvinnu í stór-
fyrirtækjum á borð við Microsoft,
Oracle, Cisco og Lego.
Sérfræðingarnir á Íslandi er
sjálfseignarstofnun sem var stofn-
uð af Umsjónarfélagi einhverfra
og einstaklingum sem hafa áhuga
á að bæta atvinnutækifæri þessa
hóps, að sögn stjórnarformanns-
ins Hjartar Grétarssonar.
„Stór hluti verkefnisins er að
flytja þekkingu frá Danmörku
til Íslands til að þjónusta þessa
einstaklinga, ná samskiptum við
atvinnulífið og ramma inn verk-
efni handa þessum hópi“, segir
Hjörtur.
Leonardo-menntaáætlun ESB
hefur veitt Sérfræðingunum, Þjón-
ustumiðstöð Laugardals og Háa-
leitis og erlendum samstarfsaðilum
styrk sem nægir til að ýta verkefn-
inu úr vör. Þjónustumiðstöðin er
þekkingarstöð í málefnum fatlaðs
fólks og leiðir verkefnið.
Hjörtur segir að tryggja þurfi
rekstur í þrjú til fjögur ár áður
en starfið hefst. „Við þurfum um
tólf milljónir á ári til að borga
fyrir greiningar og þjálfun, en við
vonum að annað verði sjálfbært,“
segir Hjörtur sem vill hætta að
horfa á einhverfu sem fötlun.
SÓLSKINS-
DRENGUR
OG FORSETI
Hér heilsar
Þorkell Skúli
Þorsteinsson
upp á Vigdísi
Finnbogadóttur
við frumsýningu
heimildar-
myndarinnar
Sólskinsdrengur-
inn sem Friðrik
Þór Friðriksson
leikstýrði.
■ Á Íslandi eru tvö þúsund einstaklingar á einhverfurófinu. Þúsund hafa
fengið greiningu; 500 eru líklega eldri en 22 ára. Stór hluti þessara
einstaklinga er atvinnulaus, á örorkubótum eða í störfum þar sem hæfi-
leikar þeirra nýtast ekki. Erlendis eru aðeins sex prósent einhverfra með
atvinnu.
Sérfræðingarnir vilja koma sem flestum í markvissa þjálfun og atvinnu
við hæfi. Bæta þannig líf viðkomandi, minnka atvinnuleysisbætur, örorku-
bætur og fjárhagsaðstoð.
■ Thorkil Sonne, stofnandi Specialisterne, kom í heimsókn til Íslands í
janúar 2009 í boði Umsjónarfélags einhverfra að frumkvæði Margrétar
Dagmarar Ericsdóttur, framleiðanda heimildarmyndarinnar Sólskinsdreng-
urinn, en sagt er frá Specialisterne í myndinni. Hugmyndin að stofnun
Sérfræðinganna átti upphaf sitt í heimsókn hans.
Sólskinsdrengurinn var kveikjan
Nýta eiginleika sem
heilbrigt fólk skortir
Stefnt er á að hópur einhverfra einstaklinga hljóti sértæka þjálfun og síðar
atvinnu hjá fyrirtækinu Sérfræðingarnir. Þjálfunin er að danskri fyrirmynd.
Dæmi eru um einstaklinga með snilligáfu sem hafa setið heima árum saman.
„Reynum að líta til þessara ein-
staklinga út frá styrkleikum þeirra.
Þeir sem geta nýtt sér þjálfunina
eru þeir sem fólk þekkir sem dellu-
karla og geta sérhæft sig umfram
aðra; stundum kallaðir sérvitring-
ar. Þeir geta í framtíðinni leyst
ýmis nákvæmnisverk, í hugbúnað-
argeiranum vissulega en einnig hjá
fjölmörgum öðrum atvinnugrein-
um. Ég þekki til einstaklinga sem
hafa greindarvísitölu upp á 160 til
170 en sitja heima verkefnalausir.
Þetta er vettvangur fyrir verkefna-
lausa snillinga.“
Þeir sem hljóta þjálfun munu fá
vinnu hjá Sérfræðingunum, en fyr-
irtækið tekur að sér verkefni eins
og hvert annað hugbúnaðarhús sem
selur sína þjónustu. „Hins vegar
eru þeir ekki bundnir af því held-
ur nýtist þetta sem stökkpallur út
í lífið.“
svavar@frettabladid.is
FR
ÉT
TA
B
LA
Ð
IÐ
/V
IL
H
EL
M
SPURNING DAGSINS