Fréttablaðið - 04.10.2010, Blaðsíða 11

MÁNUDAGUR 4. október 2010 11
islandsbanki@islandsbanki.is
www.islandsbanki.is
Sími 440 4000
Lækkaðu yfirdráttinnAð greiða niður yfirdráttinn með samningi við
Íslandsbanka er einhver besti sparnaður sem völ er
á því þú lækkar vaxtakostnaðinn svo um munar.
Dæmi*
Yfirdráttur . . . . . . . . . . . . . . . . . . . . 360.000 kr.
Mánaðarlækkun yfirdráttar . . . . . . 15.000 kr.
Fjöldi mánaða . . . . . . . . . . . . . . . . . . . . . . 24
Vaxtakostnaður lækkar vegna þess að yfir dráttur inn
minnkar og vegna þess að vaxtaprósentan lækkar.
Lægri vaxtaprósenta . . . . . . . . . . . . 12.188 kr.
Lækkandi yfirdráttur. . . . . . . . . . . . 43.125 kr.
Sparnaður á tímabili . . . . . . . . . . . 55.313 kr.
Þú færð nánari upplýsingar á islandsbanki.is
og hjá ráðgjafa í þínu útibúi.
* Í dæminu er miðað við að yfirdráttarvextir lækki úr 12,50% í 9,25%.
Þegar þú greiðir niður
yfirdráttinn þá lækkum
við vextina hjá þér
HEILBRIGÐISMÁL Hægt væri að draga úr tilfell-
um geðsjúkdóma ef fyrirbyggjandi aðferð-
um væri beitt, líkt og gert er annars staðar
í heilbrigðiskerfinu. Þetta segir William R.
Beardslee, geðlæknir og prófessor við barna-
spítalann í Boston og læknadeild Harvard-
háskóla.
Beardslee hefur lengi unnið að rannsókn-
um á fyrirbyggjandi aðgerðum og aðferðum
sem tengjast þunglyndi í fjölskyldum. Rann-
sóknirnar hafa sýnt að mögulegt er að koma
í veg fyrir þunglyndistímabil hjá ungu fólki
í meiriháttar áhættuhópum, sem sýna merki
þunglyndis og eiga þunglynda foreldra. Hann
segir að frá því að hann hóf störf árið 1974
hafi verið stöðugar framfarir í þekkingu á því
hvað þurfi að gera og hvað virki. „Nú þarf að
koma þessum aðferðum í umferð sem víðast.
Hvernig getum við gert þetta þannig að allar
fjölskyldur hafi aðgang að þessu?“
Ein aðferð Beardslees, sem nefnist á
íslensku fjölskyldubrúin, er notuð hér á landi
fyrir fjölskyldur þar sem foreldri glímir við
þunglyndi. Meðferðaraðilar hitta fjölskyldur
sex sinnum og svo í eftirfylgni sex mánuðum
síðar.
„Við höfum boðið upp á þetta inni á spítal-
anum, að mestu leyti inni á geðsviðinu,“ segir
Gunnlaug Thorlacius, félagsráðgjafi á Land-
spítalanum. „Við erum pínulítið að færa út
kvíarnar núna og höfum verið að þjálfa upp
fólk á krabbameinsdeildum og beina sjónum
að fólki með alkóhól- og fíkniefnavanda, en að
mestu leyti eru þetta foreldrar með geðsjúk-
dóma.“
Úrræðin takmarkast þó við það að for-
eldrarnir þiggi þjónustu á geðsviði spítal-
ans. „Það er fullt af börnum úti í samfélag-
inu sem eiga foreldra með vægar eða jafnvel
alvarlegar geðraskanir en foreldrarnir þiggja
ekki þjónustu. Nú stöndum við frammi fyrir
því hvernig við getum menntað fólk innan
barnaverndarkerfisins, félagsþjónustunnar,
á heilsugæslunni og á landsvísu sem getur
hjálpað þessum börnum,“ segir Gunnlaug.
Hún segir nauðsynlegt, ekki síst í því ástandi
sem ríki á Íslandi, að veita áhættuþáttum eins
og fátækt athygli. Undir það tekur Beardslee.
„Allir sem vinna í þessu eru mjög meðvitað-
ir um að fátækt verður að veita athygli, meiri
líkur eru á því að börn sem alast upp í fátækt
fái þunglyndi.“ thorunn@frettabladid.is
Mögulegt að koma í veg
fyrir þunglyndi ungs fólks
Með fyrirbyggjandi aðgerðum væri hægt að fækka tilfellum geðsjúkdóma, segir prófessor við læknadeild
Harvard. Fjölskyldumeðferð hans er notuð hér á landi. Börn sem alast upp í fátækt þurfa sérstaka athygli.
Minnismerki afhjúpað
Kvennaband Vestur-Húnvetninga
hefur látið útbúa minningar- og upp-
lýsingaskilti um Vatnsenda-Rósu við
Vatnsenda í Vesturhópi. Var þetta gert
í tilefni af 155 ára dánardegi Rósu.
HÚNAVATNSSÝSLA
EVRÓPUMÁL Tyrkland og Úkraína
ættu að fá svipaða stöðu og Nor-
egur hefur innan ESB, segir Evr-
ópuþingmaðurinn Elmar Brok í
samtali við síðuna Euractiv.
„Evrópska efnahagssvæðið
er ekki lokaðar dyr. Þaðan kom-
ust Svíþjóð, Finnland og Austur-
ríki inn í ESB, og nú er Ísland að
semja úr sömu stöðu um að verða
aðildarríki. Því getur [EES] verið
séð sem lokaskref, en einnig sem
milliskref,“ segir þingmaðurinn.
- kóþ
Þýskur Evrópuþingmaður:
Tyrkland komi í
EES-samstarfið
BEARDSLEE Það var Geðverndarfélag Íslands sem fékk
Dr. Beardslee til landsins, en félagið fagnar sextíu ára
afmæli um þessar mundir. Hann hélt fyrirlestur um
rannsóknir sínar í gær. FRÉTTABLAÐIÐ/VALLI
Lætur af embætti í Noregi
Dagfinn Høybråten, leiðtogi kristilegra
demókrata í Noregi, hefur tilkynnt að
hann muni ekki sækjast eftir endur-
kjöri á landsfundi flokksins næsta
vor. Þá ætlar hann einnig að hætta
á þingi. Hann hefur verið formaður
flokksins síðan árið 2004.
NOREGUR