Fréttablaðið - 04.10.2010, Blaðsíða 46

30 4. október 2010 MÁNUDAGUR
MORGUNMATURINN
„Þetta var algjört rugl. Ég var eig-
inlega plataður út í þetta,“ segir
læknirinn Ragnar Freyr Ingvars-
son, í laufléttum dúr.
Ragnar býr í Svíþjóð, en í Lundi
fer hið árlega Klakamót í fótbolta
fram. Mótið er fyrir íslenska fót-
boltaáhugamenn á Norðurlöndun-
um og í ár tóku 270 manns þátt í
rúmlega 20 liðum. Ragnar hefur
haldið úti vinsælu matarbloggi síð-
ustu ár þar sem hann fer hreinlega
á kostum í eldhúsinu.
„Ögmundur Rúnarsson, fyrrver-
andi markmaður KR er frændi kon-
unnar minnar. Hann sendi mér dul-
arfull skilaboð um hvort ég væri til
í að gefa þeim góð ráð,“ segir Ragn-
ar um upphaf samstarfsins. „Auð-
vitað er það sjálfsagt. Svo þegar
dagsetningin færðist nær hafði
hann meira og meira samband og
þegar á hólminn var komið var eng-
inn annar til að elda.“
Þannig að yfirkokkurinn var ráð-
inn án samráðs við hann sjálfan?
„Já, það má segja það. En þetta
var rosalega skemmtilegt. Glæsi-
legt mót sem þeir skipulögðu,
strákarnir í Þungum hníf, sem er
fótboltalið hérna í Lundi.“
Ragnar hefur látið sér nægja
að elda ofan í fjölskyldu og vini þó
þeir sem hafa lesið bloggið hans
sjái að þar er enginn venjulegur
heimilis kokkur á ferð. Matreiðslan
í Lundi var sú lang umfangsmesta
sem hann hefur tekið að sér, enda
taldi hún 33 langelduð lambalæri,
40 lítra af rjómasveppasósu, 40
bakka af kartöflugratíni og 40 kíló
af salati.
„Ég fékk skánskt lamb. Við ætl-
uðum að reyna að bjarga hingað
íslensku lambi en með þessum fyr-
irvara var það ekki hægt,“ segir
Ragnar. Hann fékk góða aðstoð frá
fótboltamönnum og eiginkonum
þeirra og stóð vaktina sem yfir-
kokkur frá átta um morguninn til
hálf níu um kvöldið –- með stuttum
hléum enda keppti hann með liði
sínu, Tæklandi læknar, á mótinu.
Hann hyggst þó ekki söðla um og
gerast kokkur.
„Ég verð að viðurkenna að ég
ber enn meiri virðingu fyrir kokk-
um eftir þetta – og ég bar helvíti
mikla virðingu fyrir þeim fyrir.
Þetta er fólk sem vinnur alvöru-
vinnu,“ segir Ragnar.
En náði kokkurinn að bragða á
lambinu í látunum?
„Ég náði að grípa tvo bita. Mér
skilst að þetta hafi verið mjög gott.
Þetta eru Íslendingar og marg-
ir með heimþrá. Það komu nokkr-
ir og minntust á ömmur sínar, vel
drukknir og vel klökkir.“
Og aðspurður hvort matreiðslu-
bók sé á leiðinni segist hann hafa
fengið þó nokkrar fyrirspurnir.
„Ég leitaði til útgefenda og fékk þau
svör að þar sem ég er ekki kokk-
ur og ekki frægur þá gengur það
ekki. Þannig að ég hélt bara áfram
að blogga,“ segir Ragnar hress að
lokum.
Matarblogg Ragnars má finna á
slóðinni: ragnarfreyr.blog.is.
RAGNAR FREYR INGVARSSON: ÉG VAR EIGINLEGA PLATAÐUR ÚT Í ÞETTA
Læknir eldaði lamb ofan
í 270 svanga Íslendinga
Trommarinn Arnar Þór Gíslason spilar með fimm
hljómsveitum á Iceland Airwavs-hátíðinni, þar á
meðal rokkurunum í Ham í fyrsta sinn. „Þetta er
stórkostleg upplifun að spila með þessum herra-
mönnum,“ segir Arnar Þór.
Hann mun lemja húðirnar í fjarveru nafna síns
Arnars Geirs Ómarssonar, sem er með gigt og þarf
því að hafa hægt um sig. Arnar Geir ætlar að ein-
beita sér að spilamennsku með Apparat á hátíðinni
en sú sveit er töluvert rólegri en Ham. „Þetta er
svo hátt hjá strákunum og það verður að lemja svo
fast að gigtin fer alveg með hann, þannig að ég létti
undir með honum,“ segir Arnar Þór og er hvergi
banginn við verkefnið. „Ég ætla að gera mitt allra
besta.“ Hann hefur verið aðdáandi Ham lengi og því
er ákveðinn draumur að rætast hjá honum. „Þetta
er geðveikt band.“
Fjöldi annarra verkefna eru fram undan hjá Arn-
ari á Airwaves því á undan Ham-tónleikunum spil-
ar hann með Ensími og þar áður með tengdaföð-
ur sínum Rúnari Þórissyni. „Þetta verður magnað
kvöld. Það verður nóg að gera.“ Ofan á þessi gigg
bætast tónleikar með eiginkonu hans Láru Rún-
arsdóttur og Mugison. Arnar er einnig meðlim-
ur Dr. Spock en sú sveit verður reyndar ekki með
á Airwaves í ár. „Ég hef alltaf spilað með slatta af
hljómsveitum á Airwaves. Þetta hefur oft staðið
tæpt og ég hef oft þurft að hlaupa á milli staða en
það er bara gaman að því.“ - fb
Fimmfaldur Arnar á Airwaves
ARNAR ÞÓR GÍSLASON Það verður nóg að gera hjá Arnari Þór
á Airwaves-hátíðinni. Hann spilar með fimm hljómsveitum á
stuttum tíma. FRÉTTABLAÐIÐ/VALLI
ÁSTRÍÐUKOKKUR Ragnar er læknir sem hefur haldið úti vinsælu matarbloggi síðustu ár.
Íslenska leikkonan Anita Briem mun
leika stórt hlutverk í kvikmyndinni
Elevator eða Lyftunni. Myndin segir
frá níu einstaklingum sem lokast
inni í lyftu og vita að einn þeirra er
með sprengju.
Myndin er byggð á handriti eftir
Marc Rosenberg og skartar meðal
annars hinni margverðlaunuð leik-
konu Shirley Knight. Þó yngri kyn-
slóðin kannist ef til vill ekki við
hana þá hefur Knight tvívegis verið
tilnefnd til Óskarsverðlauna, annars
vegar fyrir kvikmyndina Top of
the Stairs frá árinu 1962 og Sweet
Bird of Youth sem var gerð tveimur
árum seinna og skartaði Paul New-
man í aðalhlutverki. Shirley hefur
jafnframt verið sjö sinnum tilnefnd
til Emmy-verðlauna, meðal annars
fyrir leik sinn í Aðþrengdum eig-
inkonum árið 2006. Hún hlaut þau
hins vegar fyrir leik í NYPD Blue
og Thirtysomething, þáttaraðir sem
nutu mikilla vinsælda hér á landi.
Þá hefur Knight verið tilnefnd í þrí-
gang til Golden Globe-verðlaunanna
og vann þau árið 1996 fyrir leik sinn
í sjónvarpsmyndinni Indictment:
The McMartin Trial.
Greint er frá framleiðslu mynd-
arinnar á vefnum Broadway World.
Þar má sjá aðra leikara myndarinn-
ar sem flestir hafa getið sér gott orð
fyrir sviðs- og sjónvarpsleik og jafn-
an brugðið fyrir í stórmyndum sem
aukaleikarar. Nægir þar að nefna
Waleed Zuaiter sem lék meðal
annars í Sex and the City 2 og
The Men Who Stare at Goats og
John Getz en hann má meðal
annars finna í kvikmyndinni
The Social Network, mynd-
inni um Facebook. - fgg
Anita Briem í hryðjuverkamynd
Í GÓÐUM HÓPI Anita Briem
mun leika á móti Shirley
Knight í nýrri spennumynd.
Knight þessi hefur verið
tilnefnd tvívegis til Óskars-
verðlauna, sjö sinnum til
Emmy-verðlauna og þrívegis til
Golden Globe.
„Mér finnst best að byrja á því
að fá mér glas af vatni og fá
mér svo appelsínusafa og ristað
brauð með osti.“
Sandra Erlingsdóttir, dansari og gull-
smiður.
kíló af lamba-
kjöti voru
elduð ofan í
fótboltakappana svöngu og af
því fékk Ragnar tvo bita.
100
Sýningar í
fullum gangi Sýningardagar
Lau. 2/10 kl. 14 Up
pselt
Sun. 3/10 kl. 14 Up
pselt
Lau. 9/10 kl. 13 ör
fá sæti
Sun. 10/10 kl. 14 ör
fá sæti
Lau. 16/10 kl. 13 ör
fá sæti
Sun. 17/10 kl. 14 ör
fá sæti