Fréttablaðið - 11.10.2010, Blaðsíða 10

10 11. október 2010 MÁNUDAGUR
FJÖLDAVÍGSLA SJÓHERSINS Sjóherinn
á Taívan efndi í vikunni til fjölda-
vígslu liðsmanna sinna, þegar sextíu
yfirmenn í hernum gengu samtímis í
hjónaband. NORDICPHOTOS/AFP
UPPLÝSINGATÆKNI Fyrstu raun-
prófanir heims á notkun inter-
netstaðla (VoIP) í samskiptum
flugumferðar stjórnar við flug-
vélar áttu sér
stað hér á landi
í nýliðnum mán-
uði.
„Ég geri ráð
fyrir því að
eftir nokkur
ár verði þessi
tækni orðin alls-
ráðandi í heim-
inum,“ segir
Hörður Arilíus-
son flug umferðar-
stjóri, sem vann að prófunum. Að
verkefninu standa Isavia, sem
sér um alla flugleiðsögu þjónustu
á íslenska flug umferðar svæðinu,
og fyrirtækin Frequentis og
Northrop Grumman Park Air
Systems.
VoIP er sú tækni sem notuð er
til gagnasendinga yfir internetið.
Slík tækni hefur hins vegar ekki
verið tekin í gagnið í samskiptum
í flugiðnaði þar sem unnið er að
því að sýna fram á að hún stand-
ist alla staðla um öryggi og gæði
í flugi. Prófanirnar sem fram
fóru hér á landi eru þær fyrstu
í heiminum samkvæmt alþjóð-
lega viðurkenndum staðli Euro-
ace (Evrópusamtaka um staðla í
flugtækjabúnaði).
Um borð í flugvélunum er not-
ast við hefðbundna talstöðvar-
tækni, en nýjungin felst í því að
samskiptin eru flutt yfir netið
frá móttökustöð í landi og til
flug umferðar stjórnarinnar. „Við
settum upp platform þar sem við
vorum með á einu neti bæði þessi
hefðbundnu radíó sem við erum
að nota í dag og svo þessa nýju IP-
tækni,“ segir Hörður og kveður
sex móttökustaði fyrir sending-
ar hafa verið prófaða. „Þetta
prófuðum við síðan á móti lifandi
umferð. Þeir voru svo almenni-
legir hjá Icelandair að áhöfn hjá
þeim var í stöðugu sambandi við
okkur allt frá flugtaki í Keflavík
og þar til hún hvarf úr radíódragi
nálægt Færeyjum.“
Hörður segir prófanirnar hafa
tekist vel og niðurstöðurnar lofi
afar góðu varðandi upptöku IP-
staðla í samskiptum flugstjórnar
og flugvéla. Þannig hafi til dæmis
samtöl sem send voru um netið
heyrst betur, án allrar bjögunar
og truflana. „Það er nú bara eins
og þú sért hérna inni í klefanum
hjá okkur, sagði til dæmis einn
flugstjórinn,“ bætir Hörður við.
Helsta kostinn við nýja tækni
segir Hörður samt vera minni
kostnað, sem ætti að skila sér í
lægri fargjöldum á heimsvísu.
Netstaðla segir hann í notkun alls
staðar í heiminum og því sparist
heilmikið við uppsetningu á
tækjabúnaði. „IP-netin eru til úti
um allt, en við höfum bara ekki
mátt fara inn á þau út af því að
ekki var fullreynt hvort þau væru
nógu örugg. Þessar prófanir sýna
fram á að öryggið er nægt.“
olikr@frettabladid.is
HÖRÐUR
ARILÍUSSON
Í FLUGTAKI FRÁ KEFLAVÍK Þota Icelandair hefur sig á loft frá Keflavíkurflugvelli. Vélar
félagsins í áætlunarflugi milli landa tóku þátt í að prófa nýja samskiptatækni við
flugumferðarstjórn í síðasta mánuði. FRÉTTABLAÐIÐ/HEIÐA
IP-staðlar betri lausn í flugi
Með því að taka upp internetstaðla og nota þau fjarskiptanet sem þegar hafa verið byggð upp er hægt að
spara gífurlegar fjárhæðir í flugiðnaði. Prófanir á slíkum samskiptum fóru fram hérlendis og lofa góðu.
SKAGAFJÖRÐUR Sjö starfsmenn á
Héraðsskjalasafni Skagafjarðar
missa vinnuna vegna niðurskurð-
ar á fjárlögum. Þetta kemur fram
á vefnum Nordurlandid.is.
Störfin voru upphaflega sköpuð
sem mótvægisaðgerð við kvóta-
tapi úr byggðalaginu fyrir þrem-
ur árum. Í fyrra var starfsemin
skorin niður um 25 prósent og nú
leggst hún af. - þeb
Niðurskurður í skjalavörslu:
Sjö missa vinn-
una í Skagafirði