Fréttablaðið - 11.10.2010, Blaðsíða 34

11. október 2010 MÁNUDAGUR22
sport@frettabladid.is
RÚRIK GÍSLASON er klár í slaginn og getur spilað með íslenska U-21 liðinu á móti Skotum í kvöld. Rúrik missti
af fyrri leiknum vegna meiðsla sem hann varð fyrir í síðasta leiknum með OB. Eyjólfur Sverrisson landsliðsþjálfari
hefur því úr öllum sínum mönnum að velja fyrir leikinn í kvöld.
Iceland Express karla
Stjarnan-Fjölnir 86-69 (46-41)
Jovan Zdravevski 19 (11 frák.), Justin Shouse 16,
Fannar Freyr Helgason 13, Kjartan Atli Kjartans
son 12 - Ben Stywall 18 (11 frák.), Tómas Heiðar
Tómasson 17, Ægir Þór Steinarsson 15.
Hamar-KR 87-82 (46-41)
Andre Dabney 22, Svavar Páll Pálsson 17 (14
frák.), Ellert Arnarson 16, Darri Hilmarsson 15
- Brynjar Þór Björnsson 24, Marcus Walker 18,
Hreggviður Magnússon 11.
Grindavík-KFÍ 96-87 (54-55)
Andre Smith 28,Ryan Pettinella 17 (21 frák.),
Guðlaugur Eyjólfsson 12, Ármann Vilbergs
son 11, Ómar Örn Sævarsson 10 - Craig Schoen
25 (9 stoðs.), Edin Suljic 21, Carl Josey 13.
Iceland Express kvenna
Haukar-Grindavík 60-36 (33-21)
Íris Sverrisd. 10, Ragna Margrét Brynjarsd. 10,
Gunnhildur Gunnarsd. 9 - Charmaine Clark 16.
Fjölnir-Hamar 73-81 (36-43)
Margareth McCloskey 30, Bergþóra Tómasd. 17,
Erla Sif Kristinsd. 12 - Jaleesa Butler 34 (17 frák.),
Kristrún Sigurjónsd. 16, Slavica Dimovska 12.
Snæfell -Njarðvík 68-77 (37-30)
Jamie Braun 25, Inga Muciniece 16 (17 frák.),
Björg Guðrún Einarsd. 14 - Dita Liepkalne 26 (15
frák.) , Shayla Fields 16, , Ólöf Helga Pálsd. 12.
KR-Keflavík 74-87 (38-47)
Hildur Sigurðard.27 (12 frák./7 stoðs.), Margrét
Kara Sturlud. 16, Guðrún Gróa Þorsteinsdóttir 10
- Jacquline Adamshick 28( 22 frák./6 stoðs.),
Birna Valgarðsdóttir 26, Pálína Gunnlaugsd.15.
N1-deild karla
Haukar - FH 19-28 (12-13)
Mörk Hauka (Skot): Guðmundur Árni Ólafsson
7/5 (8/5), Björgvin Þór Hólmgeirsson 4 (14),
Freyr Brynjarsson 2 (4), Stefán Rafn Sigurmanns
son 2 (7), Þórður Rafn Guðmundsson 2 (4),
Tjörvi Þorgeirsson 1 (2), Heimir Óli Heimis. 1 (3).
Varin skot: Birkir Ívar Guðmundsson 17 (36/1,
47%), Aron Rafn Eðvarðsson 1 (10/2, 10%).
Mörk FH (Skot): Ólafur Guðmundsson 9 (16),
Ásbjörn Friðriksson 6 /2 (10/2), Benedikt
Kristinsson 4 (6), Þorkell Magnússon 2
(2), Ari Magnús Þorgeirss. 2 (4), Atli Rúnar
Steinþórss. 2(3), Logi Geirss. 2/1 (5/1), Sigurgeir
Árni Ægisson 1 (1), Hermann Björnsson (1).
Varin skot: Pálmar Pétursson 17 (36/5, 47%)
N1-deild kvenna
HK-Fram 14-41 (4-17)
Brynja Magnúsdóttir 5 - Stella Sigurðardóttir 12,
Karen Knútsdóttir 9.
Stjarnan-FH 31-30 (20-11)
Esther Viktoría Ragnarsd. 6, Elísabet Gunnarsd. 5,
Jóna Sigríður Halldórsd.5, Jóna Margrét Ragnarsd.
5 - Ragnhildur Rósa Guðmundsdóttir 12, Berglind
Ósk Björgvinsdóttir 5, Ingibjörg Pálmadóttir 5.
Haukar-Valur 16-32 (6-14)
Þórunn Friðriksdóttir 6 - Anna Úrsúla Guð
mundsdóttir 12, Ágústa Edda Björnsdóttir 6.
Fylkir-ÍR 40-14
ÍBV-Grótta 33-25
ÚRSLIT LEIKJA
HANDBOLTI „Ég veit ekki hvort
þeir hafi einhvern tímann tapað
svona stórt hérna,“ var það fyrsta
sem Logi Geirsson sagði eftir 28-
19 sigur FH á Íslands- og bikar-
meisturum Hauka á þeirra eigin
heimavelli á laugardaginn. FH-
ingar fóru illa með erkifjendur
sína í þessum fyrsta Hafnarfjarðar-
slag tímabilsins, tóku frumkvæðið
í upphafi leiks og gerðu síðan út
um leikinn með því að skora sjö
fyrstu mörk seinni hálfleiks og
komast í 20-12. Eftir það var leik-
urinn svo gott sem búinn.
„Þetta var góð vörn, góð sókn,
góð markvarsla og vel stýrt. Var
þetta ekki bara frábær handbolta-
leikur? Haukar eru búnir að ein-
oka þessa öld og hver veit nema
við séum næstir,“ sagði Logi
kátur. Hann tók sjálfur aðeins
fjögur skot utan af velli í leikn-
um og einbeitti sér að því að spila
félagana uppi. Ólafur Guðmunds-
son blómstraði við hlið hans og
var besti maður liðsins í leikn-
um.
„Ég er með nóg af skyttum í
kringum mig og er bara að stýra
leiknum. Þetta er liðsíþrótt og ég
ákvað það fyrir tímabilið að ég
myndi fórna mér á miðjuna í vetur
þar sem ég er ekki kominn í lands-
liðsform í öxlinni. Ég er óðum að
bæta mig og ég ætla að vera kominn
í landsliðið í janúar,“ sagði Logi.
FH-ingarnir fögnuðu sigrinum
vel og félagar Loga tolleruðu hann
meðal annars beran að ofan. „Við
vitum alveg hvað við getum en við
vitum líka alveg að Haukarnir eru
ekki hættir. Þetta er langhlaup og
það má ekki gleyma því. Þetta er
bara annar leikurinn í deildinni og
við verðum að halda einbeitingu.
Þó að við höfum fagnað þessum
sigri eins og við værum heims-
meistarar í dag þá áttum við það
bara skilið. Við spiluðum frábær-
an leik með helling af FH-ingum í
stúkunni,“ sagði Logi.
„Það er alltaf sárt að tapa fyrir
FH og sérstaklega þegar við girð-
um niður um okkur sjálfir,“ sagði
Haukamaðurinn Einar Örn Jóns-
son. „Ég tek það ekki af FH-ingum
að þeir eru með mjög gott lið og
það þarf að nýta sér mistök and-
stæðinganna. Við gerðum aragrúa
af mistökum og þeir voru nógu
góðir til að notfæra sér það að við
vorum ekki nálægt okkar besta
leik,“ sagði Einar. - óój
Logi Geirsson og félagar í FH unnu níu marka sigur á Íslandsmeisturum Hauka á Ásvöllum á laugardaginn:
Áttum skilið að fagna eins og heimsmeistarar
LOGI TOLLERAÐUR Logi Geirsson fór á kostum í fagnaðarlátum FH. FRÉTTABLAÐIÐ/DANÍEL
HANDBOLTI Guðmundur Guðmunds-
son, þjálfari Rhein-Neckar
Löwen, og Dagur Sigurðsson,
þjálfari Füchse Berlin, eru áfram
ósigraðir á tímabilinu.
Füchse Berlin vann 27-24
sigur á Grosswallstadt í gær og
hefur unnið alla sjö leiki tíma-
bilsins. Dagur Sigurðsson sýndi
snilld sína þegar hann tók leik-
hlé rúmum átta mínútum fyrir
leikslok. Grosswallstadt var þá
komið yfir í fyrsta sinn í leiknum.
Dagur öskraði sína menn í gang
í leikhléinu og þeir svöruðu með
því að skora næstu þrjú mörk og
fögnuðu síðan sigri.
Rhein-Neckar Löwen vann
15 marka stórsigur á franska
liðinu Chambery Savoie, 37-22, í
Meistaradeildinni. Guðmundur
Guðmundsson tók við liðinu 23.
september og síðan þá hefur það
unnið alla fimm leiki sína. - óój
Guðmundur og Dagur:
Áfram ósigraðir
Á TOPPNUM Dagur Sigurðsson fagnar
sigri í gær. MYND/NORDIC PHOTOS/BONGARTS
KÖRFUBOLTI „Við reynum að
byggja á þessum sigri,“ sagði
Teitur Örlygsson, þjálfari Stjörn-
unnar, eftir að liðið vann öruggan
sigur á Fjölni í gær. Bæði lið
höfðu tapað leikjum sínum í
fyrstu umferð.
„Við stigum upp í varnar-
leiknum í seinni hálfleik og það
gaf okkur ódýr stig úr hraða-
upphlaupum. Það vantaði meiri
grimmd í liðið í fyrri hálfleik en
þegar hún kom í seinni skildi á
milli,“ sagði Teitur.
„Það var hundfúlt að tapa gegn
KR um daginn. Þó að við höfum
alls ekki átt skilið að vinna þann
leik hefðum við getað stolið
honum. Það er góðs viti að menn
eru bullandi brjálaðir að koma
út úr DHL-höllinni með ósigur
á bakinu gegn liðinu sem spáð
er titlinum. Við eigum rosalega
erfið an leik næst í Keflavík þar
sem Stjarnan tapar venjulega
mjög illa. Nú er bara að gera
okkur klára í þann leik.“ - egm
Teitur Örlygsson:
Stigum upp í
varnarleiknum
TEITUR ÖRLYGSSON Talar sína menn til í
leiknum í gær. FRÉTTABLAÐIÐ/VALLI
KÖRFUBOLTI Hamarsmenn áttu
ótrúlegan endasprett í 87-82 sigri
á meistaraefnunum í KR í Hvera-
gerði í gær. Þegar fimm mínútur
voru eftir var staðan 76-82 fyrir
KR en Hamar skoraði ellefu síð-
ustu stigin í leiknum og tryggði
sér sinn fyrsta sigur í Iceland
Express deildinni í vetur.
Ellert Arnarson og Darri Hilm-
arsson voru í aðalhlutverkum í
hjá Hamri en þeir komu báðir frá
KR fyrir tímabilið. Þeir skoruðu
31 stig saman og þá kom Ellert
Hamri í 85-82 með einni mikil-
vægustu körfu leiksins. - óój
Hamar vann KR í gær:
Skoraði ellefu
síðustu stigin
FÓTBOLTI Í dag fer fram síðari
leikurinn í rimmu U-21 landsliða
Íslands og Skotlands um hvort liðið
komist í úrslitakeppni EM sem fer
fram í Danmörku næsta sumar.
Ísland vann fyrri leikinn heima,
2-1, en mætir Skotum á erfiðum
útivelli í dag.
Eyjólfur Sverrisson landsliðs-
þjálfari var í gærkvöldi að leggja
lokahönd á undirbúning liðsins
fyrir leikinn mikilvæga í dag.
Liðið æfði á Easter Road í Edin-
borg, heimavelli skoska úrvals-
deildarliðsins Hibernian, þar
sem leikurinn fer fram í dag.
„Það er allt eins og það á
að vera,“ sagði hann spurð-
ur um undirbúninginn.
„Það eru allir klárir og
það ríkir mikil til-
hlökkun í hópnum.“
Það á einnig við
um Rúrik Gísla-
son, sem missti
af fyrri leiknum
vegna meiðsla.
Í s l a n d v a r
langtum sterkari
aðilinn í leiknum á
fimmtudaginn og
segir Eyjólfur að
engar stórar áherslu-
breytingar verði í leik
liðsins í kvöld.
„Við munum spila
sama kerfi en vera
aðeins yfirvegaðri í
okkar leik. Við vorum
svolítið grimmir fram á við síðast
og það skildi eftir opin svæði sem
þeir höfðu tækifæri til að nýta sér
og sækja hratt á okkur. Við þurfum
að passa betur upp á að það gerist
ekki,“ sagði hann. „En við ætlum
að sjálfsögðu að sækja af krafti.
Við verðum fljótir að finna væng-
mennina og koma okkur þannig
upp kantana eins og við höfum
verið að gera.“
En leikurinn í dag snýst ekki
aðeins um knattspyrnulega getu
heldur andlegan styrk. Enda er
mikið undir í leiknum – sæti
í úrslitakeppni EM í þessum
aldursflokki.
Búist er við að fimmtán
þúsund manns verði á Easter
Road í kvöld. Stuðningsmenn
Skota eru þekktir fyrir að
láta vel í sér heyra og það
verður sjálfsagt engin
undantekning á því í
kvöld.
„Sjálfum sem leik-
manni fannst manni
ekkert skemmtilegra
en að spila þannig
leiki. Þannig eiga menn
að fara inn í slík verkefni
– með gleði og njóta þess
að spila fyrir framan
áhorfendur sem mikið
heyrist í. Strákarnir
eiga að nota það sem
jákvæða uppbyggingu
fyrir sjálfa sig.“
Eyjólfur er vel
meðvitaður um mikilvægi leiks-
ins þegar talið berst að því. „Við
getum sagt að við séum að skrifa
nýjan kafla í sögu knattspyrnunn-
ar á Íslandi. Ég hef trú á þessu liði.
Þetta er lið framtíðarinnar og leik-
urinn í dag er mikilvægur áfangi í
því að strákarnir hafi trú á því að
þeir geti orðið eitt af bestu lands-
liðum Evrópu í þessum árgangi.
Að þeir geri sér grein fyrir því að
við förum ekki inn í alla leiki sem
litla liðið – heldur líka með þor og
jákvætt hugarfar. Á þessum atrið-
um höfum við byggt okkar lið alla
undankeppnina. Við höfum verið
afar jákvæðir og óhræddir við að
horfa fram á veginn,“ segir Eyj-
ólfur.
Hann segir einnig leikinn einn-
ig skipa stóran sess á sínum þjálf-
araferli. „Jú, hann er sá mikilvæg-
asti á mínum ferli enda enginn vafi
á því að það væri afar stór stund
fyrir Ísland að komast á loka-
keppni stórmóts. Ég er afar stoltur
af þessum strákum. Þeir hafa inn-
byrt mikið af sjálfstrausti og ég
hef fundið að okkar kerfi er sífellt
að verða öflugra. Við erum alltaf
að verða sterkari og sterkari. Þetta
er einfaldlega farið að virka.“
Skrifa nýjan kafla í söguna
Eyjólfur Sverrisson segir leik íslenska U-21 landsliðsins gegn Skotum ytra í dag
vera þann mikilvægasta á sínum þjálfaraferli. Sæti á EM er undir í kvöld.
UNNU FYRRI LEIKINN 2-1 Strákarnir fagna hér sigri í fyrri leiknum á Laugardalsvellinum á fimmtudaginn. FRÉTTABLAÐIÐ/VALLI
Eiríkur Stefán
Ásgeirsson
Skrifar frá Edinborg
eirikur@frettabladid.is