Fréttablaðið - 13.10.2010, Blaðsíða 8
8 13. október 2010 MIÐVIKUDAGUR
VIÐSKIPTI Óvissa ríkir um eignarhald
og fjármögnun vatnsátöppunarverk-
smiðju Iceland Glacier Products á
Rifi á Snæfellsnesi. Verksmiðju-
húsið er fokhelt og var dyragötum
og gluggum lokað fyrir rétt rúmum
mánuði.
Iceland Glacier Products tap-
aði rúmum 118,7 milljónum króna
í fyrra, samkvæmt nýbirtum árs-
reikningi félagsins. Þetta var þriðja
starfsár fyrirtækisins, sem hol-
lenski tannlæknirinn Otto Spork
stofnaði hér á landi. Þrátt fyrir að
framkvæmdir hafi staðið yfir á Rifi
í um þrjú ár er verksmiðjan ekki
nálægt því að geta hafið framleiðslu
á flöskuvatni. Þá hafa tæki til átöpp-
unar ekki verið keypt svo vitað sé.
Spork rak vogunarsjóðinn Sex-
tant Strategic Opportunities í Kan-
ada um nokkurra ára skeið. Það rak
nokkra undirsjóði, sem skráðir eru
á Cayman-eyjum. Sjóðirnir fjár-
mögnuðu byggingu átöppunarverk-
smiðjunnar á Rifi með lánveiting-
um. Þeir breyttu skuldum í hlutafé
á síðasta ári. Við það eignuðust þeir
sextíu prósenta hlut í Iceland Glac-
ier Products. Riambel, fjárfest-
ingarfélag Sporks sem skráð er í
Lúxemborg, á 23,7 prósenta hlut.
Ekki liggur fyrir hver á tæp þrett-
án prósent en hluturinn er skráð-
ur á félagið Hermitage. Félög tengd
Spork eru jafnframt helstu kröfu-
hafar.
Kanadíska verðbréfaeftirlitið
hóf að rannsaka fjármögnunar-
fyrirtæki Sporks fyrir um tveim-
ur árum. Samkvæmt málsgögnum
lögðu í kringum 250 einstaklingar
og aðrir fjárfestar um áttatíu millj-
ónir dala, jafnvirði tæpra níu millj-
arða króna, til fyrirtækis Sporks í
von um væna ávöxtun. Spork mun
hafa tekið sér margar milljónir
dala í þóknunarkostnað, stýrt sjóð-
unum sem um hans eigið sparifé
væri að ræða og hunsað tilkynn-
ingarskyldu til eftirlitsaðila.
Kanadíska verðbréfaeftirlitið
kyrrsetti sjóði Sporks á Cayman-
eyjum og í Kanada fyrir tæpum
tveimur árum. Skiptastjóri í Kanada
vinnur nú að slitum þeirra og leitar
eftir því að selja eignir úr þeim, þar
á meðal átöppunarverksmiðjuna, og
greiða út til sjóðsfélaga. Óvíst er
hvað þeir fá mikið til baka.
Þeir sem Fréttablaðið hefur rætt
við og komið hafa að uppbyggingu
verksmiðjunnar segja flestar áætl-
anir hafa gengið eftir og Spork, sem
hafi sýnt verkinu mikinn áhuga,
ávallt hafa staðið við sitt.
jonab@frettabladid.is
Óvíst um fjármögn-
un vatnsfyrirtækis
Sextíu prósenta hlutur í Iceland Glacier Products sem byggir átöppunarverk-
smiðju á Rifi á Snæfellsnesi heyrir undir skiptastjóra. Forstjórinn er til rann-
sóknar vegna fjársvika í Kanada. Þá er lausafé fyrirtækisins talið uppurið.
Ágúst 2007 – Iceland Glacier
Products semur við Snæfellsbæ um
byggingu átöppunarverksmiðju á
Rifi. Gerir samning við Snæfellsbæ
um nýtingu vatns til 95 ára.
Desember 2008 – Verðbréfaeftirlit
Kanada sakar Otto Spork um að
skálda 730 prósenta gengishækkun
bréfa í fjármögnunarfyrirtækinu
Sextant Capital Management frá í
febrúar 2006. Fjárfestingin á bak
við þessa góðu ávöxtun er tveir
sjóðir, Iceland Glacier Products og
Iceland Global Water 2 Partners,
sem báðir eru skráðir í Lúxemborg.
Saman mynda þeir 92 prósent
eigna Sextant Capital Management.
Sjóðirnir eru sagðir eiga réttindi á
vatni úr jöklum á Íslandi. Sjóðirnir
eru frystir. Otto Spork missir völd
yfir þeim.
Júlí 2009 – Hæstiréttur í Ontario í
Kanada úrskurðar að Sextant Capi-
tal Management og sjóðir á vegum
þess skuli teknir til gjaldþrotaskipta.
Nóvember 2009 – Iceland Glacier
Products áformar að flytja vatn
til ýmissa landa á tankskipum.
Framkvæmdir hefjast að nýju við
framkvæmdir á Rifi eftir tafir í
nokkra mánuði.
Apríl 2010 – Verðbréfaeftirlit Kan-
ada kærir Otto Spork, dóttur hans
Natalie og mág hans Dino Ekon-
omidis ásamt fjórða manni vegna
stórfelldra fjársvika á árunum 2007
til 2008. Spork er skráður til heimilis
í Mosfellsbæ.
Maí 2010 – Framkvæmdir hefjast
á ný við byggingu átöppunarverk-
smiðjunnar.
September 2010 – Verksmiðjuhúsið
á Rifi fokhelt. Lokað fyrir dyragöt
og glugga fyrir veturinn. Óvíst um
framhaldið.
Saga átöppunarverksmiðjunnar á Rifi
VERKSMIÐJAN Framkvæmdir við vatnsverksmiðju Iceland Glacier Products stóðu yfir
í sumar og reis þá límtrésgrind hússins. FRÉTTABLAÐIÐ/PJETUR
1. Hvaða íslenski læknir er á
ferðalagi um Gasa?
2. Hver skoraði bæði mörk u-21
liðsins gegn Skotum í fyrradag?
3. Hvað heitir félag Guðbjargar
Matthíasdóttur sem keypti Lýsi?
1. Sveinn Rúnar Hauksson.
2. Gylfi Þór Sigurðsson.
3. Ívar.
ATVINNUMÁL Íslendingar eru á
meðal þeirra tíu ríkja sem leggja
mest til af erlendu vinnuafli í Nor-
egi. Pólverjar leggja mest til, þar
á eftir Svíar, síðan Þjóðverjar og
Litháar.
Þetta kemur fram í niðurstöðum
könnunar á vegum Eures, sem er
samstarf um vinnumiðlun á milli
ríkja á Evrópska efnahagssvæðinu
(EES). Fram kemur í könnuninni
að þrjátíu prósent einkarekinna
fyrirtækja í Noregi nýti sér erlent
vinnuafl og fjörutíu prósent ríkis-
fyrirtækja og -stofnana. - jab
Margir Íslendingar í Noregi:
Stór hluti af er-
lendu vinnuafli
Foreldraþing SAMFOK
- Allir í sama liði
Fimmtudaginn 14. október n.k. kl. 20 stendur SAMFOK, samtök
foreldra grunnskólabarna í Reykjavík, fyrir foreldraþingi í
Laugalækjarskóla. Þingið er opið öllum skólaforeldrum og öðru
áhugafólki um foreldrasamstarf.
Aðgangur er ókeypis.
Aðalfyrirlesari er Nanna Kristín Christiansen, verkefnastjóri á Menntasviði Reykjavíkur,
sem nýlega gaf út bókina Skóli og skólaforeldrar. Í bókinni segir Nanna frá því hvers
vegna foreldrasamstarf er jafn mikilvægt og raunin er, hvernig samstarfið ætti að vera
og ræðir um hlutverk kennara, foreldra og nemenda í samstarfinu.
Dagskrá:
1. Guðrún Valdimarsdóttir, formaður SAMFOK, setur þingið.
2. Oddný Sturludóttir, formaður Menntaráðs Reykjavíkur, flytur ávarp.
3. Bryndís Jónsdóttir, framkvæmdastjóri SAMFOK, segir frá starfsemi samtakanna.
4. Einar Ólafsson, foreldri, talar um reynslu sína af foreldrasamstarfi út frá
sjónarhorni pabbans
5. Nanna Kristín Christiansen, verkefnastjóri, ræðir almennt um foreldrasamstarf og
kynnir nýútkomna bók sína, Skóli og skólaforeldrar.
6. Umræður og fyrirspurnir
ENDINGAR-
GÓÐ ÞÝSK
GÆÐAVARATILBOÐ
Á PARKETI
Í OKTÓBER!
Á rmú l a 32 · 108 Reyk j a v í k · S ím i 568 1888 · F a x 568 1866 · www .pog . i s
ENDINGAR-
GÓÐ ÞÝSK
GÆÐAVARA
Komdu í heimsókn í Ármúla 32 eða hafðu samband í síma 568 1888.
Við hjálpum þér að finna réa gólfefnið.
ERUM MEÐ FRÁBÆR TILBOÐ Á VIÐARPARKETI
OG ÞYKKU 8 MM PLASTPARKETI.
Á meðan birgðir endast.
Þriggja stafa eikarparket
og hágæða undirlag.
Verð 3.950 kr. m2
A
ug
lý
si
ng
as
ím
i
LÖGREGLUMÁL Hvítasunnukirkjan
hefur krafið fyrrverandi fram-
kvæmdastjóra bóta, en sá hefur
játað að hafa dregið sér rúmar 25
milljónir króna á sex ára tímabili.
Í frétt á Vísi.is kom fram að
upphæð undanskotanna nemi um
þriðjungi af öllum sóknargjöld-
um síðustu sex ára, en þar sagði
framkvæmdastjórinn fyrrverandi
einnig að óvíst væri að hann gæti
endurgreitt upphæðina. Hann tjáði
sig ekki um til hvers hann notaði
milljónirnar.
Í tilkynningu frá Hvítasunnu-
kirkjunni segir að málið hafi komið
upp vegna ábendinga um misræmi
í bókhaldi, en fjárdrátturinn sé
mikið áfall fyrir kirkjuna, starfs-
menn hennar og safnaðarmeðlimi.
Framkvæmdastjóranum var
þegar vikið úr starfi, en í yfirlýs-
ingunni segir að líklega hafi árs-
reikningar á umræddu tímabili
verið byggðir á misvísandi gögn-
um gagngert í því skyni að fela
fjárdráttinn. Þannig hafi réttum
fjárhagsupplýsingum skipulega
verið haldið frá endurskoðanda,
sem hafi unnið ársreikninga sam-
kvæmt bestu vitund.
Stjórn Hvítasunnukirkjunnar
harmar málið og biður alla safn-
aðarmeðlimi afsökunar á að þetta
hafi gerst. - þj
Hvítasunnukirkjan krefur fyrrum framkvæmdastjóra bóta eftir fjárdrátt:
Segir ekki til hvers þýfið var notað
FÓRNARLÖMB FJÁRDRÁTTAR Hús Hvíta-
sunnusafnaðarins Fíladelfíu.
FRÉTTABLAÐIÐ/E.ÓL.
VEISTU SVARIÐ?