Fréttablaðið - 13.10.2010, Blaðsíða 14

14 13. október 2010 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Nú er mikið fjallað um komandi stjórn-lagaþing og væntanlega yfirferð á
stjórnarskrá Íslands. Í því ljósi hefur mér
verið hugsað til orðsins borgari sem á
ensku er orðið „citizen“. Lagt er mikið upp
úr því að vera borgari í lýðræðisríkjum í
hinum vestræna heimi. Fjallað er um rétt-
indi borgaranna gagnvart stjórnvöldum og
réttindin varin í stjórnarskrá viðkomandi
landa. Við þekkjum ákallið í amerískum
bíómyndum að einhver segist vera „US cit-
izen“ eða bandarískur borgari og eigi þar
af leiðandi sjálfkrafa rétt á ýmsum rétt-
indum og úrræðum í þeim aðstæðum sem
viðkomandi er staddur í. Allir virðast upp-
lýstir um að þeir eigi einhver réttindi gagn-
vart afskiptum stjórnvalda af þeirra lífi.
Engar spurningar eða þras, viðkomandi
hefur réttindi hvort sem það er gagnvart
löggæslumönnum, lánardrottnum eða full-
trúum stjórnvalda. Enginn á að geta gengið
á grunnrétt borgaranna við það eitt að eiga
viðskipti sín á milli, sé það gert á sann-
gjarnan hátt og tekið sé tillit til aðstöðum-
unar hverju sinni.
Nú hefur átt sér stað forsendubrestur á
Íslandi í kjölfar bankahrunsins. Allir finna
fyrir því á einhvern hátt. Vöruverð hefur
rokið upp, eignir hafa hrapað í verði, lán
hafa stökkbreyst, skattar hækkað og opin-
ber gjöld verið hækkuð. Það er staðfest að
kaupmáttur hefur rýrnað að meðaltali um
15% á einu ári. Það er vegið að grunnrétti
þínum sem borgara, t.d. með því að sumir
fá að halda sínum kröfum til fullnustu á
meðan aðrir þurfa að sjá á eftir eigum
sínum. Þetta er ekki sanngjarnt ástand þar
sem forsendubrestur hefur átt sér stað. En
svo rann upp fyrir mér ljós. Að vera borg-
ari á Íslandi þýðir að vera sá sem borgar.
Þú, kæri lesandi, ert borgari og skalt
borga. Borgaraleg réttindi (rétturinn til að
fá borgað) liggja öll hjá fjármagnseigend-
um. Við þurfum kannski ekki stjórnlaga-
þing eftir allt saman, heldur betri skilning
hjá stjórnvöldum á orðinu borgari.
Að vera borgari
Efnahagur
Íslands
Guðlaugur G.
Sverrisson
borgari og
fyrrverandi
stjórnarformaður
Orkuveitunnar.
Lagt er mikið upp
úr því að vera
borgari í lýðræðis-
ríkjum í hinum
vestræna heimi.
Hamingjuóskir forsetans
Íslenska landsliðið í fótbolta, skipað
leikmönnum um og yfir tvítugu, er
komið á stórmót eftir tvo frækilega
sigra á frændum okkar í Skotlandi.
Það er glæsilegur árangur, sem sann-
aðist best á því að forseti lýðveldisins
hljóp til og sendi liðinu hamingjuóskir
að bragði. Enn láta árnaðaróskir til
nýs friðarverðlaunahafa Nóbels
þó á sér standa. Sá heitir Liu
Xiaobo og situr sem kunnugt er í
kínversku tukthúsi fyrir pólitísk
skrif. Forsetinn hefur látið
nægja, í bréfi til íslenskra
fjölmiðla, að ítreka gamlar
yfirlýsingar um að mann-
réttindi skuli virt í hvívetna.
Tíminn er eins og jarðvarminn
En þótt Xiaobo sé þegn ríkis sem
Ólafur þekkir eins og handarbakið á
sér gæti skáldið vissulega gert meira
til að vekja athygli forsetans. Hann á
að vísu óhægt um vik með að vinna
sér sæti í íslensku íþróttalandsliði,
en hann hefur hins vegar, að því er
best er vitað, ekki heldur skrifað eitt
einasta ljóð um ágæti endurnýjan-
legra orkugjafa.
Rétti maðurinn í djobbið
Jón Bjarnason verður seint
sakaður um að hygla
pólitískum samherjum
sínum. Jón hefur ráðið
tvo menn til starfa í
sjávarútvegs- og landbúnaðarráðu-
neytið svo eftir hafi verið tekið:
Guðjón Arnar Kristjánsson og Bjarna
Harðarson. Athygli vekur að báðir eru
fyrrverandi þingmenn annarra flokka
en ráðherrans. Ráðning Bjarna í starf
upplýsingafulltrúa var tilkynnt í gær.
Varla hefur það skaðað að hann er
nýorðinn varabæjarfulltrúi Vinstri
grænna í Árborg. Bjarni var valinn úr
stórum hópi umsækjenda
og engin ástæða er til að
efast um hæfni bóksalans í
starfið. Hann hefur sýnt að
hann er fullfær um að
senda fjölmiðlum
tölvupóst.
stigur@frettabladid.Í
slenska þjóðin hefur eignast nýtt uppáhald. Ungmennalands-
liðið okkar í karlaknattspyrnu hefur skipað sér á bekk með
kvennalandsliðinu. Það leikur, ásamt sjö öðrum liðum, í loka-
keppni Evrópumótsins í Danmörku á næsta ári.
Meðal þátttakenda verða heimamenn, Englendingar, Spán-
verjar og Tékkar en margar merkar knattspyrnuþjóðir sitja eftir
heima. Hvorki Svíar né Norðmenn komast áfram. Þjóðverjar verða
ekki með. Heldur ekki Portúgalar, Hollendingar, Ítalir, Rússar eða
Frakkar. En Ísland er með. Litla, fámenna Ísland.
„Þetta var bara fáránlegt. Ég vissi að hann færi beint upp í Sam-
úel – ég hitti hann svo vel,“ sagði
Gylfi Þór Sigurðsson við Frétta-
blaðið um síðara mark sitt í leikn-
um gegn Skotum í fyrrakvöld.
Samúel þýðir samskeytin.
Markið var sannkallaður
þrumufleygur, alveg eins og
fyrra mark Gylfa í leiknum og
alveg eins og mörkin tvö í fyrri
leiknum gegn Skotum á Laugardalsvellinum. Íslenska landslið-
ið er allt í einu orðið þekkt fyrir þrumufleyga. En ekki bara þá.
Það er léttleikandi, leikmenn þess geta sólað sig í gegnum varnir
andstæðinganna eða leikið þær grátt með samspili.
Allt er þetta nýtt fyrir okkur sem fylgjumst með. Ný kynslóð
knattspyrnumanna leikur allt öðru vísi fótbolta en þær eldri. Í
fyrsta sinn í íslenskri knattspyrnusögu er leikið í samræmi við
máltækið góða; sókn er besta vörnin. Í fyrsta sinn er líka gengið til
leiks með sigurþrá í brjósti. Aldrei áður höfum við heyrt leikmenn
segja fyrir leik að þeir ætli að vinna hann og séð á þeim að þeir
meina það.
Oftast hefur viðkvæðið verið að vera með. Íslenska A-landslið-
ið hefur viljað mæta stórþjóðum í forkeppnum stórmóta til að fá
tækifæri til að leika gegn bestu fótboltamönnum heims. Forysta
knattspyrnusambandsins hefur vonast eftir því sama til að fá sem
flesta á völlinn til að berja útlendu snillingana augum.
Ljóst er að þetta hugarfar heyrir sögunni til þegar leikmenn ung-
mennaliðsins fylla hvert sæti A-liðsins. Nýir tímar eru að renna
upp.
Þessir miklu hæfileikar ungu fótboltamannanna okkar fengust
ekki með lýsinu einu saman. Að baki býr þrotlaus þjálfun frá unga
aldri sem var möguleg vegna fótboltahúsanna. Gervigraskynslóð-
in er vaxin úr grasi. Ekkert bendir til annars en að þetta sé það
sem koma skal. Þessar gjörbreyttu aðstæður til æfinga gera það
að verkum að full innistæða er fyrir kröfum um árangur, líkt og
gerðar hafa verið til íslenskra handboltalandsliða.
Ef að líkum lætur mun ríkja fótboltaæði á Íslandi þegar loka-
keppnin fer fram næsta sumar. Gylfi, Rúrik, Kolbeinn, Almar,
Jóhann og allir hinir strákarnir verða fjölskylduvinir á hverju heim-
ili og þjóðin mun senda þeim hlýja strauma yfir hafið. Sama verður
uppi á teningnum þegar handboltalandsliðið leikur á heimsmeistara-
mótinu í janúar. Þjóðin sameinast í stuðningnum. Slíkar stundir eru
mikilvægar. Við gerumst sérfræðingar í leikkerfum og hættum á
meðan að velta okkur upp úr stjórnmálunum og ástandinu. Og tölum
um samskeyti sem Samúel, eins og ekkert sé eðlilegra.
Íslenska karlaknattspyrnulandsliðið undir 21 árs
aldri er komið á stórmót í fyrsta sinn.
Samúel
SKOÐUN
Björn Þór
Sigbjörnsson
bjorn@frettabladid.is
Stundaskrá
14.10 kl. 13:00 - 16:00 Starfsþróunarsamtöl
20.10 kl. 13:00 - 16:00 Hæfnistjórnun og stjórnun með hugbúnaði
28.10 kl. 13:00 - 17:00 Verkefnastjórnun skv. ISO 9001 og PRINCE2
03.11 kl. 13:00 - 16:00 Gerð og skipulag handbóka
11.11 kl. 13:00 - 17:00 Gerð verklagsreglna I
16.11 kl. 13:00 - 17:00 Skjalastjórnun skv. ISO 15489
GÆÐASTJÓRNUNARSKÓLINN
Skólinn býður upp á námskeið í gæða-, skjala-,
verkefna- og mannauðsstjórnun. Námskeiðin
eru stutt og hnitmiðuð, auka skilvirkni í stjórnun
og byggja á þverfaglegri aðferðafræði.