Fréttablaðið - 22.11.2010, Blaðsíða 36
20 22. nóvember 2010 MÁNUDAGUR20
menning@frettabladid.is
Sýning á verkum hönnuðarins
Chuck Mack var opnuð í sýningar-
sal Kraums í Aðalstræti fyrir
helgi. Á sýningunni er aðaláhersla
lögð á búkkaborð fyrir verslanir
verslanir og sýningarsali. Borðin
er líka hægt að panta í öðrum
stærðum og henta fyrir skrif-
borð, matarborð, sófaborð og svo
framvegis.
Hugmyndin að búkkaborðun-
um var upphaflega lögð fram á
hönnunarmarsinum í Reykjavík á
þessu ári og vakti nokkra athygli.
Síðan þá hefur Chuck þróað búkk-
ana enn frekar, en þeir eru smíð-
aðir af honum og Leifi Ebenezer-
syni, húsgagnaarkitekt og smið á
smíðaverkstæðinu Arbor.
Chuck Mack er bandarískur
en hefur búið á Íslandi um hríð.
Hann hlaut meðal annars alþjóð-
legu hönnunarverðlaunin Red Dot
árið 2008 fyrir borðið Table 29 og
var tilnefndur fyrir það borð til
menningarverðlauna DV í flokki
hönnunar sama. Þá er hann hönn-
uður gíraffastólsins.
Sýningin í Kraumi stendur til
27. nóvember.
Kraumandi búkkaborð til sýnis
P.o. Box 126 ::: 121 Reykjavík ::: Sími 546 1984 ::: info@1984.is ::: www.1984.is
Hýsing og lén - allt á einum
stað fyrir eitt lágt verð.
628 kr./mán.*
*Miðað við 3 ára hýsingarsamning
– Lifið heil
www.lyfja.is
ÍS
L
E
N
S
K
A
/S
IA
.I
S
/L
Y
F
5
21
65
1
1/
10
ÍS
L
E
N
S
K
A
/S
IA
.I
S
/L
Y
F
5
1
6
2
6
0
9
/1
0
Þjónustan er veitt virka daga frá kl. 8 til 17.
Veitum ýmsa sérhæfða þjónustu, m.a. ráðgjöf
við val og notkun á vörum fyrir sykursjúka.
Láttu okkur mæla blóðsykurinn.
Hjúkrunarþjónusta
í Lyfju Lágmúla
Bækur ★★★
Þóra biskups og raunir ís-
lenskra embættismanna
Sigrún Pálsdóttir
JPV útgáfa
Þóra Pétursdóttir Thoroddsen, bisk-
upsdóttir og jarðfræðingsfrú, var
undirritaðri með öllu ókunn fyrr
en fréttir fóru að berast af bók Sig-
rúnar Pálsdóttur sagnfræðings um
hana. Bókin vakti forvitni og virtist
kjörið tækifæri til að gægjast inn
í daglegt líf reykvískrar borgara-
stéttar á seinni hluta nítjándu aldar
og í upphafi þeirrar tuttugustu.
Það var því töluverð eftirvænting í
gangi þegar lesturinn hófst.
Þóra bókarinnar er yngri dótt-
ir biskupshjónanna Péturs Péturs-
sonar og Sigríðar Bogadóttur,
forréttindafrauka og dekurbarn,
augasteinn föður síns og flestra
hugljúfi. Líf hennar á yngri árum
einkennist af gestamóttökum,
ferðalögum, hugsunum um föt og
stráka, bréfaskriftum og bréf-
legu trúnó við vinkonurnar. Hún
er kynnt til sögunnar sem nokk-
urs konar „it girl“ Reykjavíkur
þess tíma og tilfærð orð erlendra
merkisgesta því til stuðnings.
Greind hennar og glettni er tíund-
uð og margítrekað að hún komi
fyrir sjónir sem evrópsk stúlka af
góðum ættum, ekki lágkúrulegur
Íslendingur.
Grundvöllur bókarinnar er
sendibréf. Flest eru þau frá Þóru
Séð og heyrt anno 1874
Á RÖKKURMIÐUM Sýnilegt myrkur: frásögn um vitfirringu heitir nýjasta Lærdómsrit Hins íslenska bókmenntafélags. Í
henni fjallar bandaríski rithöfundurinn William Styron um glímu sína við þunglyndi. Uggi Jónsson þýðir en Einar Már Guðmunds-
son ritar inngang.
Kammerkórinn Schola cant-
orum heldur aðventutónleika í
Dómkirkjunni í Köln 3. desem-
ber næstkomandi. Dómkirkjan í
Köln er meðal stærstu dómkirkja
í heimi og kvað þetta vera í fyrsta
skipti sem íslenskur kór heldur
þar tónleika.
Áður en kórinn heldur utan
gefst íslenskum tónlistarunn-
endum tækifæri til að hlýða á
hann flytja sömu efnisskrá í
Hallgrímskirkju, á fyrsta sunnu-
degi í aðventu eftir viku. Yfir-
skrift tónleikanna er „Aðventan
og María“ og samanstendur af
úrvali aðventumótetta frá endur-
reisnartímanum og íslenskri kór-
tónlist aðventunnar.
Átta söngvarar úr Schola cant-
orum taka þátt í tónleikunum í
Kölnardómkirkju og Hallgríms-
kirkju, þau Kirsten Erna Blön-
dal og Margrét Sigurðardóttir
sópran, Guðrún Edda Gunnar-
dóttir og Sólveig Samúelsdóttir
alt, Guðmundur Vignir Karlsson
og Örn Arnarson tenór og Bene-
dikt Ingólfsson og Hafsteinn Þór-
ólfsson bassi. Stjórnandi er Hörð-
ur Áskelsson, sem hefur stýrt
kórnum frá stofnun árið 1996.
Schola cantorum hefur gefið út
tvo hljómdiska á ferlinum. Árið
2006 var hann útnefndur tónlistar-
hópur Reykjavíkur og ári síðar
var hann tilnefndur til Tónlistar-
verðlauna Norðurlandaráðs.
Schola cantorum í
Kölnardómkirkju
SCHOLA CANTORUM Er fyrsti íslenski kórinn til að halda tónleika í Kölnardómkirkju,
einni stærstu dómkirkju heims.
BÚKKABORÐ Á sýningunni í Kraumi heldur Chuck Mack áfram að vinna með búkka sem vöktu athygli á Hönnunarmarsinum á
þessu ári. Á myndinni til hægri er Mack ásamt Leifi Ebenezersyni, samstarfsmanni sínum. FRÉTTABLAÐIÐ/STEFÁN
sjálfri en einnig er vitnað í bréf
fjölda annarra og skrif um Ísland
í erlendum bókum. Flestar tilvitn-
anir í bréfin eru á léttum nótum,
snúast um stáss og tilstand, skot
og slúður og eru bráðskemmtilegar
aflestrar. Þó fer ekki hjá því að
lesandinn sakni þess að kynnast
fleiri hliðum á þessari konu. Hvar
er þessi annálaða greind hennar
og samræðulist? Hefur hún ekki
önnur áhugamál en tildur, tísku,
skemmtanir og stráka?
Seinni hluti bókarinnar kynnir
sem betur fer til sögu öllu ábyrgðar-
fyllri Þóru. Hún er ein af stofn-
endum Thorvaldsensfélagsins,
giftist góðum manni, Þorvaldi
Thoroddsen jarðfræðingi, eignast
barn og fer að búa, fær ódrep-
andi áhuga á íslenskri handmennt
og gerist ötull talsmaður hennar
erlendis. Áfram heldur hún þó að
lifa í vellystingum, ferðast á milli
stórborga og hressingarhæla,
kynnast andans fólki og safna
upplýsingum um íslenska hand-
mennt í gegnum aldirnar. Hún
er hlynnt kvenfélögum, að því er
virðist helst til að útbreiða boðskap
um hannyrðir, en sér ekki nokkra
ástæðu til að stofna kvenréttinda-
félög. Lystisemdalífið er þó ekki án
þyrna. Sorgin er handan við hornið
og tilveran gránar.
Bókin er bráðskemmtileg
af lestrar. Sigrún er skemmtilegur
stílisti með gott auga fyrir
skondnum hliðum söguefnisins, en
virðist ganga út frá því að lesand-
inn þekki sögu þessa tímabils út í
hörgul og rétt tæpir á stór málum
tímans eins og Skúlamálinu og
landshöfðingjahneykslinu í fram-
hjáhlaupi. Þannig kynnist lesandinn
rétt yfirborðinu á lífi reykvískrar
borgarastéttar og er í raun ósköp
litlu nær um það hvaða kona Þóra
Pétursdóttir var að lestri loknum.
Hvarflar að manni að svona myndu
ævisögur samtímafólks okkar líta
út eftir hundrað ár ef sagnfræðing-
ar styddust einungis við fásagnir
Séð og heyrt af lífi þess. Það yrðu
þó án efa stórskemmtilegar ævi-
sögur á sama hátt og sagan af Þóru
biskups er. Friðrika Benónýsdóttir
Niðurstaða: Stórskemmtileg og vel
stíluð saga en dálítið ágripskennd og
sjónarhornið þröngt.