Kylfingur - 01.05.2006, Page 21

Skýrsla Básanefndar 2005
Æfingasvæðið í Básum er eitt stærsta verk sem Golfklúbbur
Reykjavíkur hefur ráðst í á undanförnum árum. Framsýnir
menn við stjórn klúbbsins réðust í verkið og sýndist sitt hverj-
um við upphaf þess. Strax á fyrsta starfsári Bása, sem var þó
ekki heilt, voru merki á lofti þess efnis að vel hefði til tekist.
Fyrsta heila starfsár Bása er mjög í takt við þá góðu byrjun
sem Básar hlutu. Notkun hefur aukist mánuð fyrir mánuð allt
frá opnun og við teljum okkur enn eiga heilmikið inni.
Ekki hefur verkefnið gengið alveg áfallalaust fyrir sig. Eins
og þeir sem leggja leið sína í Bása reglulega vita, hefur reynst
nokkur vandi að fá vatnið til þess að renna þangað sem því
er ætlað, þ.e til sjávar. Síðastliðinn vetur var farið í nokkuð
umfangsmiklar framkvæmdir sem fólust í því að leggja gervi-
gras á stóran hluta svæðisins. Flefur sú aðgerð tekist mjög
vel og tryggt að hægt er að nýta Bása næstum alla daga árs-
ins.
Stefnt að fyrsta flokks þjónustu
Ávallt skal stefnt að því að sú upplifun að æfa við Bása sé
fyrsta flokks. Boltar hafa verið og munu verða endurnýjaðir
mjög reglulega. Nú fer bráðum að koma að endurnýjun á
mottum til þess að tryggja þessa upplifun. Þá hefur mikil
vinna verið lögð í kennsluaðstöðu Bása, en þar er nú gríðar-
lega fullkomin búnaður til þess að mynda og greina sveiflu
kylfinga.
Viðskiptavinir Bása
Allt frá fyrsta starfsdegi Bása hefur verið lögð á það áhersla
að þetta sé æfingasvæði fyrir alla sem þangað vilja sækja.
Þetta var gert að þeirri einföldu ástæðu að undirrituðum er
ekki kunnugt um neinn golfklúbb í heiminum sem hefur á að
skipa jafn stóru og glæsilegu æfingasvæði og Básar eru. Það
var því Ijóst frá upphafi að leita þyrfti á stærri mið en félagar
Golfklúbbs Reykjavíkur eru. Þetta hefur reynst góð stefna. Af
þeim tæplega 6.000 skráðu viðskiptavinum Bása, eru aðeins
tæplega 1.500 eða um 25% félagar í Golfklúbbi Reykjavíkur.
Stefna ber að því áfram að laða að Básum nýja viðskiptavini
og gera upplifun þeirra þannig að þeir vilji sækja þangað aft-
ur og aftur.
Slegnir boltar
Eins og áður sagði hefur gengið vel á árinu í Básum. Slegnir
hafa verið um 6.000.000 bolta og eru tekjur GR vegna þessa
ríflega 37 milljónir króna. Vöxtur er nokkuð stöðugur, en sem
dæmi má nefna að í september í ár voru 10% fleiri boltar
slegnir en í september í fyrra og nú þegar nóvember er ekki
enn liðinn hafa þegar verið slegnir fleirri boltar en allan mán-
uðinn í fyrra. Útlitið er því bjart í Básum.
Grafarkotsvöllur
Á næsta ári mun æfingasvæðið við Bása verða enn glæsi-
legra. Þá verður opnuð risastór púttflöt og stórglæsilegur
æfingavöllur, Grafarkotsvöllur. Nú þegar hefur verið lokið
að tyrfa svæðið og stefnt að opnun í júní á næsta ári.
í nefndinni árið 2005 voru Björn Víglundsson, formaður,
Rafnar Hermannsson, Jón Karl Ólafsson og Jón Pétur Jóns-
son.
f.h. Básanefndar,
Björn Víglundsson.
Nafn? Guðlaugur Guðmundsson
Aldur? Fæddur 04/03/1951
í GR síðan? Nánast óslitið síðan 1979 ef
ég man rétt
Forgjöf? Ætli
hún sé ekki 19
núna
Slæsari eða húkk-
ari? Hvoru-
tveggja hefur nú
hrjáð mig frá
einum tíma til
annars, en ætli
slæsið hafi nú
ekki hrjáð mig
meira
Sullari eða þrípúttari? Það er nú misjafnt,
en stundum er eins og allt sullist nið-
ur, en í annan tíma gengur ekkert. Ég
held þetta tengist ekki bara dagsform-
inu á pútternum, heldur tengist þetta
miklu frekar því hvernig maður er að
slá inná. Ef maður er í góðu formi á
járnunum og slær vel inná þá er mað-
ur sjálfkrafa að gefa sér meiri séns í
púttunum
St. Andrews eða Augusta National? Ég held
að ég verði að segja Augusta National.
Mér finnst skemmtilegra að spila golf í
Bandaríkjunum en í Skotlandi
Erfiðasta höggið í golfi? Innáhögg yfir
vatn
Uppáhaldsbraut á völlum GR? Það er erfitt
að gera uppá milli, en ætli ég verði
ekki að nefna fjórðu á gamla Grafar-
holtsvellinum
Uppáhaldsvöllur? Gamli Grafarholtsvöll-
urinn
Skemmtilegasti kylfingurinn? Ég held
mikið uppá Sergio Garcia, en auðvitað
er erfitt að nefna uppáhalds golfara án
þess að nefna Tiger Woods
Draumahollið? Ég sjálfur, Jón Þ. Hilm-
arsson, Árni Tómasson og Guðmundur
Frímannsson
Markmið í golfinu? Spila mér til ánægju
og hafa gaman af þessu. Svo má for-
gjöfin gjaman lækka í framhaldinu
Holl ráð fyrir golfið? Slappa af og hafa
gaman af þessu
Ertu í golfklíku og ef svo er, hver er hún?
Nei
Ég held með? Sergio Garcia
Að vera í GR er? Einskær ánægja.
KYLFINGUR 17