Fréttablaðið - 06.12.2010, Blaðsíða 8
8 6. desember 2010 MÁNUDAGUR
SKÓLAMÁL Jafnréttisverkefnið Jafn-
rétti kynjanna frá landnámi til
vorra daga hefur verið kynnt fyrir
kennurum í ýmsum grunnskólum í
Reykjavík undanfarið, meðal ann-
ars í Selásskóla og Langholtsskóla.
Markmiðið er að kynna nýstárleg-
ar aðferðir til að vinna á úreltum
hugmyndum um hlutverk kynj-
anna, sem fyrirfinnast enn meðal
skólabarna.
Nýverið birtust niðurstöður sam-
norrænnar könnunar sem leiddi í
ljós að víða er pottur brotinn þegar
kemur að viðhorfum íslenskra
unglinga í jafnréttismálum kynj-
anna. Þar kom í ljós talsverð fylgni
við úreltar staðalhugmyndir um
hlutverk kynjanna.
Í umfjöllun Fréttablaðsins um
könnunina var rætt við félagsfræð-
ing sem sagði að lausnin fælist í
meiri fræðslu í jafnréttismálum og
þyrfti í raun að flétta slíka fræðslu
inn í allt nám á grunnskólastigi.
Það felst einmitt í jafnréttisverk-
efninu, sem þær Sigurbjörg Hall-
grímsdóttir og Unnur Gunnarsdótt-
ir, kennarar við Vogaskóla, standa
fyrir með stuðningi Mannrétt-
indaskrifstofu Reykjavíkurborg-
ar. Þar eru jafnréttismál samtvinn-
uð Íslandssögu og íslenskukennslu
grunnskóla á skemmtilegan hátt,
þar sem nemendur vinna fjölbreytt
verkefni tengd sögu og landi.
Sigurbjörg segir í samtali við
Fréttablaðið að þær hafi farið víða
um land með verkefnið og alls stað-
ar fengið góðar viðtökur.
„Það sem við erum að benda
öðrum kennurum á er að það er
hægt að nota þetta verkefni í öllum
aldurshópum og það er hægt að
koma þessu jafnréttisverkefni inn
í allt námsefni. Þannig að í stað
þess að gera sérstakt fag eigum
við að setja þetta inn í allt sem við
gerum.“
Verkefnið má rekja aftur til
2008 þegar menntamálaráðuneyt-
ið, Jafnréttisstofa og fleiri stóðu
fyrir átaki í völdum skólum þar
sem unnin voru tilraunaverkefni á
sviði jafnréttismála.
„Nokkur munur var á viðhorfi
drengja og stúlkna í upphafi verk-
efnisins. Gerð var könnun á vegum
Jafnréttisstofu á viðhorfi barnanna
fyrir og eftir að þau tóku þátt í
verkefninu og niðurstöður sýndu
umtalsverða breytingu á viðhorfi
þeirra gagnvart hlutverkum kynj-
anna. Það á eftir að skila sér þegar
fram í sækir,“ segir Sigurbjörg.
Framlag þeirra hlaut góðan
hljómgrunn og hafa þær farið víða
um land með verkefnið og vonast
til að fara enn víðar.
thorgils@frettabladid.is
Börn læra
um jafnrétti
Jafnréttisverkefni í grunnskólum landsins tekst á við
úrelt kynjaviðhorf í hópi barna og ungmenna. Flétta
fræðslu inn í almennt námsefni um sögu og íslensku.
Vilja auka jafnréttisfræðslu frá leikskólaaldri og upp úr.
JAFNRÉTTISFRÖMUÐIR Þær Sigurbjörg Hallgrímsdóttir og Unnur Gunnarsdóttir hafa
sett saman verkefni sem stuðlar að bættu jafnréttisviðhorfi grunnskólabarna.
FRÉTTABLAÐIÐ/VALLI
Þær Sigurbjörg og Unnur hlutu á síðasta ári, ásamt Vogaskóla, hvatningar-
verðlaun menntaráðs Reykjavíkur fyrir jafnréttisverkefnið sitt.
Það hefur síðan verið kynnt um land allt og hvarvetna fengið góðar
undirtektir.
Fengu hvatningarverðlaun
DÓMSMÁL Tæplega þrítugur
karlmaður hefur verið dæmd-
ur í þriggja mánaða langt fang-
elsi fyrir líkamsárás, húsbrot og
eignaspjöll.
Atvikin áttu sér stað í desem-
ber í fyrra. Maðurinn kom heim
til fyrrverandi sambýliskonu
sinnar, sem ekki vildi hleypa
honum inn. Hann sparkaði þá
í dyrastaf útidyrahurðarinnar,
sem brotnaði, þannig að hann
komst inn.
Þegar hann komst inn veitt-
ist maðurinn að konunni, greip
um háls hennar, skallaði hana
þrisvar í höfuðið og henti henni
til og frá um íbúðina. Síman-
um hennar kastaði hann í gófið
þannig að hann eyðilagðist.
Auk þess að fá fangelsisdóm
er manninum gert að greiða kon-
unni 459 þúsund í miskabætur. - jss
Líkamsárás og eignaspjöll:
Réðst á fyrrum
sambýliskonu
Fiskikóngurinn • Sogavegi 3 • sími 587 7755
Allir
Sjáums
t eldhre
ss
á eftir.
Skelflettur Humar
sósufiskréttir
Þetta er að það ódýrasta í bænum
í dag, því get ég lofað.
Humarsoðið frá Höfn í Hornafirði
er komið, engin aukaefni,
né rotvarnarefni.
1390 kr.kg
Jóladagatal Norræna hússins 1.-23. des. kl: 12.34
www.gjofsemgefur.is
FRÉTTIR VIÐSKIPTI ÍÞRÓTTIR LÍFIÐ UMRÆÐAN
STÝRÐU UMRÆÐUNNI Í ÁTT TIL ÞÍN
Meiri Vísir.
GENGIÐ 03.12.2010
GJALDMIÐLAR KAUP SALA
HEIMILD: Seðlabanki Íslands
205,7989
GENGISVÍSITALA KRÓNUNNAR
114,80 115,34
179,94 180,82
152,19 153,05
20,416 20,536
19,010 19,122
16,685 16,783
1,373 1,381
176,39 177,45
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
FÍLABEINSSTRÖNDIN, AP Óttast er að
borgarastyrjöld brjótist út á Fíla-
beinsströndinni í kjölfar forseta-
kosninganna. Thabo Mbeki, fyrr-
verandi forseti Suður-Afríku reynir
nú að miðla málum í deilunni um
hver sé forseti landsins.
Alassane Ouattara, frambjóðandi
stjórnarandstöðunnar, var lýstur
sigurvegari í kosningunum fyrir
rúmri viku og alþjóðasamfélag-
ið hefur viðurkennt Ouattara sem
forseta landsins. Stjórnlagadóm-
stóll sneri úrslitunum hins vegar
við og sagði Laurent Gbagbo, for-
seta landsins til tíu ára, hafa sigrað
í kosningunum. Gbagbo hefur stuðn-
ing dómstólsins, sem og hersins og
ríkisfjölmiðla. Hann sór embættis-
eið um helgina og Ouattara segist
einnig hafa gert það.
Aðeins eru þrjú ár síðan landið
sameinaðist opinberlega eftir borg-
arastyrjöld sem skipti því í tvennt.
Fylgi frambjóðendanna tveggja
skiptist landfræðilega, Ouattara
nýtur mikils fylgis í norðurhlutan-
um og Gbagbo í suðri. Því er talið
að borgarastyrjöld gæti nú hafist
á nýjan leik. Greint hefur verið frá
dauðsföllum frá því að átök hörðn-
uðu fyrir helgi, en þau hafa ekki
fengist staðfest. - þeb
Forsetaframbjóðendur á Fílabeinsströndinni sóru báðir embættiseið:
Óttast nýja borgarastyrjöld
ÚRSLITUM MÓTMÆLT Mótmæli á götum
úti í norðurhluta landsins. FRÉTTABLAÐIÐ/AP
DÓMSMÁL Litháí, sem dvalið
hefur hér á landi, skal fram-
seldur til heimalands síns, sam-
kvæmt dómi Hæstaréttar.
Maðurinn ók bifreið of hratt
og á rangri akrein í Litháen í
júlí 2007 með þeim afleiðingum
að hann lenti í árekstri. Öku-
maður hinnar bifreiðarinnar
lést og farþegar slösuðust. Sá
Maðurinn, sem nú hefur verið
framseldur, ók í burtu án þess
að tilkynna lögreglu um slysið
eða gera ráðstafanir til að koma
hinum slösuðu til hjálpar. - jss
Olli banaslysi í heimalandinu:
Brotamaðurinn
skal framseldur