Sameiningin - 01.09.1950, Side 13

Sameiningin
123
En hver hafði borgað brúsann? Blöðin fóru að grenslast
eftir því; og kom þá upp úr kafinu, að auðfélög nokkur,
sem verzla með bjór og brennivín, höfðu lagt í veizlusjóð-
inn hundrað og sjötíu þúsund dali. Þó er vínverzlunarmönn-
um í Illinois harðlega bannað að leggja fram fé til póli-
tískra flokka. Hefir samt engin ákæra verið lögð fram út
af þessari rausnargjöf. Demókratar þegja, vitaskuld, en
Republikar eru stundum féþurfi líka. Og vínsölumönnum
kemur vel að eignast vini í báðum flokkum. Um lagastafinn
gjörir minna til.
------☆------
Billy Graham, vakningapostulinn þjóðkunni, hefir um
undanfarnar vikur verið að vekja fólk til iðrunar og trúar
vestur í Portland í Oregon. Hafði hann gríðarmikla aðsókn
þar, um 190 þúsundir að öllu saman töldu, segja fréttir.
Tvö til þrjú hundruð manns tóku iðrun og játuðu trú á
hverjum fundi. Áhrifamikill ræðumaður er Graham. En
hvort þau áhrif verða haldgóð, er eftir að vita. Og hógvær
getur hann varla talist, eftir fregnum að dæma. „Þetta er
síðasta vakningin sem Guð gefur“, hrópar Graham á hverj-
um fundi; — „síðasta tækifæri til iðrunar!“ Með öðrum
orðum: Drottinn hefir engin ráð framar, þegar Graham er
úr sögunni.
------☆------
Prestur í Chicago, Clinton Cox að nafni, hefir skorað á
Bandaríkjastjórn að nota nú atóm-sprengjur í Kóreu.
Kommúnistar í Norður-Kóreu, segir Cox prestur, eru ekk-
ert annað en ofstækisfullar raggeitur — sem er bersýnileg
mótsögn, því að ofstækið og ragmenskan eiga sjaldan sam-
leið. Og ekki verður annað sagt, en að Norður-Kóreumenn
hafi barist hraustlega hingað til. En klerkur segir, að þeir
muni leggja niður vopnin óðar í bili, þegar þeir sjái sitt
óvænna í þessu stríði. — Lítinn stuðning hefir Cox fengið
í þessu máli hjá kennimönnum hér vestan hafs. En háskóla-
menn í Chicago, 45 talsins, sendu skeyti til Trumans forseta.
og báðu hann fyrir hvern mun að láta þessar sprengjur
eiga sig.
------☆------
Smá en lolómleg grein af lútersku kirkjunni var heim-
ilisföst í Rúmeníu á undan ófriðnum síðasta. Meðlimir voru
um 350 þúsundir. Kirkjan átti stofnanir ágætar af ýmsu