Sameiningin - 01.09.1950, Side 16

126
Sameiningin
Þennan áminnsta dag, kl. 8 að kvöldi kom söfnuðurinn
saman í kirkju sinni til þess að taka formlega við presti
sínum, við hátíðlega innsetningar athöfn. Forseti kirkju-
félagsins, séra Egill H. Fáfnis frá Mountain var þar staddur;
framkvæmdi hann innsetningar athöfnina, að lokinni pré-
dikun þar sem hann beindi orðum sínum einkum til prests-
ins. Séra Valdimar J. Eylands prestur Fyrsta lúterska safn-
aðar í Winnipeg var þar og staddur. Tók hann þátt í at-
höfninni, flutti hann kveðjur frá söfnuði sínum, og hélt
síðan ræðu þar sem hann mælti áminningar- og hvatningar-
orðum til safnaðarins. Var guðsþjónustunni að þessu leyti
hagað samkvæmt leiðbeiningum um slíkar athafnir í hand-
bók sameinuðu lútersku kirkjunnar. Forseti las einnig
einkar hlýlegt bréf með árnaðaróskum til prests og safn-
aðar frá Dr. Rúnólfi Marteinsson í Winnipeg, en hann
hefir, sem kunnugt er, veitt Lundar söfnuði allmikla þjón-
ustu nú hin síðari ár, og mun hafa stuðlað að köllun séra
Jóhanns. Hinn nýi sóknarprestur ávarpaði svo söfnuðinn
í messulok með lipurri og hjartnæmri ræðu. Safnaðarsöng-
ur undir stjórn Vigfúsar Guttormsson var hinn bezti, og
var enda stór söngflokkur til aðstoðar.
Að messugjörð afstaðinni fóru fram mjög rausnarlegar
veitingar í samkomuhúsinu Björk. Fyrir þeim stóðu djákn-
ar safnaðarins, og aðrar konur sveitarinnar. Var hér í öllu
vel á stað farið, eining og áhugi augsýnileg, og spáir það
góðu um framtíðina fyrir prest og söfnuð.
V. J. E.
___________*___________
Ánægjustund
Mér er í hug að setja niður á blað, stutta, látlausa sögu.
Hún segir frá ánægjustund, sem við hjónin, Ingunn og Rún-
ólfur, áttum á þessu sumri. Það voru börnin okkar, sem þar
áttu hlut að máli. Við eigum fjögur börn á lífi; þau eru:
Guðrún, Mrs. C. E. Hill, í Armstrong, B.C.; Jón Lárus, kona
hans Nora, í Hudson, í Ontario; Theodis, Mrs. A. L. Paine,
í Ninette, Man.; og Brandur Thomas Hermann, kona hans
Anna, skurðlæknir í Vancouver, B.C. Öll eru tengdabörnin
óíslenzk.