Sameiningin - 01.12.1950, Blaðsíða 5

Sameiningin
163
lifa, hámark andlegs þroska; til dæmis má benda á Jóhannes
skírara, fyrirrennara Frelsarans.
„Og engill Drottins stóð hjá þeim og dýrð Drottins
ljómaði í kringum þá, og urðu þeir mjög hræddir“.
Sannleikurinn er að þeir sem ekki eru andlega sinnaðir
eða Guði vinveittir, sjá hvorki himneskar sýnir né heyra
himneska söngva. Þessir fjárhirðar hafa tilheyrt, þó þeir
væru fátækir og lítils megandi, þeim sama og sanntrú
aða flokki ísraels, sem María og Jósef, Sakarías og Elísabet,
Símon og Anna skipuðu. Þessir fjárhirðar, sem engillinn
heiðraði með heimsókn sinni á nóttu nóttanna, hafa verið
sterktrúaðir menn, sem voru að skygnast inn í hið ósýni-
lega og eilífa, leitandi að því Guðs ríki, sem átti einhvern
tíma að opinberast hjá allri þjóðinni, og sjást í hjartafari
Israels og framkomu. Inst í sálarlífi fjárhirðanna bærðist
vonin að umsagnir spámannanna um komu Messíasar
mundu rætast á sínum tíma, en þessir menn þó sanntrú-
aðir væru áttu alls ekki von á að himneskur sendiboði
mundi til þeirra koma og tilkynna þeim persónulega fæð-
ingu Frelsarans — og þeir urðu hræddir.
„Óttist ekki“, sagði engillinn, „því ég flyt yður gleði-
boðskap um mikinn fögnuð sem verða mun fyrir allan lýð-
inn; því að í dag er yður Frelsari fæddur, sem er Kristur
Drottinn í borg Davíðs“.
1 sömu svipan sem engillinn sagði fjárhirðunum frá
fæðingu Frelsarans, birtust himneskar hersveitir, sem sungu:
„Dýrð sé Guði í upphæðum, og á jörðu friður meðal
manna, sem velþóknun er á“.
Það voru augu fjárhirðanna, sem sáu þessa undrasýn
og það voru þeirra eyru er gripu hljómöldur himneska
söngsins.
. . „Og á jörðu friður meðal manna, sem velþóknun er á“.
I dag er ekki friður meðal manna; viðhorfið er mjög
ískyggilegt — en myrkrið og hávaði nútímans geta ekki
hulið ljós Frelsarans eða kæft söng englanna í hjörtum
hinna sanntrúuðu.
Með hinn ógleymanlega söng í eyrum sáu fjárhirðarnir
ljósið himneska hverfa með burtför englanna til hæða
og jörðin var skilin eftir í skuggum næturinnar.
Frásögn guðspjallamannsins um fæðingu Frelsarans er
allra umsagna undraverðust og fegurst. Sagan er stutt, ein-