Sameiningin - 01.04.1958, Page 9

Sameiningin
7
Frú Flora Benson gaf skýrslu sína um Sameininguna.
Var hún mikið rædd og gengu þeir prestar Kirkjufélagsins,
sem ekki eru af íslenzkum ættum fram fyrir skjöldu og
hvöttu til aukinnar útbreiðslu. Létu enda ekki sitja við
orðin tóm, því þeir gengu á milli fulltrúa með áskriftareyðu-
blöð og fengu marga nýja áskrifendur. Fékk séra John
Fullmer einn um 20 nýja áskrifendur!
Kvöldsamkoman var helguð æskulýðsstarfi, þar töluðu
séra Jack Larson, séra Eric Sigmar, Dennis Eyolfson, séra
Donald Olsen, séra Wallace Bergman og John Marteinson,
sem mun hefja guðfræðinám að hausti.
Starf þingsins hélt svo áfram að morgni með nýjum
skýrslum og öðru því, sem upp kom. Má þar t- d. nefna
þrjátíu ára prestsskaparafmæli séra Eiríks Brynjólfssonar.
Voru honum, fjölskyldu hans og söfnuði fluttar árnaðar-
óskir, en séra Eiríkur þakkaði með ræðu. Vakningarnefndar-
skýrslan (Evangelism) var gefin af séra Norman Nelson frá
Seattle, en Halldór Bjarnason gaf skýrslu skóla þess, sem
haldinn var á vegum nefndarinnar í vetur, sem leið. Báru
skýrslur þessar vott um mikið starf og blessunarríkt.
Hinar ýmsu þingnefndir höfðu starfað af krafti og g'áfu
þær skýrslur sínar, sem flestar voru mikið ræddar. Yrði of
langt mál að fara að rekja það allt hér. En um kvöldið var
samkoma og töluðu þar séra Norman Nelson, Dr. Harold
Rasmussen, sem var fulltrúi Sameinaða Lútherska Kirkju-
félagsins og séra Ólafur Skúlason. Auk þeirra komu fram
þrír fulltrúar Fyrstu Lúthersku Kirkju, sem ræddu um það,
hvers vegna þau störfuðu fyrir kirkjuna. Gaf þar að heyra
eftirtektarverðan vitnisburð um þýðingu kirkjunnar í lífi
leikmannanna, þau sem töluðu voru ungfrú Ingibjörg
Bjarnason, Archie McNicholl og W. H. Finnbogason. Við
báðar kvöldsamkomurnar söng kór kirkjunnar undir stjórn
frú Bjargar ísfeld og veitingar voru fram bornar.
Að morgni þriðjudagsins höfðu karlmenn þeir, sem
þingið sóttu, ásamt ýmsum öðrum úr Winnipeg, neytt saman
morgunverðar og rætt um hlutverk karlmanna í kirkju-
starfi.
Auk þeirra, sem þegar er getið prédikuðu Systir Laufey
Olsen, séra John Fullmer og séra Edward Day á þinginu.
Voru allir sammála um það, að prédikanirnar á þessu þingi
hefðu verið afbragðsgóðar.