Fréttablaðið - 15.03.2011, Blaðsíða 2

15. mars 2011 ÞRIÐJUDAGUR2
KAUPMANNAHÖFN Þrír ungir menn
eru látnir eftir röð ofbeldisverka
í Kaupmannahöfn síðustu daga.
Atvikin eru talin hluti af deilum
glæpamanna af erlendum upp-
runa. Enginn hefur enn verið
handtekinn í tengslum við morðin.
Síðasta atvikið var þegar 19 ára
piltur lést af sárum sínum aðfara-
nótt mánudags, en hann varð
fyrir skoti á götu úti á Norðurbrú
á sunnudagskvöld.
Þrír menn stukku út úr bifreið í
Blågårdsgade og hleyptu af skot-
um á hóp manna. Hinn látni, sem
er danskur ríkisborgari af inn-
flytjendaættum, fékk skot í bakið,
en aðra sakaði ekki.
Hin tvö tilvikin voru þar sem 24
ára íraskur maður fannst látinn af
völdum stungusára við Kristjáns-
höfn á laugardag og á fimmtu-
dag lést 19 ára Sómali í skotárás
í Husum-hverfinu þar sem tveir
aðrir særðust, þó ekki lífshættu-
lega.
Morðið á sunnudagskvöld var
fimmta skotárásin í Kaupmanna-
höfn og nágrenni á einni viku og
hefur lögreglan eflt mjög viðbún-
að sinn síðustu daga.
Mennirnir sem létust voru ekki
þekktir glæpamenn, þótt þeir
hafi verið viðloðandi glæpagengi.
Sérfræðingar í málum tengdum
þessum hópum segja að líklegast
séu bæði fórn-
arlömbin og
gerendur und-
irmenn í klík-
unum. Alls óvíst
er þó að árás-
irnar tengist
og óljóst er um
hvað deilurnar
snúast.
„ É g h e l d
meira að segja
að þeir viti ekki
einu sinni sjálfir hvað málið snýst
um,“ segir Knud Hvass, yfirmaður
glæpagengjadeildar lögreglunnar
í Kaupmannahöfn við danska fjöl-
miðla. Hann segir að ekkert bendi
til þess að mótorhjólagengi eins
og Vítisenglar séu viðriðin þessi
mál. „Þetta eru innflytjendageng-
in sem eru að berjast innbyrðis.“
Að sögn Magnúsar Sveins Jóns-
sonar, námsmanns sem hefur
verið búsettur í borginni síðustu
misseri, reyna Íslendingar þar að
láta þessi atvik sem minnst á sig
fá.
„Maður heyrir af og til af ein-
hverjum skotárásum en persónu-
lega breytir það litlu fyrir mig. Ég
er ekki hræddur úti á kvöldin þótt
ég búi niðri í miðbæ.“
Magnús bætir því þó við að fólk
sé ef til vill á varðbergi á ferð um
Norðurbrú að kvöldi til.
„Ég hef samt aldrei persónu-
lega séð neitt ofbeldi þar og vinir
mínir sem búa í því hverfi hafa
ekki miklar áhyggjur af þessu. Í
mínum huga er þetta bara nokkuð
friðsæl borg þótt auðvitað leynist
misjafn sauður í mörgu fé.“
thorgils@frettabladid.is
Klíkustríð kostar þrjú
líf í Kaupmannahöfn
Þrír ungir Kaupmannahafnarbúar hafa verið drepnir á innan við viku. Allir
eru af erlendum uppruna. Fjöldi skotárása hefur verið í borginni síðustu daga.
Íslenskur námsmaður segir að borgin sé þrátt fyrir allt friðsæl að mestu leyti.
OFBELDISHRINA Fjölmörg mál tengd
deilum glæpahópa hafa komið til kasta
lögreglu að undanförnu. Þrír hafa látið
lífið á innan við viku.
MAGNÚS SVEINN
JÓNSSON
13. mars 19 ára piltur skotinn til
bana í Norðurbrú.
12. mars 24 ára gamall maður
fannst látinn af völdum stungusára
við Kristjánshöfn.
10. mars 19 ára piltur skotinn til
bana á götu úti í Husum-hverfi.
Tveir aðrir særast í árásinni.
7. mars Skotið að leigubíl þar sem
þrír farþegar sleppa ómeiddir.
7. mars Maður særist á öxl í
skotárás í Ishøj, skammt utan við
Kaupmannahöfn.
7. mars Vitni greina frá skothvell-
um í Austurbrú. Enginn særður, en
lögregla fann skothylki á vettvangi.
Skálmöld
FÓLK „Ísland er alveg einstakt
land. Ég heimsótti það og Græn-
land í fyrra og var upp frá því
staðráðinn í að fá tækifæri til
að virkilega upplifa töfra þess,“
segir Suður-Afríkumaðurinn
Riaan Manser, sem ætlar að
gera sér lítið fyrir og hefja róður
umhverfis landið 18. mars næst-
komandi.
Manser hefur glímt við ýmsar
ævintýralegar aðstæður en
kveðst þó ekki hafa tekist á við
leiðangur af þessari stærðar-
gráðu áður. Með í för verður
erlent tökulið sem mun mynda
ferðalagið. - rve / Allt í miðju blaðsins
Suður-afrískur kajakræðari:
Rær umhverfis
landið að vori
„ÍSLAND ER ALVEG EINSTAKT“ Manser
hefur ekki tekist á við viðlíka verkefni
áður. MYND/RIANN MANSE
Oddur, var þetta ekki nógu
rafmögnuð hugmynd?
„Það er alveg nóg stuð í Glerá eins
og hún er.“
Oddur Helgi Halldórsson er formaður
bæjarráðs Akureyrar, sem hafnar hug-
myndum fyrirtækisins Fallorku um
tveggja megavatta virkjun í Glerá sem
rennur í gegnum bæinn.
JEMEN, AP Ráðist var á ríkisstjór-
ann í Marib-ríki í Jemen á mót-
mælafundi í gær. Ríkisstjórinn
var stunginn í hálsinn.
Auknu ofbeldi hefur verið beitt
gagnvart mótmælendum í land-
inu síðustu daga. Greint hefur
verið frá því að lögreglan hafi
notað táragas og skotvopn gegn
mótmælendum og sex létust í höf-
uðborginni Sanaa.
Tveir bandarískir og tveir
breskir blaðamenn voru hand-
teknir og þeim vísað úr landinu í
gær vegna fréttaflutnings af vax-
andi ofbeldi lögreglunnar. - þeb
Hörku beitt á mótmælendur:
Ráðist á ríkis-
stjóra í Jemen
HEILBRIGÐISMÁL Bólusetning gegn
eyrnabólgu mun tefjast um
nokkra mánuði vegna kærumáls
eftir útboð.
Tvö fyrirtæki tóku þátt í
útboði um verkefnið og fyrir-
tækið sem ekki hlaut það kærði.
Útboðið verður því endurtekið.
Álfheiður Ingadóttir spurði
Guðbjart Hannesson velferðar-
ráðherra út í málið á Alþingi í
gær. Hún segir töfina geta orðið
dýrkeypta því hámarksárang-
ur af bólusetningu næst aðeins
ef börn eru bólusett við þriggja
mánaða aldur. Vonast er til að
hægt verði að bólusetja öll börn
sem fæðast á árinu en tafirnar
munu hafa mest áhrif á börn
fædd frá ársbyrjun til marsloka.
- þeb
Töfin getur orðið dýrkeypt:
Bólusetningar
barna tefjast
LÖGREGLUMÁL Sautján stjórnendur
og starfsmenn Byko og Húsasmiðj-
unnar voru handteknir í gær og
færðir til yfirheyrslu vegna rann-
sóknar á meintu samráði verslan-
anna með grófvöru á byggingar-
markaði. Þeim var öllum sleppt úr
haldi í gærkvöldi.
Aðgerðirnar í gær koma í kjölfar
húsleita sem farið var í fyrir viku í
fyrirtækin tvö auk smásalans Úlfs-
ins. Þá voru nítján manns hand-
teknir og hald lagt á bókhaldsgögn
og aðra muni. Aðgerðirnar eru á for-
ræði efnahagsbrotadeildar Ríkislög-
reglustjóra og grundvallast á kæru
frá Samkeppniseftirlitinu. Farið var
í þær í samstarfi við Samkeppnis-
eftirlitið. Grunur er um ólögmætt
samráð keppinautanna um verð,
gerð tilboða og skiptingu markaðar.
Slík brot sæta rannsókn lögreglu að
undangenginni kæru.
Samhliða þessu hefur Samkeppn-
iseftirlitið til rannsóknar ætluð brot
fyrirtækjanna á banni við ólög-
mætu samráði, sem geta varðað
stjórnvaldssektum. Fyrirtækin hafa
lýst yfir fullum samstarfsvilja við
yfirvöld og forstjóri Húsasmiðjunn-
ar vísaði öllum ásökunum um verð-
samráð á bug. - sh
Rannsókn lögreglu og samkeppnisyfirvalda á meintu samráði Byko og Húsasmiðjunnar enn í fullum gangi:
Sautján handtökur til viðbótar vegna samráðs
HÚSASMIÐJAN OG BYKO Lögregla hefur starfsmenn og stjórnendur fyrirtækjanna
tveggja grunaða um að skipta markaðnum skipulega á milli sín.
LÍBÍA Málefni Líbíu og mögulegt
flugbann yfir landinu er aðalum-
ræðuefni utanríkisráðherra G8
ríkjanna, sem funda nú í París.
Bretar og Frakkar hafa hvatt til
þess að bannið verði sett á sem
fyrst og Arababandalagið hefur
lýst yfir stuðningi við það. Upp-
reisnarmenn hafa kallað eftir
stuðningi alþjóðasamfélagsins.
Hersveitir Gaddafís einræðis-
herra landsins gerðu loftárásir
á tvær lykilborgir uppreisnar-
manna í gær. Borgirnar Ajda-
biya og Brega eru mikilvægar
fyrir þá, en jafnframt megin-
veikleiki þeirra þar sem mikið er
af vegum á opnum svæðum sem
auðvelt er að varpa sprengjum á.
Gaddafí reynir nú að ná völdum í
austurhluta landsins en uppreisn-
armennirnir segjast hafa haldið
völdum á þeim svæðum þar sem
mestu olíuauðlindirnar eru.
Hersveitir Gaddafís hófu einn-
ig í gær árás á bæinn Zwara, sem
er rúmum hundrað kílómetrum
frá höfuðborginni Trípólí.
Fundur utanríkisráðherranna
átta fer fram í París, en Frakk-
ar hafa viðurkennt uppreisnar-
menn sem stjórnvald í landinu.
Utanríkisráðherra Bretlands,
William Hague, sagði í gær að
það yrði martröð ef Gaddafí næði
völdum á ný. Hann sagði einnig
að ákvörðun um flugbann væri á
næsta leiti. - þeí
Utanríkisráðherrar G8 ríkjanna funda í París á meðan hersveitir gera loftárásir:
Ræða flugbann yfir Líbíu í dag
SKÁK Úkraínski stórmeistarinn
Yuriy Kuzubov leiddi enn í gær-
kvöldi á MP Reykjavíkurskák-
mótinu með sex vinninga. Í sjö-
undu umferð
gerði hann
jafntefli við
stigahæsta
keppanda
mótsins, Eng-
lendinginn
Luke McShane.
Að minnsta
kosti átta skák-
menn koma
í humátt á eftir Kuzubov með
fimm og hálfan vinning. Hannes
Hlífar Stefánsson og Sigurður
Daði Sigfússon eru efstir
íslensku skákmannanna með
5 vinninga en sá síðarnefndi
hefur unnið 3 skákir í röð.
Mótið er jafnframt Norður-
landamót í skák. Norðmaðurinn
Jon Ludvig Hammer er efstur í
opnum flokki með fimm og hálf-
an vinning. - sh
Engin breyting á toppnum:
Kuzubov leiðir
enn MP-mótið
YURIY KUZUBOV
VIÐ BORGINA AJDABIYA Ungur
uppreisnarmaður heldur á ítölskum
Beretta rifli við borgina Ajdabiya.
Hersveitir Gaddafís gerðu loftárás á
borgina í gær en uppreisnarmenn
halda enn sem komið er völdum þar
sem og í borginni Brega.
N
O
R
D
IC
PH
O
TO
S/A
FP
SPURNING DAGSINS
Handhægar
umbúðir
með tappa
Barnsins stoð og stytta
Nánari upplýsingar um
Stoðmjólk á www.ms.is
H
V
ÍT
A
H
Ú
S
IÐ
/
S
ÍA