Fréttablaðið - 15.03.2011, Blaðsíða 20
15. MARS 2011 ÞRIÐJUDAGUR4 ● fréttablaðið ● gull og úrsmiðir
● SÍGILD GJÖF Armbandsúrið stendur alltaf fyrir sínu
sem falleg tækifærisgjöf og áratugum saman var hefð fyrir
því að foreldrar gæfu börnum sínum úr í fermingargjöf.
Það var haft í veglegri kantinum og keypt með það í
huga að gjöfin entist, jafnvel fram á fullorðinsár.
Enn eru armbandsúr, vasaúr og aðrar klukkur vel við
hæfi þegar vanda á valið.
Tískulína Marc Jacobs fyrir Louis Vuitton
tók mið af níunda áratugnum og þar mátti
sjá þessi skemmtilegu eðalsteinaskreyttu
armbönd.
Hálsólin setur punktinn yfir i-ið í þessari
múnderingu frá Giles Deacon, listrænum
stjórnanda Emanuel Ungaro.
Þessi fyrirsæta
minnti helst á
ísprinsessu þar
sem hún birtist
í loðyfirhöfn og
með hálsfesti
um hálsinn,
allt saman
úr smiðju
Giambattista Valli.
Feðgarnir Ólafur og Kristinn Þór gullsmiðir í GÞ skartgripir og úr í Bankastræti 12.
MYND/VALLI
„Fólk sem búið er að fara í marg-
ar búðir finnur ávallt hér það sem
það leitar að,“ segir Ólafur G. Jós-
efsson, gullsmiður í GÞ skartgrip-
ir og úr í Bankastræti 12. Sú versl-
un er ein sú rótgrónasta í bænum,
búin að vera á sama stað síðan árið
1925, en hét í upphafi Guðmund-
ur Þorsteinsson eftir gullsmiðnum
sem stofnaði hana.
Núverandi eigendur GÞ skart-
gripa og úra eru tengdir frum-
kvöðlinum. Þeir eru auk Ólafs eig-
inkona hans, Anna María Mark-
úsdóttir, og börn þeirra hjóna,
Svandís Björk og Kristinn Þór,
sem bæði eru gullsmiðir eins og
faðirinn. „Við smíðum úr gulli,
silfri, skreyttum eðalsteinum og
íslensku hrauni og seljum líka
vörur eftir aðra hönnuði, bæði inn-
lenda og erlenda. Einnig tökum við
að okkur viðgerðir og hreinsun,
meðal annars á þjóðbúningasilfri,“
segir Ólafur. Hann telur líka upp
þekkt úramerki eins og Raymond
Weil, Tissot, Certina og Casio og
nefnir vasaúr sem tilvalda ferm-
ingargjöf. En er fólk ekkert hætt
að kaupa úr eftir að klukkur komu
í alla síma og tölvur? „Nei, nei,“
svarar hann hress og tekur fram
að Casio, fyrstu tölvuúrin sem
sáust um 1980, séu komin aftur í
sama formi og þyki flott.
Ólafur lærði gullsmíðakúnstina
hjá Árna Höskuldssyni gullsmiði
og byrjaði verslunarreksturinn
árið 1973. Hann segir silfur vin-
sælt núna en gullverslun hafa að-
eins dregist saman út af háu verði
og minni fjárráðum hjá fólki.
„Við erum með úrval af skírnar-
gjöfum, fermingargjöfum og út-
skriftargjöfum, bæði fyrir herra
og dömur,“ segir Ólafur og bend-
ir á heimasíðuna: www.skartgrip-
irogur.is
Það sem fólk leitar að
Eðalsteinar og
annað skart
Óhætt er að segja að öllu hafi verið tjaldað til í París þegar tískuhönnuðir
sýndu þar línur sínar fyrir næsta haust og vetur. Ólíkum stefnum og
stílbrigðum ægði saman, bæði klassískum og framúrstefnulegum fatnaði,
skóm og skarti, svo úr varð skemmtilegur kokkteill. Hér eru nokkur sýnishorn.
Lína franska
tískuhönnuðarins
Christophe Lemaire
fyrir Hermes einkennd-
ist af skemmtilegri
litanotkun, eins og
sjá má á þessari mynd
þar sem fyrirsætan
skartar að auki fallegu
opnu hálsmeni og
eyrnalokkum í stíl.
NORDICPHOTOS/AFP
Hönnun Söruh Burton
fyrir Alexander
McQueen mætti lýsa sem
framúrstefnulegri og
klassískri í senn.
●HÚSRÁÐ TIL AÐ HREINSA GULL OG SILFUR Til að fá gull-
og silfurskartgripi skínandi hreina eru ýmis húsráð til. Eftirfarandi ráð er
að finna á vef Leiðbeiningastöðvar heimilanna, leidbeiningastod.is
Þegar hreinsa á skart úr gulli er einni matskeið af uppþvottalegi
blandað saman við tvo desilítra af soðnu köldu vatni í glerskál. Skartgrip-
irnir eru settir út í og látnir liggja í hálfa til eina klukkustund. Óhreinindin
leysast þá upp út í vatnið en einnig er gott að bursta þá
með mjúkum bursta. Skartið er því næst skolað með
köldu vatni og fægt með mjúkum klút.
Þegar hreinsa á skart úr silfri eru tveir og
hálfur desilítri af köldu vatni hitaðir í potti.
Þá er teskeið af lyftidufti og teskeið af
matarsóda hrært út í þar til blandan
fer að rjúka en þá eru gripirnir settir
út í og látnir liggja um stund. Því
næst eru þeir fægðir með mjúkum
klút.
● NÁKOMINN NÆRRI
HJARTASTAÐ Mynda-
nisti dúkka reglulega upp og
síðustu misseri hafa þau átt
talsverðum vinsældum að
fagna og þá sérstaklega þau
sem eru í síðari kantinum.
Flest eru þannig að hægt er
að opna þau og loka og setja
eina til tvær myndir að eigin
vali inn í. Margir velja mynd
af sínum nánustu; maka,
börnum, foreldrum eða látn-
um forfeðrum. Það veitir góða tilfinningu og vernd að hafa einhvern ná-
kominn svo nærri hjartastað.