Fréttablaðið - 18.06.2011, Blaðsíða 24

2 fjölskyldan
Gamaldags lífsmáti Amish-fólkið lifir samkvæmt gömlum venjum. NORDICPHOTOS/AFP
Fjölskyldan kemur út mánaðarlega með helgarblaði Fréttablaðsins.
Ritstjórn: Roald Eyvindsson og Sólveig Gísladóttir Hönnun: Silja Ástþórsdóttir
Forsíðumynd: Valgarður Gíslason Fyrirsætur: Þórdís Hermannsdóttir, Úlfar
Davíðsson og Birkir Blær, Orri og Embla Sara Úlfarsbörn. Pennar: Júlía Margrét
Alexandersdóttir, Marta María Friðriksdóttir, Ragnheiður Tryggvadóttir og Þórdís
Lilja Gunnarsdóttir Ljósmyndir: Fréttablaðið Auglýsingar: Sigríður Dagny Sigur-
björnsdóttir sigridurdagny@365.is
Þetta er bara svo ljúft og kurt-eist fólk sem tekur manni vel og náttúrufegurðin er engu lagi lík,“ svarar Dagný
Hermannsdóttir létt í lund þegar
blaðamaður grennslast fyrir um
ástæður þess að fjölskylda hennar
hefur ákveðið að verja sumar fríinu
á slóðum Amish-fólks í Banda-
ríkjunum. Athygli vekur að þetta
er ekki í fyrsta eða annað heldur
þriðja sinn sem ferðinni er heitið á
þennan óvenjulega áfangastað.
Dagný og eiginmaður hennar
Ólafur Loftsson ætla ásamt börn-
um sínum þremur, Birtu 21 árs,
Grími 18 ára og Ástu 13 ára, til
Lancaster-sýslu í Pennsylvaníu, í
tveggja stunda akstursfjarlægð frá
Washington-borg. Þar dvelja þau í
bjálkakofa á tjaldsvæði sem kall-
ast Country Acres Camp og er í
grennd við samfélag Amish-fólks
sem lætur sig nútímalifnaðarhætti
litlu varða.
„Auðvitað er heilmikil upplifun
að sjá fólk í gamaldags klæðnaði,
akandi um í hestvögnum eða með
orf og ljá á ökrunum, en maður
verður bara að passa sig á að stara
ekki,“ viðurkennir Dagný en getur
þess að upphaflega hafi handverk
íbúanna vakið forvitni hennar.
„Ég er sjálf á kafi í bútasaumi og
eftir að hafa lesið um handsverks-
kunnáttu þeirra dreif ég fjölskyld-
una út.“
Hún segir margt fleira áhuga-
vert að sjá. Verslunarkjarnar,
markaðir, býli og lestarsafn, þar
sem kostur gefst að ferðast með
eimreið gegnum Amish-svæðið,
séu meðal þess sem laði að ferða-
menn, auk þess sem flestir hafi
gaman af að velta fyrir sér skondn-
um bæjarheitum á borð við Virgin
og Paradise.
Dagný og fjölskyldan áttu yndis-
legt frí í Lancaster og í raun mun
betra en nokkurt þeirra hafði gert
sér í hugarlund. Hins vegar stóð
ekki til að snúa þangað aftur, fyrr
en farið var að skipuleggja næsta
frí. „Þá kom í ljós að Lancaster var
efst á óskalista allrar fjölskyldunn-
ar, líka krakkanna. Okkur þykir
bara miklu skemmtilegra að skella
okkur í útilegur, grilla og spila á
kvöldin en að hírast inni á hótelher-
bergi með 500 sjónvarpsstöðvar til
að velja um!“
Svo skemmir tiltölulega lítill
kostnaður heldur ekki fyrir, bend-
ir Dagný jafnframt á „Við borgum
bara 40 dali fyrir allt saman; gist-
ingu, aðgang að tjaldsvæði, grilli,
heitum potti og fría rútuferð.“
Hún bætir við að ferðalagið hefj-
ist þó að þessu sinni hátt í fjöllum
Nýju-Mexíkó þar sem fjölskyldan
hefur skipst á húsi og bíl við hjón.
„Þau fá sem sagt afnot af húsinu
okkar og bíl á meðan og þetta kost-
ar ekki krónu,“ útskýrir Dagný,
sem kveður hins vegar mesta eftir-
væntingu vera fyrir heimsókn-
inni til Amish-landsins, eins og
Lancaster er stundum nefnt. - rve
Á slóðir Amish-fólks
Dagný Hermannsdóttir og fjölskylda eru á leiðinni í sumarfrí til Bandaríkjanna. Þar ætla
þau að dvelja í grennd við Amish-fólk sem lætur sig nútimalifnaðarhætti litlu varða.
Öðruvísi frí Dagný og Ólafur ásamt börnum sínum þremur, Grími, Ólöfu og
Ástu, í grennd við svæði Amish-fólks í Lancaster-sýslu. Þar naut fjölskyldan
samvista við þetta hlédræga og kurteisa fólk og ætlar þangað aftur í sumarfrí.
Ragnheiður Tryggvadóttir
skrifar
Sumar af mínum skemmtilegustu æskuminningum eru frá ferða-lögum fjölskyldunnar. Nesti í skrjáfandi smjörpappír, útivera og mývargur, gönguferðir og grillpylsur, allt rifjast þetta upp fyrir
mér á hverju ári þegar fer að sumra. Við vorum sjö, fimm krakkar
og foreldrar, og ferðuðumst öll saman í löngum rússajeppa, með tjald
og prímus aftur í. Á kvöldin röðuðum við okkur niður í tjaldið eins og
sardínur í dós, eftir ákveðinni röð, svo allir kæmust fyrir. Við tvær
yngstu vorum innst.
Við ferðuðumst alltaf innanlands og ég hef komið í alla lands-
fjórðunga, oftar á suma staði en aðra. Ég man að við fundum engan
góðan stað til að tjalda á í Víðidal, svo við fengum leyfi bónda til að
tjalda á túninu hans niðri við ána. Á eyri úti í ánni var unnið á stórri
gröfu, sem malaði lengi inn í kvöldkyrrðina. Ég man eftir þokunni á
Austfjörðum og stuttu grillpylsunum sem mamma keypti í búð í ein-
hverjum firðinum. Ég man eftir sundferð í Varmaland í Borgarfirði,
orminum utan á Kaupfélaginu á Egils-
stöðum, vegasaltinu í Atlavík og hvernig
ég gat ekki sofnað í tjaldinu um kvöldið
eftir sögur bræðra minna af Lagar-
fljótsorminum. Ég man eftir göngu-
ferð í Ásbyrgi og matskeiðinni sem
ég fann í sandgryfjunni þar. Man líka
eftir drununum í Dettifossi og hvernig
úðann frá honum lagði langar leiðir.
Það sem stendur upp úr ferðalögunum
er einföld og hversdagsleg atriði en
þó ljúfar og skemmtilegar minningar.
Kannski vegna þess að þegar fjölskyld-
an var á ferðalagi var hún ekki að gera neitt annað, engin vinna sem
truflaði eða sjónvarpsfréttir sem þurfti að horfa á, allir saman í
einum bíl og engir DVD-spilarar.
Enn hef ég ekki farið í útilegu með mín eigin börn, sem eru tveggja
og fimm ára gömul. Mikla það fyrir mér og sé ekki hvernig ég muni
geta haldið á þeim hita í tjaldinu, fengið þau til að borða samlokur með
kæfu, varið þau fyrir mýbiti og passað að þau brenni ekki í sólinni,
hvað þá haft ofan af fyrir þeim í bílnum dögum saman og bryddað upp
á nógu skemmtilegum áfangastöðum og afþreyingu.
Þetta er auðvitað vitleysa í mér. Fjölskylduferðalög þurfa ekki að
vera stór í sniðum til að verða eftirminnileg í hugum barna. Dagsferð
yfir í næstu sveit, nesti í laut og sundferð er allt sem þarf.
Lautarferð er allt sem þarf
Lítið leyndarmál í 107
Þótt hinn eiginlegi rólóvöllur
sé á undanhaldi má þó finna
nokkra góða á höfuðborgar-
svæðinu. Einn af þeim
skemmtilegri leynist í
Vesturbæ Reykjavíkur, við
göngustíg sem liggur milli
Tómasarhaga og Lynghaga.
Völlurinn er skjólgóður, með
skemmtilegum leiktækjum
fyrir yngri og eldri börn og því
upplagður fjölskyldustaður.
BARNVÆNT
Stígandi unaður
Maltesers®, súkkulaði á léttan máta