Fréttablaðið - 24.06.2011, Blaðsíða 6

24. júní 2011 FÖSTUDAGUR6
FARIÐ MEÐ SVARIÐ Í FERÐALAGIÐ!
Handhæg
t
ferðakort
Hljóðbók
Arnar Jón
sson
les 19 þjó
ðsögur
Nýr ítarle
gur
hálendisk
afli
Hafsjór af fróðleik
um land og þjóð
Vegahandbókin sími: 562 2600Eymundsson metsölulisti
30.06.10-06.07.10
1.
Sæti
Gamla bókin tekin upp í á kr. 1.000
Aðeins í bókaverslunum - Ekki á bensínstöðvum
Kíktu inn á vegahandbokin.is
NEYTENDUR Flugfarþegar sem lenda
í óþægindum vegna tafa á flug-
ferðum gætu átt margs konar rétt
gagnvart flugfélögunum, að því er
Neytendasamtökin segja.
Sem dæmi höfðu ung hjón sam-
band við Fréttablaðið og sögðu
farir sínar ekki sléttar. Vegna
fjögurra klukkustunda tafar á
flugi Iceland Express frá Kefla-
vík til London fyrr í mánuðinum
misstu þau af flugi með Easyjet
til Marokkó þar sem þau hugðust
dvelja í vikutíma.
Þau þurftu því að koma sér á
áfangastað með öðrum leiðum með
tilheyrandi kostnaði og ónæði. Þá
voru þau óánægð með svör sem
þau fengu frá skrifstofu Iceland
Express, enda var þeim tjáð að
fyrirtækið tæki ekki ábyrgð á
tengiflugi sem ekki væri á þess
vegum.
Matthías Imsland, forstjóri Ice-
land Express, segir í samtali við
Fréttablaðið að fyrirtækið selji
ferðir með „point-to-point“- fyrir-
komulagi sem snúi að einstökum
ferðum, en ekki tengiflugi nema
það sé með vélum Iceland Express.
„Við reynum hins vegar í flest-
um tilfellum að hjálpa eins og
hægt er ef fólk lendir í ógöngum.“
Hildigunnur Hafsteinsdóttir,
lögfræðingur Neytendasamtak-
anna, segir sjálfsagt að flugfar-
þegar sem telji á sér brotið snúi
sér til viðeigandi aðila til þess að
kanna rétt sinn. Þessi mál geti þó
verið flókin.
„Almennt talað geta farþegar átt
margs konar rétt, ýmist á grund-
velli reglugerðar um réttindi flug-
farþega eða laga um loftferðir, og
það er um að gera að tala við okkur
eða flugmálastjórn eða jafnvel
leita til úrskurðarnefndar í ferða-
málum til að kanna málið.“ - þj
Neytendasamtökin segja ýmsar leiðir færar fyrir flugfarþega sem verða fyrir óþægindum vegna seinkana:
Flugfarþegar hvattir til að kanna rétt sinn
TAFIR Á FLUGFERÐUM Neytendasam-
tökin benda fólki á að leita réttar síns
verði það fyrir tjóni eða óþægindum
vegna tafa á flugi. FRÉTTABLAÐIÐ/TEITUR
LÖGREGLUMÁL Lögreglan á höfuð-
borgarsvæðinu leitar nú að
einum eða fleiri sem brutust inn
í Karmelklaustrið í Hafnarfirði
fyrr í vikunni og stálu helgi-
myndum, tölvu og fleiru.
Nunnurnar búa í húsnæði
við hlið kaþólsku kirkjunnar í
bænum. Svo virðist sem þjóf-
arnir hafi spennt upp glugga um
hábjartan dag og komist inn með
þeim hætti, samkvæmt upplýs-
ingum lögreglu. - jss
Innbrot hjá Karmelsystrum:
Helgimyndum
og tölvu stolið
BANDARÍKIN, AP Bandaríski herinn
verður að mestu farinn frá Afgan-
istan í árslok árið 2014, standist
áætlanir Baracks Obama forseta.
Hann skýrði frá því í gær að fimm
þúsund hermenn færu heim strax
í sumar og aðrir fimm þúsund
fyrir árslok.
Fyrirhugað er er að 33 þúsund
af samtals 100 þúsund banda-
rískum hermönnum verði farnir
frá Afganistan um mitt næsta ár.
Þetta er álíka mikill fjöldi og send-
ur var til Afganistans árið 2009 til
að tryggja árangur í stríðinu við
talibana og aðra uppreisnarhópa,
sem þá voru mjög að sækja í sig
veðrið.
Enn verða þó sjötíu þúsund
bandarískir hermenn eftir í
Afganistan, en þeir eiga að fara
þaðan í áföngum á árunum 2013
og 2014. Eftir það verða þar
reyndar áfram einhverjir banda-
rískir hermenn, en þeir eiga ekki
að taka þátt í bardögum heldur
vera heimamönnum til ráðgjafar
og þjálfunar með svipuðum hætti
og nú er í Írak.
Hamid Karzai, forseti Afgan-
istans, sagðist sannfærður um
að afganski herinn, sem nú þegar
hefur fengið töluverða þjálfun og
fræðslu frá Bandaríkjaher, muni
ráða við verkefnið og geta tekið
við af Bandaríkjaher.
Ráðamenn Evrópuríkja hafa
fagnað ákvörðun Bandaríkjafor-
seta, sem hann skýrði frá í sjón-
varpsávarpi í fyrrakvöld.
Bæði Frakkar og Bretar ætla nú
að fylgja í kjölfarið og hefja brott-
hvarf herliðs síns frá Afganistan.
Frakkar eru með um fjögur þús-
und hermenn þar og ætla að hefja
brottflutning strax í sumar. Bret-
ar ætla sömuleiðis að kalla 450
hermenn heim frá Afganistan nú
í sumar.
Bandarískir þingmenn beggja
flokka hafa hins vegar viðrað efa-
semdir sínar. Demókratar segja of
hægt farið í brottflutning herliðs-
ins, sem kosti þjóðina allt of mikl-
ar fórnir, en repúblikanar óttast
að of geyst sé farið.
Mike Mullen, yfirmaður banda-
ríska herráðsins, sagðist styðja
ákvörðun forsetans, en sagði
Obama þó fara hraðar í sakirnar
en hann hefði búist við.
„Meira herlið til lengri tíma
væri vafalaust öruggari leið,“
sagði hann. „Það þýðir þó ekki
endilega að það væri besta leiðin.“
gudsteinn@frettabladid.is
Brotthvarf hefst frá
Afganistan í sumar
Ákvörðun Obama hefur verið gagnrýnd af báðum flokkum Bandaríkjaþings.
Demókratar segja of hægt farið í brottflutning herliðsins frá Afganistan en
repúblikanar óttast að of geyst sé farið. Frakkar og Bretar ætla einnig að fækka.
BANDARÍSKUR HERMAÐUR Í AFGANISTAN Hamid Karzai, forseti Afganistans, segist
sannfærður um að heimamenn geti tekið að sér öryggismálin. NORDICPHOTOS/AFP
þúsund af um
100 þúsund
bandarískum
hermönnum í Afganistan
verða farnir úr landi um mitt
næsta ár.
33
BRASILÍA, AP Yfirvöld í Brasilíu
sögðu í vikunni frá áður óþekkt-
um ættbálki fólks sem fannst
djúpt inni í Amazon-frumskógin-
um. Fjórar byggingar sáust þegar
flogið var þar yfir og er talið að
um 200 manns búi þar og byggi
afkomu sína meðal annars á rækt-
un maís og banana.
Sérstök stofnun fer með þennan
málaflokk í Brasilíu, en talið er
að 68 ættbálkar búi á Amazon-
svæðinu í algerri einangrun frá
umheiminum. Opinber stefna er
að vernda þessa hópa og sjá til
þess að þeir fái að lifa í friði, en að
þeim steðja margs konar ógnir. - þj
Leyndardómar Amazon:
Einangruð frá
umheiminum
EIN Í HEIMINUM Hér sjást híbýli ætt-
bálksins sem uppgötvaðist á Amazon-
svæðinu fyrir skemmstu. NORDICPHOTOS/AFP
BELGÍA, AP Fjárhagsvandi Grikkja skyggði á öll
önnur mál á leiðtogafundi Evrópusambandsins
sem hófst í Brussel í gær. Mestur tíminn fór í að
leita leiða til að forða Grikkjum undan gjaldþroti
og bjarga evrunni, hinni sameiginlegu mynt sautj-
án Evrópusambandsríkja.
Beðið er ákvarðana frá Grikklandi, þar sem
stjórnvöld reyna enn að afla sér stuðnings þings-
ins við óvinsælar aðhaldsaðgerðir, sem fela í sér
bæði skattahækkanir og niðurskurð á ríkisútgjöld-
um.
Leiðtogar Evrópusambandsríkjanna áttu meðal
annars fund í Brussel með Antonis Samaras, leið-
toga grísku stjórnarandstöðunnar, sem hefur tekið
afar illa í aðhaldsaðgerðir stjórnarinnar.
„Það er mjög mikilvægt að enginn stjórnmála-
leiðtogi í Grikklandi segi grísku þjóðinni að hún
geti stytt sér leið,“ sagði Fredrik Reinfeldt, for-
sætisráðherra Svíþjóðar, þegar hann kom til fund-
arins í Brussel í gær.
Samaras gaf hins vegar ekkert tilefni til bjart-
sýni um að almenn samstaða næðist á gríska
þinginu.
Angela Merkel Þýskalandskanslari sagðist ekki
eiga von á að neinar afgerandi ákvarðanir um
Grikkland yrðu teknar á leiðtogafundinum, sem
heldur áfram í dag. - gb
Skuldavandi gríska ríkisins aðalumræðuefnið á leiðtogafundi ESB:
Leita leiða til bjargar evrunni
GEORGIOS PAPANDREÚ Forsætisráðherra Grikklands kemur á
leiðtogafundinn í Brussel. FRÉTTABLAÐIÐ/AP
DEILUMÁL „Eigandi Hótels Hellna
kom með sáttahug að máli við fjöl-
skylduna. Það er stefnt að því að
hittast um helgina og reyna að ná
niðurstöðu. Vonandi verður hægt
að gera sanngjarnan lóðarleigu-
samning,“ segir Ólína Gunnlaugs-
dóttir, eigandi Fjöruhússins, lítils
kaffihúss á Hellnum.
Húsið stendur á lóð í landi jarð-
arinnar Brekkubæjar. Nýr eigandi
jarðarinnar, Sverrir Hermannsson
sem rekur Hótel Hellna, hafði
krafist þess að kaffihúsið yrði
fjarlægt vegna beinnar samkeppni
við hótelstarfsemina.
Málaferlum um eignarrétt yfir
lóðinni, sem hófust 2004, lauk
síðastliðið haust. Ólína hafði leigt
lóðina af Snæfellsbæ frá 1997 en
sá samningur var ógiltur 2004, að
hennar sögn. - ibs
Deilan um Fjöruhúsið:
Stefna að því
að ná sáttum
FJÖRUHÚSIÐ Eigandi lóðarinnar vildi láta
fjarlægja húsið.
UMHVERFISMÁL Málmar eru nú
flokkaðir með sjálfvirkum hætti
hjá Sorpu og því þarf ekki lengur
að flokka þá sérstaklega frá öðru
heimilissorpi.
Málmar eru um þrjú prósent af
heimilissorpi Íslendinga og munu
að minnsta kosti 60 prósent málma
nást úr sorpinu með nýja búnaðin-
um. Í hverri viku munu koma inn
um átta til tíu tonn af járni og um
tonn af öðrum málmi. Málmarnir
eru svo bræddir og endurnýttir í
öðrum löndum.
Mælt er með því að málmhlutir
séu settir beint í ruslatunnur, en
ekki í poka með öðru sorpi. - þeb
Flokkað á nýjan hátt í Sorpu:
Endurvinna
málma úr sorpi
Hefur eldsneytisverðið áhrif á
ferðalög þín innanlands?
Já 89,3%
Nei 10,7%
SPURNING DAGSINS Í DAG:
Kemur hækkandi fasteignamat
þér til góða?
Segðu þína skoðun á Visir.is
KJÖRKASSINN