Fréttablaðið - 24.06.2011, Qupperneq 10
24. júní 2011 FÖSTUDAGUR10
EVRÓPUMÁL
Rýniferli aðildarviðræðna Íslands og
ESB lauk í vikunni. Hver er staðan að
því loknu og hvað hefur áunnist í því?
Á mánudag lauk rýniferli Íslands
og Evrópusambandsins og er þá
búið að bera sameiginlega lög-
gjöf Evrópusambandsríkjanna
saman við lög-
gjöf Íslands.
Aðalsamn-
ingamaður
Íslands, Stefán
Haukur Jóhann-
esson, segir fátt
hafa komið á
óvart í ferlinu.
Það hafi dýpkað
skilning Íslend-
inga á reglum
ESB. Í ákveðnum samningsköfl-
um sem falla undir EES-samning-
inn hafi fundist atriði sem skoða
þurfi nánar.
Skilningur viðsemjenda á sér-
stöðu Íslands hefur aukist mikið,
sér í lagi í landbúnaðar- og sjávar-
útvegsmálum, segir hann.
„Fjöldi sérfræðinga hefur
komið til landsins og séð aðstæð-
urnar með eigin augum. Öll þessi
samskipti hafa opnað betur augu
þeirra fyrir þeim atriðum sem þarf
að finna lausnir á í viðræðunum,“
segir Stefán Haukur.
Inntur um dæmi þessa segir
hann sérfræðingana hafa reynt hve
öflugur íslenskur sjávarútvegur sé
og hversu strjál- og harðbýlt land-
ið sé. Þeir viti nú að aðstæður til
landbúnaðar séu lítt sambærilegar
því sem gerist á meginlandinu.
Engu að síður sé þessi geiri öflugur
og ESB þurfi að taka tillit til þess.
Lærdómur Íslendinga
Helsti lærdómur Íslendinga í ferl-
inu, að mati Stefáns Hauks, var í
þeim köflum sem ekki falla undir
EES-samninginn, til að mynda í
byggða- og atvinnustefnu ESB.
Þessi stefnumál ganga út á að
treysta búsetu í dreifbýli, til dæmis
með því að stuðla að bættri sam-
keppnisstöðu einstakra svæða, svo
sem með nýsköpun. Stefán Haukur
sér í þessu sóknarfæri fyrir Íslend-
inga.
Hvalur, fiskur og bændur
Eins og við var að búast ber mest
í milli á sviðum landbúnaðar, sjáv-
arútvegs og umhverfismála, en
hvalveiðar eru skilgreindar sem
umhverfismál hjá ESB.
„Það kom ekkert á óvart í því,“
segir Stefán Haukur. Spurður hvort
nokkuð sé umsemjanlegt í hval-
veiðum, því mikil andstaða er við
þá iðju á meginlandi Evrópu, ekki
síst á Evrópuþinginu, segir Stefán
Haukur að það komi í ljós síðar.
„Þetta er bara eitt af þeim atrið-
um sem verða tekin inn á samninga-
borðið,“ segir hann.
Á fyrirlestri Alexöndru Cas
Granje, skrifstofustjóra á stækk-
unarskrifstofu ESB, sem fluttur
var á þriðjudag, kom fram að einn-
ig þyrfti að bæta matvælaöryggi
landsmanna. Löggjöf ESB um inn-
flutning á matvælum tekur gildi í
nóvember á Íslandi.
„Þar erum við með undanþágu í
innflutningi á lifandi dýrum en þar
er okkar sérstaða mikil, því sjúk-
dómastaða íslenskra bústofna er
afar góð miðað við það sem geng-
ur og gerist í Evrópu. Við þurfum
meðal annars að setja fram vísinda-
leg gögn um þessa sérstöðu,“ segir
Stefán Haukur.
Samningsmarkmið
Nú er komið að þeim kaflaskilum
að sett verði samningsmarkmið af
Íslands hálfu. Þeim til grundvall-
ar er álit utanríkismálanefndar
Alþingis. Þar eru ýmsar leiðbein-
ingar, svo sem að tryggja skuli að
ágóði af sjávarauðlindinni verði
eftir í landinu.
Kaflaskil í aðildarviðræðum
Aðildarviðræður við Evrópusambandið breytast að forminu til eftir helgi þegar eiginlegar samningavið-
ræður hefjast, en rýniferlinu lauk í vikunni. Stór hluti samningsins er þegar í gildi á Íslandi í gegnum EES.
Sameiginleg löggjöf Evrópusambandsríkjanna (fr: acquis communautaire)
er kaflaskipt í aðildarviðræðum. Einn kaflinn fjallar til dæmis um stefnu og
reglur sambandsins í menntunar- og menningarmálum, annar um sam-
göngumál og sá þriðji um frjálsa för vinnuafls.
Í rýniferlinu var löggjöf Íslands borin saman við sameiginlegu löggjöfina.
Á Íslandi hefur, í gegnum EES-samninginn, þegar verið innleidd löggjöf ESB
„að öllu eða mestu leyti“ í 21 samningskafla af 33, segir í tilkynningu frá
utanríkisráðuneytinu.
Aðildarviðræður fara þannig fram að kafli er „opnaður“, það er að segja
byrjað er að semja um einn ákveðinn málaflokk. Kaflanum er síðan „lokað“
þegar búið er að ná samkomulagi um málaflokkinn, t.d. hvernig landið tekur
upp þá löggjöf ESB eða hvaða sérlausnir það fær.
Á mánudaginn kemur, við formlegt upphaf aðildarviðræðnanna, verður
tveimur köflum lokað um leið og þeir verða formlega opnaðir. Þetta er í
mennta- og menningarmálum og í vísinda- og þróunarmálum. Þar þarf
ekkert um að semja.
STEFÁN HAUKUR
JÓHANNESSON
HVALUR VERKAÐUR Atvinnuhvalveiðar hófust að nýju á Íslandi eftir að Einar K.
Guðfinnsson sjávarútvegsráðherra leyfði þær með litlum fyrirvara í janúar 2009.
Evrópusambandsríkin eru lítt hlynnt hvalveiðum. FRÉTTABLAÐIÐ/ANTON
„Undirbúningsvinnan fer fram í
samningahópunum og í aðalsamn-
inganefnd. Þetta er síðan rætt
betur í ráðherranefndinni um Evr-
ópumál og haft samráð við utan-
ríkismálanefnd Alþingis, áður en
endanleg samningsmarkmið liggja
fyrir,“ segir Stefán Haukur.
Kaflar verða ekki opnaðir fyrr
en Ísland er tilbúið með markmið
og þau liggja þegar fyrir í köflun-
um fjórum sem opnaðir verða á
mánudag.
klemens@frettabladid.is
HOLLAND, AP Hollenski stjórn-
málamaðurinn Geert Wilders,
leiðtogi Frelsisflokksins, var í
gær úrskurð-
aður saklaus
af hatursfull-
um ummælum
og mismunun
í ummælum
sínum um íslam
og múslima.
Niðurstaða
réttarins var
að þótt ummæli
hins afar umdeilda Wilders væru
vissulega til þess fallin að særa
marga múslima væru þau engu
að síður innan ramma laganna og
ekki beintengd misrétti gegn mús-
limum í Hollandi.
Wilders fagnaði niðurstöðunni
og sagði hana mikinn létti og sigur
fyrir tjáningarfrelsi í landinu. - þj
Umdeildur stjórnmálamaður:
Hatursummæli
ekki lögbrot
GEERT WILDERS
21 kafli af 33 þegar kominn
Timbursölu BYKO
Breidd
25-50%afsláttur
21. - 28. júní
Gallað/skemmt efni
á sérafslætti!
Byggingatimbur - Grinda
refni - Burðarviður - Gag
nvarið timbur - Vatnsklæ
ðning og panill - Plötur -
Þakstál - Vansklæðni
Byggingatim
bur - Grinda
refni - Burða
rviður - Gag
nvarið timb
ur - Vatnsklæ
ðning og pa
nill - Plötur
- Þakstál -
LÖGREGLUMÁL Lögreglan á höfuð-
borgarsvæðinu handtók í gær rúm-
lega tvítugan mann eftir að skot-
vopn fannst við húsleit á heimili
hans í Hafnarfirði. Við húsleitina
fannst heimagerð byssa og 22 kalí-
bera skot, ásamt lítilræði af fíkni-
efnum.
Lögregla telur hugsanlegt að
skotvopnið hafi verið notað til að
vinna skemmdarverk á ökutæki á
Seltjarnarnesi, en í síðustu viku
virtist hafa verið skotið á kyrr-
stæða bifreið þar.
Á staðnum þar sem byssan fannst
fundust einnig gögn sem tengjast
ætluðum meðlimum vélhjólahóps-
ins Hells Angels. Hinn handtekni er
grunaður um að tengjast hópnum,
þó ekki sem fullgildur meðlimur.
Lögregla naut aðstoðar sérsveit-
ar Ríkislögreglustjóra við aðgerð-
irnar. - jss
Maður tekinn með fíkniefni:
Fundu heima-
smíðaða byssu
HELLIDEMBA Í BANGALORE Indversk
skólabörn brugðu upp regnhlíf þegar
skyndilega gerði hellidembu í borginni
Bangalore í gær. FRÉTTABLAÐIÐ/AP
VIÐSKIPTI „Þetta er stærsti sam-
starfssamningurinn sem við
höfum gert við eitt fyrirtæki,“
segir Halldór Guðmundsson, verk-
efnisstjóri Sögueyjunnar, sem
heldur utan um heiðursþátttöku
Íslands á Bókamessunni í Frank-
furt í Þýskalandi í haust.
Tilkynnt var í gær að samheita-
lyfjafyrirtækið Actavis ætlaði að
styðja við verkefnið, sem felur í
sér þýðingu á tæplega tvö hundruð
íslenskum bókum yfir á þýsku og
ritun bóka þar sem Ísland kemur
við sögu. Í tengslum við Bóka-
messuna munu íslenskir lista-
menn sýna verk sín og fleira til.
Styrkurinn nemur á þriðja tug
milljóna króna.
Halldór bendir á að verkefnið
sé gríðarlega umfangsmikið,
enda hafi aldrei verið farið út í
aðra eins kynningu á bókmennt-
um þjóðarinnar og nú.
„Þetta er mjög metnaðarfull
áætlun og hefur farið fram úr
okkar björtustu vonum,“ segir
Halldór og bætir við að nokkur af
virtustu forlögum Þýskalands gefi
bækurnar út. - jab
Actavis styrkir þátttöku Íslands í Bókamessunni í Frankfurt um á þriðja tug milljóna:
Vinna með virtum forlögum
SAMNINGURINN REIFAÐUR Halldór
kynnti samstarfssamninginn í félagi við
Claudio Albrecht, forstjóra Actavis, á
skrifstofu Sögueyjunnar í gær.
FRÉTTABLAÐIÐ/GVA
DÓMSMÁL Karlmaður á fertugs-
aldri hefur verið ákærður fyrir
Héraðsdómi Reykjaness fyrir að
hafa haft í vörslu sinni poka sem
í voru þrjár e-töflur og tæp tvö
grömm af kannabisefnum.
Maðurinn lét pokann falla
til jarðar og steig ofan á hann
þegar lögreglan hafði afskipti af
honum við skemmtistaðinn Rána
í Reykjanesbæ í byrjun mars.
Þá hefur annar karlmaður á
þrítugsaldri verið ákærður fyrir
að hafa kannabisefni í fórum
sínum. - jss
Tekinn af lögreglu:
Steig ofan á
fíkniefnapoka