Fréttablaðið - 24.06.2011, Page 18

24. júní 2011 FÖSTUDAGUR
timamot@frettabladid.is
67
Leikskólinn Tjarnarborg fagnar sjö-
tíu ára afmæli í dag og heldur upp á
daginn með pompi og prakt.
„Hér verður sannkölluð karnival-
stemning,“ segir Hulda Ásgeirsdóttir
leikskólastjóri. Hátíðarhöldin hefjast
klukkan 15 og verður Jakob Frímann
Magnússon veislustjóri. „Við reynum
að nýta okkur mannauðinn í foreldra-
hópnum,“ segir Hulda. „Krakkarnir
hafa verið að undirbúa allt, búa til
fána og skreyta garðinn. Við byrjum
á skrúðgöngu kringum leikskólann í
furðufötum og syngjum og tröllum.
Trúðar koma í heimsókn og börnin
syngja lög eftir Megas, og auðvitað
afmælissönginn. Tónlistarmenn stíga
einnig á stokk, við fáum heimsókn frá
Hinu húsinu og svo verður boðið upp
á kaffi og pönnukökur.“
Leikskólinn er starfræktur í reisu-
legu húsi við Tjörnina í Reykjavík
sem var byggt sem ráðherrabústaður
Hannesar Hafstein árið 1909. Barna-
vinafélagið Sumargjöf keypti húsið
árið 1941 og hóf þar rekstur dagheim-
ilis, leikskóla og vöggustofu.
„Það þurfti að koma til móts við
einstæðar mæður á stríðsárunum
og koma börnunum fyrir,“ útskýrir
Hulda. Á sama tíma var einnig starf-
ræktur í húsinu Uppeldisskóli Sum-
argjafar, sem varð síðar Fósturskóli
Íslands. Húsið hefur því alltaf verið
undirlagt leikskólastarfi en náms-
meyjar Uppeldisskólans gátu leigt
herbergi í risinu. „Tjarnarborg hefur
starfað í núverandi mynd frá árinu
1990. Hér eru tvær deildir, Lækur og
Tjörn, en Tjarnarborg sameinaðist
leikskólanum Öldukoti fyrir tveimur
árum. Á Tjarnarborg eru 45 börn og
í Öldukoti 43 börn, svo skólinn hefur
stækkað talsvert,“ segir Hulda. Starf
leikskólans byggist á uppeldisstefn-
unni Reggio Emilia, þar sem skap-
andi starf er rauði þráðurinn. Hulda
segir staðsetningu leikskólans bjóða
upp á mikla möguleika.
„Við erum í vöggu sögu og menn-
ingar Reykjavíkurborgar þar sem
stutt er í næstu söfn, leikhús og
náttúruperlur, gamla kirkjugarðinn
og Hljómskálagarðinn, svo ekki sé
minnst á Tjörnina sjálfa.
Hér hefur ávallt ríkt góður andi
og börnin eru spennt fyrir afmælis-
deginum í dag. Við bjóðum alla vel-
unnara leikskólans velkomna.“
heida@frettabladid.is
LEIKSKÓLINN TJARNARBORG: FAGNAR 70 ÁRA STARFSAFMÆLI
Sannkölluð karnivalstemning
SPENNANDI AFMÆLISDAGUR Hulda Ásgeirsdóttir leikskólastjóri í hópi leikskólabarna á Tjarnarborg, en leikskólinn fagnar sjötíu ára afmæli með
pompi og prakt í dag klukkan 15. FRÉTTABLAÐIÐ/HAGW
PÉTUR BLÖNDAL alþingismaður er 67 ára í dag.
„Óskir manna vaxa yfirleitt hraðar en
tekjurnar.“
Útför eiginmanns míns, föður okkar
og tengdaföður,
Hans Ploder
fer fram frá Dómkirkju Krists Konungs,
Landakoti, þann 27. júní kl. 15.00. Jarðsett verður í
Garðakirkjugarði, Garðabæ. Þökkum innilega auð-
sýnda samúð og vináttu.
Jóhanna Kristín Jónmundsdóttir
Franz Ploder Sigrún Waage
Aðalheiður Auður Ploder John Patrick O’Neill
Bryndís Ploder Tryggvi Hübner
Björgvin Ploder Svafa Arnardóttir
Jóhanna Ploder Ottó Sveinn Hreinsson
barnabörn og barnabarnabörn.
Elskulegur faðir okkar, tengdafaðir,
afi og langafi,
Sveinn Jónsson
Höfða, Akranesi,
andaðist 16. júní. Útförin fer fram frá Akraneskirkju
þriðjudaginn 28. júní kl. 14.
Eiríkur Sveinsson Hildur Eðvarðsdóttir
Jón Sveinsson
Jenný Una Sveinsdóttir
Halldór Páll Jónsson
Sveinn Unnar Sigurbjörnsson
Valur Sigurbjörnsson
og afabörn.
Sigríður Ingjaldsdóttir
sjúkraliði, Bólstaðarhlíð 44, Reykjavík,
andaðist 18. júní á deild B-4 Landspítala, Fossvogi.
Útför hennar fer fram frá Fossvogskapellu
þriðjudaginn 28. júní kl. 15.00.
Fyrir hönd vina og ættingja,
Hertha W. Jónsdóttir
Gunnar Harðarson.
Elskuleg móðir mín,
Ragnhildur Eiríksdóttir
(Lilla)
Brekkubyggð 23, Garðabæ,
lést á Landspítalanum í Hafnarfirði
laugardaginn 18. júní. Útförin hefur farið fram.
Eiríkur Arnar Harðarson.
Ástkær móðir okkar, tengdamóðir
og amma,
María Rannveig Elsa
Vigfúsdóttir
andaðist á Landspítalanum í Fossvogi
þriðjudaginn 21. júní sl.
Útförin verður auglýst síðar.
Daníel Hafsteinsson Lise Lotte Hafsteinsson
Sævar V. Hafsteinsson Vivi Frösig Hafsteinsson
Hafsteinn S. Hafsteinsson Sólveig Einarsdóttir
Berglind L. Hafsteinsdóttir
Sigríður Dögg Geirsdóttir
og barnabörn
Okkar ástkæri
Friðrik Jens Friðriksson
fyrrv. héraðslæknir,
Smáragrund 4, Sauðárkróki,
sem lést á dvalarheimili aldraðra, Heilbrigðis-
stofnuninni Sauðárkróki, laugardaginn 11. júní, verður
jarðsunginn frá Sauðárkrókskirkju laugardaginn
25. júní kl. 13.00. Þeim sem vilja minnast hans er bent á
Heilbrigðisstofnunina Sauðárkróki.
Oddný Finnbogadóttir Björn Friðrik Björnsson
Emma Sigríður Björnsdóttir Iain D. Richardson
Alma Emilía Björnsdóttir
og börn
Móðir okkar,
Lilja Björnsdóttir,
sem lést á Fellsenda mánudaginn 20. júní síðastliðinn,
verður jarðsungin frá Kvennabrekkukirkju laugardag-
inn 25. júní kl. 14:00.
Fyrir hönd aðstandenda,
Dagný Kristín Gunnarsdóttir og Kristbjörg Gunnarsdóttir.
Á þessum degi var kristin trú lögtekin á Alþingi
á Þingvöllum. Dagsetning kristnitökunnar virðist
ekki umdeild, fremur ártalið þótt almennt sé
miðað við árið 1000. Fyrir þann tíma hafði
kristniboð verið reynt með misjöfnum árangri.
Sumarið 1000 var upplausn yfirvofandi þar
sem þingheimur skiptist í fylkingar kristinna
manna og heiðinna. Hafði hvor fylking sinn lög-
sögumann. Þorgeir Ljósvetningagoði Þorkelsson
stóð í málsvari fyrir heiðingja og Síðu-Hallur fyrir
kristna.
Sammæltust þeir um að Þorgeir Ljósvetninga-
goði ákvæði hvor trúarbrögðin skyldu viðhöfð.
Þorgeir lagðist undir feld og hvíldi þar dag og
nótt. Þegar hann skreið undan feldinum gekk
hann að Lögbergi og kvað upp þann úrskurð að
allir menn skyldu vera kristnir. Þó var leyft að
blóta á laun, bera út börn og borða hrossakjöt.
Samkvæmt Kristni sögu, í Hauksbók, á Þorgeir
Ljósvetningagoði að hafa kastað goðum sínum
í þann foss sem nú heitir Goðafoss á leið sinni
heim af Alþingi.
ÞETTA GERÐIST 24. JÚNÍ 1000
Kristnitakan á Alþingi