Fréttablaðið - 27.07.2011, Blaðsíða 6

27. júlí 2011 MIÐVIKUDAGUR6
ÁSTRALÍA Stór rauð kengúra réðst
á 94 ára gamla konu í garði við
hús konunnar í Queensland í
Ástralíu. Konan slapp blóðug og
marin frá kengúrunni, að því er
fram kemur á vef BBC.
„Ég hélt hún ætlaði að drepa
mig,“ segir Phyllis Johnson.
Hún var að hengja upp þvott við
hús sitt þegar kengúran stökk
á hana, felldi hana og sparkaði
í hana.
Johnson reyndi að verjast
með kústi og skreið undan keng-
úrunni inn í húsið og hringdi á
lögregluna.
Lögreglan yfirbugaði keng-
úruna með piparúða. Framtíð
hennar er óráðin. Rauðar keng-
úrur geta orðið allt að tveggja
metra háar og 90 kíló á þyngd.
- bj
Kengúra ræðst á 94 ára konu:
Blóðug og mar-
in eftir spörkin
SAMFÉLAGSMÁL Mennta- og menn-
ingarmálaráðuneytið hefur heyrt
af því að íþrótta- og æskulýðsfélög
vilji að stofnað verði fagráð eða
skýrar verklagsreglur settar um
meðferð kynferðisbrota sem fram-
in eru innan vébanda félaganna.
Ásta Magnúsdóttir, ráðuneytis-
stjóri mennta- og menningarmála-
ráðuneytisins, segir enn enga form-
lega beiðni hafa borist ráðuneytinu,
en henni verði tekið fagnandi.
„Við höfum heyrt af því að innan
frjálsra félagasamtaka eins og
ÍSÍ, skátanna, KFUM og KFUK
sé áhugi fyrir því að að búa að
minnsta kosti til skýra viðbragðs-
áætlun vegna þessara mála,“ segir
Ásta. „Við vitum að þetta er í deigl-
unni.“
Guðrún Ögmundsdóttir, formað-
ur fagráðs innanríkisráðuneytisins
um meðferð kynferðisbrota innan
trúfélaga, segir afar brýnt að skoða
þau lög sem snúa að meðferð kyn-
ferðisbrota. Áætlanir séu um að
fagráðið fari í samstarf við önnur
ráðuneyti í haust til að skoða með-
ferð kynferðisbrota innan íþrótta-
og æskulýðsfélaga.
„Næsta skref er að skoða lög um
íþrótta- og æskulýðsmál, sem er
afar brýnt,“ segir Guðrún og telur
nauðsynlegt að skoða alla laga-
bálka um fagráð og siðareglur. „Í
haust munum við sjá slíkar laga-
breytingar, ég efast ekki um það.“
Tilkynningum um mál tengd
kynferðislegu ofbeldi mun fjölga
með stofnun nýs fagráðs, að mati
Guðrúnar.
„Þegar það gerist má búast við
gömlum málum úr þessum geira,“
segir Guðrún. „Við eigum eflaust
eftir að sjá mun fleiri mál. Ég held
að þetta sé bara toppurinn á ísjak-
anum.“ Hún ítrekar að afar brýnt
sé að setja sterkar siðareglur og
lagaramma í tengslum við kyn-
ferðisbrot innan alls barna- og
unglingastarfs, ekki einungis trú-
félaga.
Guðrún Jónsdóttir, talskona
Stígamóta, telur þessar hræring-
ar með skipun fagráða tákn um
aukna vitund, áhyggjur og ábyrgð
í kynferðisbrotamálum. Hún bend-
ir jafnframt á að það sé einnig til
marks um að heildarstefnumörkun
þurfi að eiga sér stað í málaflokkn-
um.
„Það er augljóst að það kerfi
sem við búum við dugar ekki.
Þess vegna þarf að gera allsherjar
breytingu í þessum málum,“ segir
Guðrún. „Það þarf að fara ofan
í alla sauma og finna framtíðar-
lausn.“ sunna@frettabladid.is
Æskulýðsfélög vilja
kynferðisbrotafagráð
Íþrótta- og æskulýðsfélög hafa látið í ljós vilja við mennta- og menningarmála-
ráðuneyti að setja á fót fagráð um meðferð kynferðisbrota. Afar brýnt að slíkt
verði gert, segir formaður fagráðs um meðferð kynferðisbrota innan trúfélaga.
GUÐRÚN JÓNSDÓTTIR Talskona Stíga-
móta segir að heildarbreytinga sé þörf.
FRÉTTABLAÐIÐ/GVA
GUÐRÚN ÖGMUNDSDÓTTIR Formaður
fagráðs telur brýnt að skoða meðferð
kynferðisbrota hjá æskulýðs- og íþrótta-
félögum.
Við eigum eflaust
eftir að sjá mun fleiri
mál. Ég held að þetta sé bara
toppurinn á ísjakanum.“
GUÐRÚN ÖGMUNDSDÓTTIR
FORMAÐUR FAGRÁÐS
INNANRÍKISRÁÐUNEYTIS
KÖNNUN Mikill meirihluti lands-
manna vill auka eftirlit með fólki
sem kemur til Íslands frá aðildar-
ríkjum Schengen-samstarfsins ef
marka má niðurstöður skoðana-
könnunar MMR.
Alls sögðust 49 prósent því
mjög fylgjandi að auka eftirlit
og 34,5 prósent voru því frekar
fylgjandi. Alls vildu því 83,5
prósent auka eftirlitið á landa-
mærum Íslands. Um 11,7 prósent
sögðust frekar andvíg auknu
eftirliti og 4,8 prósent voru því
mjög mótfallin. - bj
Vilja eftirlit á landamærum:
Yfir 80% vilja
aukið eftirlit
EFNAHAGSMÁL Vaxandi verðbólga er áhyggjuefni og
rétt að fylgjast vel með þróuninni, en of snemmt er
að segja til um áhrif verðbólgunnar á kjarasamninga,
segir Matthías Kjeld, hagfræðingur hjá ASÍ.
Í forsendum kjarasamninga ASÍ og SA frá því í maí
er gert ráð fyrir því að verðbólgan haldist í kringum
2,5 prósent. Samkvæmt mælingu Hagstofu Íslands
stendur verðbólgan nú í fimm prósentum, og hefur
aukist um 0,8 prósentustig á einum mánuði. Þriggja
mánaða verðbólgan er meiri og jafngildir því að árs-
verðbólga sé 6,3 prósent.
„Það hafa verið utanaðkomandi þættir sem hafa
kynnt undir verðbólgunni, matvara, bensín og hús-
næði, auk þess sem krónan hefur sigið,“ segir Matt-
hías.
Hann segir of snemmt að segja til um áhrif vaxandi
verðbólgu á kjarasamningana. Rétt sé að bíða og sjá
næstu tvo mánuði í minnsta lagi til að átta sig á þró-
uninni yfir lengra tímabil. - bj
Of snemmt að meta áhrifin af vaxandi verðbólgu segir hagfræðingur ASÍ:
Verðbólguþróunin áhyggjuefni
SAMIÐ Kjarasamningar sem undirritaðir voru eftir mikið þóf í
maí síðastliðnum gera ráð fyrir 2,5 prósenta verðbólgu, en nú
stendur hún í fimm prósentum. FRÉTTABLAÐIÐ/VALLI
Planta 300 þúsund trjám
Skjólskógar á Vestfjörðum hafa
gróðursett 300 þúsund plöntur það
sem af er sumri. Gróðursetning hefur
gengið vel þrátt fyrir erfitt tíðarfar.
VESTFIRÐIR
Svindlpóstur í hrönnum
Almenningur lét lögreglu vita af
nærfellt 1.500 svindlbréfum frá
óprúttnum aðilum í fyrra. Ógerningur
mun fyrir lögreglu að rannsaka hvert
mál ítarlega en þó er farið yfir allan
póst sem berst. Ríkislögreglustjóri
hvetur fólk til að vera á varðbergi
gegn svindlpósti.
Barn tekið á ofsahraða
Fjórtán ára piltur var tekinn á yfir
100 kílómetra hraða á Vesturlands-
vegi í fyrrinótt. Fimm farþegar voru
í bílnum, á aldrinum 13 til 15 ára.
Ökumaður og farþegar voru færðir
á lögreglustöð og síðan var hringt í
foreldra þeirra.
LÖGREGLUFRÉTTIR
SJÁVARÚTVEGUR Bæjarráð Ísafjarðarbæjar segir í
bókun frá fundi sínum í gær að það sé til skamm-
ar hvernig unnið var úr málefnum þrotabús
Eyrarodda ehf. á Flateyri. Fyrirtækið Toppfiskur,
sem falaðist eftir öllum eignum þrotabúsins með
það fyrir augum að hefja útgerð og vinnslu á Flat-
eyri, dró tilboð sitt til baka í síðustu viku.
Deila skapaðist um málið en fyrirtækið Lotna,
sem var eina fyrirtækið sem gerði tilboð eftir
fyrsta útboð, fékk vilyrði um kaup á hluta eign-
anna frá Byggðastofnun. Vilyrðið var síðan dregið
til baka og eignirnar boðnar upp að nýju. Þá hóf-
ust samningaviðræður við Toppfisk, sem Byggða-
stofnun taldi heppilegri til fiskvinnslu á Flateyri,
en Lotna taldi að vilyrði Byggðastofnunar væri
bindandi. Nú hafa bæði fyrirtækin fallið frá
áformunum eftir margra vikna samningaviðræð-
ur.
Eiríkur Finnur Greipsson, formaður bæjarráðs
Ísafjarðarbæjar, segir þetta ömurleg málalok.
„Það var búið að byggja upp væntingar um að far-
sæl lausn væri í nánd, síðan er þetta lendingin,“
segir hann. „Það er heilt samfélag sem brennur,“
segir hann um sína heimabyggð, Flateyri.
Í síðasta mánuði sagði Lotna upp tíu af fimmtán
starfsmönnum sínum á Flateyri. 42 misstu vinnu
sína þegar Eyraroddi hætti starfsemi sinni síðast-
liðið haust. - jse
Bæjarráð Ísafjarðarbæjar harmar málalok í deilum um þrotabú Eyrarodda:
Atvinnulíf Flateyrar í gíslingu
FRÁ FLATEYRI Bið ætlar að verða á því að atvinnulíf glæðist
á Flateyri eftir reiðarslagið í fyrrahaust er Eyraroddi hætti
starfsemi sinni.
KJÖRKASSINN
Óttast þú að hryðjuverk verði
unnin á Íslandi?
Já 33,5%
Nei 66,5%
SPURNING DAGSINS Í DAG:
Styður þú þá hugmynd að nýtt
fangelsi verði reist sem einka-
framkvæmd?
Segðu þína skoðun á visir.is