Faxi - 01.02.1961, Síða 4

20
F A X I
— Þú villt, Elías, að hið opinbera eftir-
lit fylgist betur með fiskinum, þegar hann
kemur í land?
— Já, ég álít, að eftirlit sé ekki nægjan-
legt með fiskinum frá því hann kemur á
land og þar til hann annað hvort er kom-
inn í frystihús eða í einhverja aðra vinnslu.
Til skamms tíma var mjög vandað til
slægingar og þvottar á fiskinum, enda eru
um það skýr ákvæði í reglum um fiskimat
og meðferð á ferskum fiski. Þessum ákvæð-
um tel ég slælegar fylgt nú en var fyrir
nokkrum árum og þarf því engu síður að
herða á eftirliti með því en með bátunum
og vinnslustöðvunum, ef verulegur árang-
ur á að nást. Þetta atriði verður aldrei of
brýnt fyrir mönnum. Sú sparnaðarráðstöf-
un fiskkaupandans, að láta aðgerðarmenn
sina hætta vinnu að kvöldi, til þess eins,
að þurfa ekki að borga þeim næturvinnu-
kaup ,er harla hæpin þjóðfélagslega séð.
Það getur jú sparað kaupandanum nokkr-
ar krónur í bili, en við það stórskemmist
fiskurinn og verður margfalt lélegri vara,
og kemur þá þessi stundargróði fiskkaup-
andans fyrst og fremst íslenzka ríkinu í
koll, sem fær þarna til sölumeðferðar lé-
lega og óútgengilega útflutningsvöru, auk
þess sem slík og þvílík vinnubrögð stór-
skemma álit viðskiptaþjóða okkar á ís-
lenzkri fiskframleiðslu. Vinnusparnaður-
inn étst því fljótlega upp og stundargróð-
inn verður að þjóðfélagslegu tapi, sem
gróðafíknir einstaklingar eru valdir að.
— Geta þessar verðlagsbreytingar á fisk-
inum eftir gæðamati, orðið til aukinna
línuveiða á vertíðinni ?
— Já, vafalaust. Eg hefi þá trú, að línu-
tímabilið lengist a. m. k. um hálfan mán-
uð af þessum sökum, eða verði nú til
marzloka. Þó vill það alltaf viðbrenna hjá
okkur Islendingum, að við leggjum höfuð-
kapp á „magnið“, sem svo verður til þess,
að gæði vörunnar skipa óæðri sessinn.
— Höfum við nú ekki með þessum nýju
aðgerðum losað okkur við þann ljóta sið?
— Jú, það skulum við a. m. k. vona.
Þessar nýju ráðstafanir eru til þess gerðar
og við það miðaðar, að á því ófremdar
ástandi, sem ríkt hefir í þessum málum
okkar, verði nú stórfelld breyting til batn-
aðar. Vertíðin, sem nú er hafin verður
alla vega prófsteinn á það.
H. Th. B.
Aðalsafnaðarfundur
var haldinn í Keflavíkurkirkju sunnudag-
inn 29. jan. s.l. þar sem kosin var sóknar-
nefnd fyrir prestakallið. Skömmu síðar hélt
hin nýkjörna sóknarnefnd fund, þar sem hún
skipti með sér verkum þannig:
Hermann Eiríksson Keflavík, formaður.
Friðrik Þorsteinsson Keflavík, gjaldkeri.
Ragna Guðleifsson Keflavík, ritari.
Falur Guðmundsson, Keflavík.
Lísbet Gestsdóttir, Keflavík.
María Guðmundsdóttir, Keflavík.
Sigurjón Vilhjálmsson, Ytri-Njarðvík.
Varamenn eru:
Geir Þórarinsson, Keflavík.
Hulda Einarsdóttir, Ytri-Njarðvík.
Æskulýðsstarf þjóðkirkjunnar.
Sunnudagin 22. janúar, kl. 2 síðdegis, fór
fram í Útskálakirkju sérstök æskulýðsguðs-
þjónusta. Meðal ræðumanna voru sóknar-
presturinn sr. Guðmundur Guðmundsson,
Björn Björnsson guðfræðinemi og sr. Olafur
Skúlason. Tvo næstu daga á eftir, mánudags-
og þriðjudagskvöld voru svo æskulýðssam-
komur i kirkjunni og hófust þær kl. 8 bæði
kvöldin. Á samkomum þessum, sem allar
voru vel sóttar, talaði meðal annarra ræðu-
manna, æskulýðsleiðtogi þjóðkirkjunnar, sr.
Ólafur Skúlason, sem einnig heimsótti skól-
ann í Gerðum og ræddi þar um kirkjuleg
mál við ungmenni sveitarinnar. Er þetta einn
liður í fyrinhuguðu æskulýðsstarfi á vegum
þjóðkirkjunnar, sem sr. Ólafur er ráðinn til
að veita forstöðu. Nú mun í ráði, að hann á
svipaðan hátt heimsæki aðrar kirkjur og
skóla í landinu og kemur hann væntanlega
þeirra erinda hingað til Keflavíkur og Grinda-
víkur innan tíðar. Mun þá Faxi segja nánar
frá þessari merku starfsemi sr. Ólafs.
Smárabar
heitir ný kaffistofa á Tjarnargötu 3 í Kefla-
vík, sem tók til starfa sunnudaginn 8. janúar
s.l. Eigandi þessarar kaffistofu er frú Dóra
Líndal. Eins og meðfylgjandi mynd sýnir, er
kaffistofan nýtízkulega innréttuð og svo er
um annan búnað hennar, sem myndin ekki
sýnir, — þar virðist öllu smekklega og hagan-
lega fyrirkomið. Eins og nú er geta 24 setið
til borðs í einu, en í ráði er að bæta við 3
borðum og verður þá hægt að afgreiða 36
manns samtímis. Forstöðukonan tjáði tíð-
indamanni blaðsins, að auk kaffis, hefði hún
ávalt á boðstólum smurt brauð og allslags
heimabakaðar kökur, með mjög hagstæðu
verði. Hún kvaðst einnig geta látið smurt
brauð og tertur fyrir veizlur og heimahús,
ef það væri pantað með nokkurra klukku-
tima fyrirvara. Á öðrum stað hér í blaðinu
er auglýsing frá kaffistofunni, þar sem nánar
er tiltekið, hvað á boðstólum er. Faxi óskar
frú Dóru til hamingju með þessa starfsemi,
sem ætti að geta orðið hin þarfasta.
&
b
i