Faxi - 01.12.1962, Qupperneq 5

á vist með þeim, snemma á búskaparárun-
um, Einar Jónsson, faðir frú Þórdísar.
Hann dvaldi hjá þeim þar til yfir lauk,
en hann lézt 28. des. 1924 í Keflavík.
Móðir Olafs húsfrú Vilborg Eyjólfs-
dóttir kom einnig suður til dvalar og átti
heimili með þeim hjónum síðustu æviár
sín. Hún andaðist 12. jan. 1917 í Kefla-
vík. Síðar eða eftir 1920 bárust þeim tvö
fósturbörn í einu, voru það bróðurbörn
frú Þórdísar en Jón Björn bróðir hennar
hafði andast um það leyti. Þá komu þangað
gestir í vetrardvöl, stundum ársdvöl eða
lengur. Þar þraut aldrei húsrúm né hjarta-
gæsku.
Ég var svo lánsöm að kynnast frá Þór-
dísi, er við unnum saman að leikstarfsemi
í Keflavík. Mikið var hún háttvís og elsku-
leg í umgengni og ljómandi skemmtileg.
Hún bjó yfir góðlátlegri og græskulausri
kýmni, sem kom manni svo oft í gott
skap, þegar mest á reið og hinn næmi
góðvilji hennar til lítilmagnans yljaði svo
undur þýtt inn að hjartarótum. Frú Þór-
dís var gáfuð kona og ágætlega hagmælt,
lét hún lítið bera á þeirri gáfu sinni, þó
sendi hún stundum ljóð þeim, sem orðið
höfðu fyrir ástvinamissi, það voru ljóð
huggunar og runnin frá innstu hugans
leynum. Hún sendi líka stundum ljóð til
þess að taka þátt í gleði annara. Þessi
brúðkaupsvísa er fimmtíu ára gömul:
„Þið hafið valið vordaginn
vitni að ykkar hjartans málum.
Blessi ástina í ykkar sálum
hann, sem að byggir himininn."
Olafur Ofeigsson var mikill tilfinninga-
naður. Hann mátti ekkert aumt sjá, svo
að hann reyndi ekki að bæta og sást þá
ekki fyrir um eitt né neitt.
Mér kemur í hug að segja hér frá at-
viki, er ég vissi gjörla um og hefur gróp-
ast í hug minn. Lítil telpa, um sex ára
gömul, var hjá fósturforeldrum í Kefla-
vík, fátækum og umkomulitlum. Móðir
hennar hafði farið til Noregs og var ný-
lega gift þar, er þessi saga gerðist. Móð-
irin bað nú um, að telpan yrði send sér,
■°n eitthvað dróst þetta, því telpan vildi
ekki fara og fósturforeldrarnir gátu ekki
*' tldur hugsað til að sjá af henni. Þó kom
í d því, að förinni varð ekki frestað, móð-
i in heimtaði rétt sinn. Ég átti leið til
Reykjavíkur um þessar mundir og var
beðin fyrir barnið og þótti mér sjálfsagt
að verða við þeirri bón. En þetta varð
mikil mæðuferð, því telpan var óhugg-
Efri röð frá vinstri:
Ólafur, Bragi, Hall-
dóra, Asgeir Neðri
röð: Hjónin frú Þór-
dís Einarsdóttir og
Ólafur V. Ófeigsson,
Vilborg litla milli
þeirra.
andi vegna þess að þurfa að skilja við
fósturforeldra og litla heimilið sitt. Fóstur-
móðirin fréttir nú af högum telpunnar
og við þær fréttir verður hún yfirkomin
af harmi. Þó verður henni það til ráðs að
hún fer á fund Olafs Ofeigssonar og tjáir
honum harma sína. En er Olafur heyrir
um þessar raunir, verður það hans eigið
mál. Hann brá skjótt við og tókst að koma
þvi til leiðar, að telpan fékk að fara heim
til fósturforeldra sinna daginn áður en
hún átti að stíga á skipsfjöl til Noregs-
farar. Var ekki hróflað við telpunni eftir
það. Þannig var Olafur Ofeigsson ævin-
lega vinur í raun og þau hjón bæði, því
svo samhent voru þau í öllu.
Frú Þórdís er fædd á Kletti í Geiradal
13. des. 1875, en þar bjuggu foreldrar
hennar allan sinn búskap, þau hjónin,
Halldóra Jónsdóttir og Einar Jónsson.
Einar var fæddur 12. febr. 1843 Jónsson
bónda á Kletti í Geiradal, f. 1. marz 1807,
d. 23. febr. 1859, Björnssonar hreppstjóra
á Litlu-Tungu í Saurbæ, f. 1774, d. 1831,
Jónssonar bónda í Mýrdal í Kolbeinsstaða-
hreppi Björnssonar. Kona Björns Jóns-
sonar var Arndís, f. 1780, d. 1811, Páls-
dóttir í Krossanesi í Eyrarsveit, Þórðar-
sonar. Kona Jóns Björnssonar og móðir
Einars var Þórdís, f. 1805, Jónsdóttir bónda
í Hraunsfirði í Helgafellssveit Brynjólfs-
sonar.
Kona Einars á Kletti og móðir frú Þór-
dísar var Halldóra, f. 13. júlí 1838, d. 10.
apríl 1901, Jónsdóttir bónda á Bakka í
Geiradal, f. 1800, d. 20. sept. 1863, Jóns-
sonar bónda á Gillastöðum í Reykhóla-
sveit, f. 1775, Jónssonar. Kona Jóns á
Gillastöðum var Sólveig, f. 1771, Jóns-
dóttir bónda á Gillastöðum, Hákonar-
sonar. Kona Jóns á Bakka og móðir Hall-
dóru á Kletti var Elísabet. f. 4. maí 1801,
Jónsdóttir bónda á Kambi i Reykhóla-
sveit, f. 1774, Jónssonar bónda, Hamars-
landi, Miðhúsum og Berufirði í Reykhóla-
sveit, f. 1743, Einarssonar. Kona Jóns á
Kambi og móðir Elísabetar á Bakka var
Halldóra, f. 1770, Árnadóttir bónda á
Kambi, f. 1714, d. 1779 og konu hans,
Þórönnu, f. 1736, d. snemma í október
1807, Sigmundsdóttur.
Alsystir Jóns Björnssonar á Kletti, afa
frú Þórdísar, var Guðbjörg móðir Guð-
rúnar Jónsdóttur, sem átti Sigurð kirkju-
smið Sigurðsson, en þau voru foreldrar
Stefáns skálds frá Hvítadal og systkina
hans. J. G. Strandamenn bls. 278. Þar er
mynd af þeim hjónum Sigurði kirkjusmið
og Guðrúnu Jónsdóttur.
Olafur Ofeigsson var í föðurætt kominn
af hinni velþekktu Fjallsætt, fæddur á
Fjalli á Skeiðum 24. marz 1869. Foreldrar
hans voru hjónin Vilborg Eyjólfsdóttir og
Ófeigur Ófeigsson, en þau bjuggu nærri
allan sinn búskap á Fjalli, varð tíu barna
auðið og komust átta til fullorðinsára.
Olafur ritaði nafn sitt þannig: Olafur
V. Ófeigsson. Minntist hann með því
móður sinnar, sem hann elskaði og virti
jafnt frú Þórdísi konu sinni. En þessi rit-
háttur hefur verið misskilinn og hefur úr
því verið búið til nafnið Vigfús, (Læknar
á Islandi bls. 92) sem er rangt. Þetta V.
er fyrsti stafur í nafni móður hans.
Ófeigur bóndi á Fjalli var fæddur 10.
des. 1831, ólst þar upp. Hann andaðist 13.
maí 1900 á Fjalli.
Faðir hans Ófeigur, er nefndur var hinn
ríki, f. 1790, d. í Reykjavík 20. maí
1858 Vigfússon bónda á Fjalli á Skeiðum,
i. 1762, d. 5. marz 1819 Ófeigssonar bónda
á Neistastöðum Sigmundssonar.
Kona Ófeigs ríka var Ingunn, f. 1798, d.
10. apríl 1849, dóttir Mr. Eiríks Vigfús-
FAXI — 165